விண்ணப்பக் கட்டணமாக ரூ1065 கோடி வருமானம் ஈட்டிய என்.டி.ஏ; மத்திய அரசு

2018 இல் நிறுவப்பட்ட தேசிய தேர்வு முகமை (NTA), நுழைவுத் தேர்வுகளை மீண்டும் மீண்டும் ரத்து செய்ததாலும், வினாத்தாள் கசிவுகள் மற்றும் முறைகேடுகள் குறித்த குற்றச்சாட்டுகளாலும் இந்த ஆண்டு செய்திகளில் உள்ளது. நீட் தேர்வு (NEET UG 2024) வினாத்தாள் கசிவு சர்ச்சையைச் சுற்றியுள்ள விவகாரம் உச்ச நீதிமன்றத்தை எட்டியது.

ஆங்கிலத்தில் படிக்க:

இப்போது யு.ஜி.சி நெட் (UGC NET), சி.எஸ்.ஐ.ஆர் நெட் (CSIR UGC NET), என்.சி.இ.டி (NCET) தேர்வுகளின் ரத்து மற்றும் சி.யு.இ.டி (CUET UG 2024) இன் தாமதமான முடிவு ஆகியவற்றால், தேசிய தேர்வு முகமையின் செயல்பாடு ராஜ்யசபாவில் கேள்விக்குள்ளாக்கப்பட்டது.

இந்திய தேசிய காங்கிரஸின் (INC) ராஜ்யசபா உறுப்பினர் விவேக் கே.டான்கா, ஜூலை 31 அன்று மக்களவையில் மத்திய அரசிடம் விண்ணப்பப் படிவங்கள் மற்றும் பிற சேவைகள் மூலம் தேசிய தேர்வு முகமை பெற்ற மொத்த வருவாய் குறித்து கேள்வி எழுப்பினார்.

கல்வி அமைச்சகத்தின் இணை அமைச்சர் டாக்டர் சுகந்தா மஜும்தார், வசூலிக்கப்படும் தேர்வுக் கட்டணத்தின் மூலம் தேசிய தேர்வு முகமை சுயமாக தேவையை நிறைவேற்றிக் கொள்கிறது என்று பதிலளித்தார். 2023-24ல் தேசிய தேர்வு முகமையின் கட்டண வருமானம் ரூ. 1065.38 (கோடியில்) என்றும், மொத்தச் செலவு ரூ. 1020.35 (கோடியில்) என்றும் அமைச்சர் கூறினார்.

தேசிய தேர்வு முகமை தொடக்கத்தில், 5.4 கோடி விண்ணப்பதாரர்களை உள்ளடக்கிய 240 தேர்வுகளை நடத்தியுள்ளது. பின்னர் தேசிய தேர்வு முகமை CUET UG மற்றும் PG தேர்வுகளை 2022 இல் அறிமுகப்படுத்தியது. தரவுகளின்படி, CUETக்குப் பிறகு, கட்டண வருமானம் மற்றும் மொத்தச் செலவுகள் வியத்தகு அதிகரிப்பைப் பதிவு செய்திருப்பதாகத் தெரிகிறது, கட்டண வருமானம் 2021-22 இல் ரூ. 490.35 (கோடியில்) இருந்து 2022-23ல் ரூ.873.20 மற்றும் 2023-24ல் ரூ.1065.38 ஆக அதிகரித்துள்ளது.

"போட்டித் தேர்வுகளில் உள்ள உணர்திறனைக் கருத்தில் கொண்டு, அவர்களின் சுமூகமான மற்றும் நியாயமான நடத்தைக்காக பல்வேறு செயல்பாட்டு மற்றும் பாதுகாப்பு நடவடிக்கைகள் மேற்கொள்ளப்படுகின்றன. இத்தகைய நடவடிக்கைகளில், பயோமெட்ரிக், ஃபிரிஸ்கிங், சி.சி.டி.வி (CCTV) கண்காணிப்பு, செயற்கை நுண்ணறிவு (AI) பகுப்பாய்வு போன்ற சேவைகளை வழங்குவதற்கான சிறப்பு/அனுபவம் வாய்ந்த ஏஜென்சிகளின் ஈடுபாடு உள்ளடங்கும்.

மத்திய பணியாளர் திட்டத்தின் கீழ் மத்திய அரசால் நியமிக்கப்பட்ட டைரக்டர் ஜெனரல் தலைமையில் தேசிய தேர்வு முகமை ஒரு தன்னிறைவு பெற்ற அமைப்பாக அமைக்கப்பட்டுள்ளது. மேலும், தேசிய தேர்வு முகமையில் டெபுடேஷனில் பணிபுரியும் ஊழியர்களின் எண்ணிக்கை தற்போது 22 ஆக உள்ளது. ஒப்பந்த ஊழியர்களின் எண்ணிக்கை 39 மற்றும் அவுட்சோர்சிங் ஊழியர்கள்/ஊழியர்கள் 132. ஒரு பணியாளர் அரசு துறையிலிருந்து பணியாற்றுகிறார்.

"பிரதிநிதித்துவத்தைப் பொறுத்தவரை பணிபுரியும் ஊழியர்களில், பெண்களின் சதவீதம் 17.3% மற்றும் எஸ்.சி.,க்கள் 13% ஆகும்," என்று அமைச்சர் பதிலளித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“