NEET UG 2025: நீட் தேர்வில் எவ்வளவு மதிப்பெண் எடுத்தால் எம்.பி.பி.எஸ் சீட் கிடைக்கும்?

நீட் தேர்வு இன்னும் ஒரு மாதத்தில் நடைபெற உள்ள நிலையில், தமிழகத்தில் உள்ள மருத்துவ கல்லூரிகளில் எவ்வளவு மதிப்பெண்கள் எடுத்தால் எம்.பி.பி.எஸ் இடம் கிடைக்க வாய்ப்புள்ளது என்பதை இப்போது பார்ப்போம்.

இளங்கலை மருத்துவ மாணவர் சேர்க்கைக்கு தேசிய தகுதி மற்றும் நுழைவுத் தேர்வு எனப்படும் நீட் தேர்வில் (NEET UG) தகுதி பெற வேண்டும். இந்த ஆண்டு நீட் தேர்வு மே 4 ஆம் தேதி நடைபெற உள்ளது. இதற்கான விண்ணப்பப் பதிவு முடிவடைந்துள்ள நிலையில் 23 லட்சத்திற்கும் அதிகமான விண்ணப்பங்கள் வந்துள்ளதாக கூறப்படுகிறது.

தமிழகத்தைப் பொறுத்தவரை அரசு மருத்துவக் கல்லூரிகளில் சேர்க்கை பெற கடும் போட்டி நிலவுகிறது. மேலும் தனியார் கல்லூரிகளில் அரசு ஒதுக்கீட்டு இடங்களுக்கும் மாணவர்களிடையே போட்டி நிலவுகிறது. இந்தநிலையில், தமிழக மருத்துவக் கல்லூரிகளில் எந்த கட் ஆஃப் வரை எம்.பி.பி.எஸ் சீட் கிடைக்கும் என்பதை இப்போது பார்ப்போம். இதுதொடர்பாக ஆர்.ஜி.ஆர் அகாடமி என்ற யூடியூப் சேனலில் வெளியிட்டுள்ள வீடியோவின் படி

அரசு மருத்துவக் கல்லூரிகளில் எதிர்பார்க்கப்படும் கட் ஆஃப்

பொதுப் பிரிவு – 650

பி.சி – 620

பி.சி.எம் – 615

எம்.பி.சி – 610

எஸ்.சி – 535

எஸ்.சி.ஏ – 495

எஸ்.டி – 500

தனியார் மருத்துவக் கல்லூரிகளில் அரசு ஒதுக்கீட்டு இடங்களுக்கான எதிர்பார்க்கப்படும் கட் ஆஃப்

பொதுப் பிரிவு – 650 - 600

பி.சி – 620 - 590

பி.சி.எம் – 615 - 585

எம்.பி.சி – 610 – 580

எஸ்.சி – 535 - 500

எஸ்.சி.ஏ – 495 - 470

எஸ்.டி – 500 - 480

இந்த கட் ஆஃப் மதிப்பெண்கள் இறுதியானது அல்ல. இதைவிட கூடவோ குறையவோ செய்யலாம். பெரும்பாலும் குறைய வாய்ப்பில்லை.