எம்.பி.பி.எஸ் கவுன்சலிங்; தமிழக அரசு மருத்துவ கல்லூரிகளில் எத்தனை இடங்கள் காலி?

தமிழ்நாடு மருத்துவ கவுன்சலிங்கின் முதல் சுற்று நிறைவடைந்துள்ள நிலையில், அரசு மருத்துவக் கல்லூரிகளில் அகில இந்திய ஒதுக்கீட்டு இடங்கள் 75%க்கும் அதிகமாக காலியாக உள்ளது. 

தமிழகத்தில் எம்.பி.பி.எஸ் படிப்பில் சேர அரசு மற்றும் தனியார் கல்லூரிகளில் 9200 இடங்களும், பி.டி.எஸ் பல் மருத்துவப் படிப்பில் சேர 2,150 இடங்களும் உள்ளன. இந்த மருத்துவ இடங்களுக்கான கலந்தாய்வு நடைபெற்று வருகிறது. முதல் சுற்று முடிவடைந்து உள்ளது.

இந்தநிலையில், முதல் சுற்று மருத்துவ கவுன்சலிங்கில் அகில இந்திய ஒதுக்கீட்டில் எத்தனை இடங்கள் நிரம்பியுள்ளன. இரண்டாம் சுற்றுக்கு எத்தனை காலியிடங்கள் வரும் என்று மிஸ்பா கேரியர் அகாடமியின் யூடியூப் வீடியோவில் விளக்கப்பட்டுள்ளது.

அதன்படி, தமிழகத்தில் உள்ள 37 அரசு மருத்துவக் கல்லூரிகளில் அகில இந்திய ஒதுக்கீட்டில் மொத்தம் 771 இடங்கள் உள்ளன. இதில் 175 இடங்கள் நிரம்பியுள்ளன. 596 இடங்கள் நிரம்பவில்லை. 137 இடங்கள் மெய்நிகர் காலியிடங்களாக உள்ளன. இதன்படி 22.7% இடங்களே நிரம்பியுள்ளன.

சுயநிதி பல்கலைக்கழகங்களில் அகில இந்திய ஒதுக்கீட்டில் உள்ள 3550 இடங்களில் 2285 இடங்கள் நிரம்பியுள்ளன. அதன்படி 64% இடங்கள் நிரம்பியுள்ளன. இதனால் இரண்டாம் சுற்றில் உள்ளவர்களுக்கு நல்ல வாய்ப்பு உள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“