NEET UG 2025: விரைவில் நீட் ரிசல்ட்; தமிழக மருத்துவ கல்லூரிகளில் சேர என்னென்ன ஆவணங்கள் தேவை?

நீட் தேர்வு முடிவுகள் விரைவில் வெளியாக உள்ள நிலையில், தமிழக அரசு ஒதுக்கீட்டு இடங்களுக்கான கவுன்சலிங்கில் கலந்துக் கொள்ள என்னென்ன ஆவணங்கள் தேவை என்பதை இப்போது பார்ப்போம்.

இளநிலை மருத்துவ மாணவர் சேர்க்கைக்கான தேசிய தகுதி மற்றும் நுழைவுத் தேர்வு எனப்படும் நீட் தேர்வு (NEET UG 2025) மே 4 நாடு முழுவதும் நடைபெற்றது. எம்.பி.பி.எஸ் (MBBS), பி.டி.எஸ் (BDS), ஆயுர்வேதம் (BAMS), யுனானி (BUMS), ஹோமியோபதி (BHMS) மற்றும் சித்தா (BSMS) போன்ற இளங்கலை மருத்துவப் படிப்புகளுக்கான மாணவர் சேர்க்கைக்கு இந்த நீட் தேர்வில் தகுதி பெறுவது அவசியம்.

இந்த நீட் தேர்வுக்கான முடிவுகள் விரைவில் வெளியாகும் என்று எதிர்ப்பார்க்கப்படும் நிலையில், தமிழக அரசு ஒதுக்கீட்டு இடங்களுக்கான கவுன்சலிங்கில் கலந்துக் கொள்ள என்னென்ன ஆவணங்கள் தேவை என்பதை பயாலஜி சிம்பிளிஃபைடு தமிழ் என்ற யூடியூப் சேனலில் கல்வி ஆலோசகர் செந்தில்நாதன் விளக்கியுள்ளார்.

தேவையான ஆவணங்கள்

நீட் தேர்வு அட்மிட் கார்டு

நீட் தேர்வு மதிப்பெண் அட்டை

10 ஆம் வகுப்பு மதிப்பெண் சான்றிதழ்

11 ஆம் வகுப்பு மதிப்பெண் சான்றிதழ்

12 ஆம் வகுப்பு மதிப்பெண் சான்றிதழ்

மாற்றுச் சான்றிதழ்

6 – 8 ஆம் வகுப்பு வரை பள்ளியில் படித்ததற்கான சான்றிதழ்

சாதி சான்றிதழ்

இருப்பிடச் சான்றிதழ்

பிறப்புச் சான்றிதழ்

பெற்றோரில் ஒருவரின் சாதி சான்றிதழ்

முதல் தலைமுறை பட்டதாரி சான்றிதழ் (தேவைப்படின்)

7.5% இடஒதுக்கீட்டுக்கான சான்றிதழ் (தேவைப்படின்)

வருமானச் சான்றிதழ்

தகுதிச் சான்றிதழ் (தேவைப்படின்)

மொழி அல்லது மத சிறுபான்மை சான்றிதழ் (தேவைப்படின்)

கூடுதல் சான்றிதழ்கள் (தேவைப்படின்)