NEET UG 2024: நீட் கவுன்சலிங் ஒத்திவைப்பு? மத்திய சுகாதாரத் துறை விளக்கம்

NEET UG 2024: தேசிய தகுதி மற்றும் நுழைவுத் தேர்வு இளங்கலை (NEET UG) 2024க்கான கவுன்சிலிங் மறு அறிவிப்பு வரும் வரை ஒத்திவைக்கப்பட்டுள்ளது. நீட் அகில இந்திய ஒதுக்கீட்டு (AIQ) இடங்களுக்கான கவுன்சிலிங் ஜூலை 6-ஆம் தேதி தொடங்க திட்டமிடப்பட்டிருந்தது. கவுன்சிலிங்கைத் தாமதப்படுத்த உச்ச நீதிமன்றம் மறுத்ததைத் தொடர்ந்து இந்த அப்டேட் வந்துள்ளது.

ஆங்கிலத்தில் படிக்க:

இருப்பினும், மருத்துவ ஆலோசனைக் குழு (MCC) ஜூலை 6 அன்று ஒரு அறிவிப்பில், தேசிய தகுதி மற்றும் நுழைவுத் தேர்வு, இளநிலை (NEET UG) 2024 கவுன்சிலிங் அட்டவணை இன்னும் அறிவிக்கப்படவில்லை என்று தெரிவித்தது.

“நீட் யு.ஜி மற்றும் பி.ஜி.,க்கான கவுன்சிலிங் அட்டவணையை மருத்துவ ஆலோசனைக் குழு தனது இணையதளத்தில் தேர்வு செயல்முறையை முடித்ததன் அடிப்படையில் மற்றும் தேசிய மருத்துவ ஆணையத்தால் (NMC) இட ஓதுக்கீட்டை இறுதி செய்ததன் அடிப்படையில் அறிவிக்கப்பட்டுள்ளது. 2021, 2022 மற்றும் 2023 ஆம் ஆண்டுகளில், இளநிலை இடங்களுக்கான கவுன்சிலிங் முறையே 19/1/2022, 11/10/2022 மற்றும் 20/7/2023 அன்று தொடங்கியது.

2024 ஆம் ஆண்டிற்கான இளநிலை மற்றும் முதுநிலை மருத்துவ இடங்களுக்கான சீட் மேட்ரிக்ஸை இறுதி செய்வதற்கான அட்டவணையை ஜூன் கடைசி வாரத்தில் தேசிய மருத்துவ ஆணையம் தெரிவித்தது, இது இளநிலை சீட் மேட்ரிக்ஸை ஜூலை மூன்றாவது வாரத்திலும், முதுநிலை சீட் மேட்ரிக்ஸை ஆகஸ்ட் நடுப்பகுதியிலும் இறுதி செய்யும் என்பதைக் குறிக்கிறது. அதற்கேற்ப மருத்துவ ஆலோசனைக் குழு கவுன்சிலிங் அட்டவணையை அறிவிக்கும்” என்று அதிகாரப்பூர்வ அறிவிப்பில் தெரிவிக்கப்பட்டுள்ளது.

இதற்கிடையில், நீதிபதிகள் ஜே.பி பர்திவாலா மற்றும் மனோஜ் மிஸ்ரா ஆகியோருடன் தலைமை நீதிபதி டி.ஒய் சந்திரசூட் தலைமையிலான உச்ச நீதிமன்றம் ஜூலை 8 ஆம் தேதி பல்வேறு நீட் தேர்வு 2024 தொடர்பான மனுக்களை விசாரிக்கிறது.

இந்த மனுக்களில், மனுதாரர்கள் வினாத்தாள் கசிவு, முழுத் தேர்வை ரத்து செய்ய வேண்டும் மற்றும் மருத்துவ நுழைவுத் தேர்வை மீண்டும் நடத்த வேண்டும் என்று சிலர் கோரியுள்ளனர், சிலர் தேசிய தேர்வு முகமையின் (NTA) செயல்பாடுகள் குறித்து விசாரணை நடத்த வேண்டும் என்று கோரியுள்ளனர்.

நீட் கவுன்சிலிங் பல சுற்றுகளில் காலியிட சுற்றுகள் மற்றும் மாப்-அப் சுற்றுகளுடன் நடத்தப்படுகிறது. நீட் நுழைவுத் தேர்வில் தேர்ச்சி பெற்ற மாணவர்கள் முதலில் நீட் யு.ஜி கவுன்சிலிங்கிற்கு பதிவு செய்து கட்டணத்தைச் செலுத்தி, விருப்பமான கல்லூரிகளைத் தேர்வு செய்து அவற்றை சமர்பித்து, ஆவணங்களைப் பதிவேற்றி, ஒதுக்கப்பட்ட கல்வி நிறுவனத்திற்கு நேரில் தெரிவிக்க வேண்டும்.

15 சதவீத அகில இந்திய ஒதுக்கீட்டு இடங்களின் கீழ் நீட் கவுன்சிலிங்கில் அரசு கல்லூரிகள், மத்திய மற்றும் நிகர்நிலைப் பல்கலைக்கழகங்கள், ஊழியர்களின் மாநில காப்பீட்டுக் கழக (ESIC) மருத்துவக் கல்லூரிகளில் காப்பீடு செய்யப்பட்ட நபர்களின் குழந்தைகளுக்கு ஒதுக்கப்பட்ட இடங்கள் (IP ஒதுக்கீடு) மற்றும் ஆயுதப்படை மருத்துவக் கல்லூரி (AFMC) புனேவில் உள்ள இடங்கள் ஆகியவை அடங்கும்.

இதற்கிடையில், ஜூன் 23 அன்று 813 (1563 பேரில்) தேர்வர்களுக்கு நடத்தப்பட்ட மறுதேர்வின் முடிவை தேசிய தேர்வு முகமை வெளியிட்டது. திருத்தப்பட்ட முடிவுகளின் மூலம், 6 பேரின் தேர்வில் முதலிடம் 67ல் இருந்து 61 ஆக குறைந்துள்ளது. மறுதேர்வில் அவர்களால் முழுமையான மதிப்பெண்ணைப் பெற முடியவில்லை. இருப்பினும், அவர்கள் 680க்கு மேல் அதிக மதிப்பெண்களை மீண்டும் பெற்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“