இந்த ஆண்டு முதல் எம்.பி.பி.எஸ் மாணவர்களுக்கு துணைத் தொகுதிகள் கிடையாது – மருத்துவ கவுன்சில்

குறிப்பிடத்தக்க வகையில், தேசிய மருத்துவ ஆணையத்தின் விதிமுறைகள் ஆண்டுத் தேர்வில் தோல்வியடைவோருக்கான துணை தொகுதியையும் நீக்குகிறது.

எந்தவொரு மாணவரும் வருடாந்திர பல்கலைக்கழகத் தேர்வில் தேர்ச்சி பெறத் தவறினால், அவர்கள் துணைத் தேர்வில் பங்கேற்கலாம் என்று பட்டதாரி மருத்துவக் கல்வி விதிமுறைகளில் வெளியிடப்பட்டுள்ள வழிகாட்டுதல்கள் கூறுகின்றன. மேலும், முதன்மைத் தேர்வு முடிவுகள் வெளியான மூன்று முதல் ஆறு வாரங்களுக்குள் அதன் முடிவுகள் அறிவிக்கப்பட வேண்டும். துணைத் தேர்வில் தேர்ச்சி பெறுபவர்கள் முதன்மைத் தொகுப்பில் சேருவார்கள், ஆனால் அதில் தோல்வியடைபவர்களுக்கு துணைத் தொகுதிகள் இருக்காது; அவர்கள் அடுத்த தொகுதியில் சேர வேண்டும் என்றும் வழிகாட்டுதல்கள் கூறுகின்றன.

இதையும் படியுங்கள்: NEET Counselling: 2024 முதல் எம்.பி.பி.எஸ் படிப்புக்கு நாடு முழுவதும் ஒரே கவுன்சிலிங் – மருத்துவ கவுன்சில் திட்டம்

இது தவிர, நிர்ணயிக்கப்பட்ட இலக்குகளை நோக்கி சிறப்பாக ஒருங்கிணைக்க, திறன் அடிப்படையிலான மருத்துவக் கல்வியிலும் (CBME) மாற்றங்கள் செய்யப்பட்டுள்ளன. "உதாரணமாக, CBME 2019 இல் அறிமுகப்படுத்திய மருத்துவ நெறிமுறைகளை எடுத்துக் கொள்ளுங்கள். இது ஒரு மிக முக்கியமான கூடுதல் அம்சமாகும், ஏனெனில் நமது மாணவர்கள் அதைத் தவறவிட்டனர். இருப்பினும், பாடங்கள் குறிப்பிட்ட துறைக்கு ஒதுக்கப்படாததால், அவை மிகவும் திறம்பட எடுக்கப்படவில்லை. தற்போதைய வழிகாட்டுதல்கள் எந்த துறை எந்த அம்சத்தை கற்பிக்க வேண்டும் என்று ஒதுக்கப்பட்டுள்ளன, ”என்று பல்கலைக்கழக மருத்துவ அறிவியல் கல்லூரியின் பேராசிரியர் டாக்டர் சதேந்திர சிங் கூறினார்.

மாணவர்களை எம்.பி.பி.எஸ் படிப்பு, சமூகத்தில் மருத்துவர்களின் பங்கு, மருத்துவ வரலாறு மற்றும் தேசிய முன்னுரிமைகள் ஆகியவற்றின் பின்னணியில் மாணவர்களை வழிநடத்தும் அடிப்படைப் பாடத்தின் காலம் ஒரு மாதத்திலிருந்து ஒரு வாரமாக குறைக்கப்பட்டுள்ளது என்றும் டாக்டர் சதேந்திர சிங் கூறினார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil