கடந்த ஐந்து ஆண்டுகளில் 13,626 பட்டியல் சாதியினர் (SC), பழங்குடியினர் (ST), இதர பிற்படுத்தப்பட்ட வகுப்பினர் (OBC) மாணவர்கள் மத்தியப் பல்கலைக்கழகங்கள், இந்திய தொழில்நுட்பக் கழகங்கள் (IITs) மற்றும் இந்திய மேலாண்மை நிறுவனங்களில் (IIMs) இருந்து பாதியில் வெளியேறியுள்ளனர் என்று மத்திய கல்வித்துறை இணை அமைச்சர் சுபாஸ் சர்க்கார் இன்று மக்களவையில் எழுத்துப்பூர்வ பதிலில் தெரிவித்தார்.
ஆங்கிலத்தில் படிக்க: Over 13,000 SC, ST, OBC students dropped out of central varsities, IITs, IIMs in 5 years: Minister
இந்த உயர்கல்வி நிறுவனங்களில் ஓ.பி.சி, எஸ்.சி மற்றும் எஸ்.டி மாணவர்களிடையே அதிக இடைநிற்றல் விகிதங்களுக்குப் பின்னால் உள்ள காரணங்களைப் புரிந்துகொள்ள அரசாங்கம் ஏதேனும் ஆய்வு நடத்தியுள்ளதா என்ற கேள்விக்கு மக்களவையில் பதிலளித்த அமைச்சர் சுபாஸ் சர்கார் கூறியதாவது: உயர்கல்வித் துறையில் மாணவர்களுக்கு பல விருப்பங்கள் உள்ளன மற்றும் அவர்கள் ஒரு நிறுவனத்திலிருந்து மற்றொரு நிறுவனத்திற்கு மாறுகிறார்கள் அல்லது ஒரே நிறுவனத்தில் ஒரு பாடம்/ திட்டத்திலிருந்து மற்றொரு பாடத்திற்கு மாற விரும்புகிறார்கள். இந்த இடம்பெயர்வு/ மாறுவதற்கு காரணம், முக்கியமாக மாணவர்கள் அவர்கள் விரும்பும் பிற துறைகள் அல்லது நிறுவனங்களில் அல்லது ஏதேனும் தனிப்பட்ட அடிப்படையில் இருக்கையைப் பெறுவதாகும்.
கடந்த ஐந்தாண்டுகளில் 4,596 ஓ.பி.சி மாணவர்களும், 2,424 எஸ்.சி மற்றும் 2,622 எஸ்.டி மாணவர்களும் மத்திய பல்கலைக்கழகங்களில் இருந்து பாதியில் வெளியேறியுள்ளனர் என்றும் அமைச்சர் சுபாஸ் சர்க்கார் தரவுகளைப் பகிர்ந்துள்ளார். இதில் 2,066 ஓ.பி.சி, 1,068 எஸ்.சி மற்றும் 408 எஸ்.டி மாணவர்கள் ஐ.ஐ.டி.,களில் இருந்து வெளியேறியுள்ளனர், 163 ஓ.பி.சி, 188 எஸ்.சி மற்றும் 91 எஸ்.டி மாணவர்கள் ஐ.ஐ.எம்.,களில் இருந்து வெளியேறியுள்ளனர்.
அரசு ஏழை நிதி பின்னணியில் உள்ள மாணவர்கள் கல்வியைத் தொடர, கட்டணக் குறைப்பு, அதிக கல்வி நிறுவனங்களை நிறுவுதல், உதவித்தொகை, தேசிய அளவிலான உதவித்தொகைக்கான முன்னுரிமை அணுகல் போன்ற பல்வேறு நடவடிக்கைகளை எடுத்துள்ளது என்று அமைச்சர் தெரிவித்தார். எஸ்.சி/எஸ்.டி மாணவர்களின் நலனுக்காக, ஐ.ஐ.டி.,களில் கல்விக் கட்டணத்தை தள்ளுபடி செய்தல், மத்தியத் துறைத் திட்டத்தின் கீழ் தேசிய உதவித்தொகை வழங்குதல், கல்வி நிறுவனங்களில் உதவித்தொகை போன்ற திட்டங்களும் உள்ளன.
“SC/ST மாணவர்களின் எந்தவொரு பிரச்சினையையும் முன்கூட்டியே தீர்க்கும் வகையில், நிறுவனங்கள் SC/ST மாணவர்களின் செல்கள், சம வாய்ப்புக் குழு, மாணவர் குறைதீர்ப்புப் பிரிவு, மாணவர் குறைதீர்ப்புக் குழு, மாணவர் சமூகக் கழகம், தொடர்பு அலுவலர்கள், தொடர்புக் குழு போன்ற வழிமுறைகளை அமைத்துள்ளன. மேலும், பல்கலைக்கழக மானியக் குழு (UGC) மாணவர்களிடையே சமத்துவம் மற்றும் சகோதரத்துவத்தை ஊக்குவிப்பதற்கான அறிவுறுத்தல்களை அவ்வப்போது வெளியிட்டுள்ளது,” என்று அமைச்சர் கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“