/tamil-ie/media/media_files/uploads/2023/01/PPC-2023-Pariksha-Pe-Charcha-2023.jpg)
பரீக்ஷா பே சர்ச்சா (தேர்வு குறித்த விவாதம்) 2023 இன் ஒரு பகுதியாக, தேர்வு மன அழுத்தத்தை முறியடிக்க உதவும் 'மந்திரங்கள் மற்றும் செயல்பாடுகளின் களஞ்சியத்தை' பிரதமர் நரேந்திர மோடி இன்று மாணவர்களுடன் பகிர்ந்து கொண்டார். இந்த வீடியோக்கள் https://www.narendramodi.in/parikshapecharcha என்ற அதிகாரப்பூர்வ இணையதளத்தில் கிடைக்கின்றன.
"இது தேர்வுக் காலம் மற்றும் எங்கள் #எக்ஸாம் வாரியர்கள் (தேர்வு எழுதும் மாணவர்கள்) தேர்வுத் தயாரிப்புகளில் மூழ்கி இருப்பதால், மந்திரங்கள் மற்றும் செயல்பாடுகளின் சுவாரஸ்யமான களஞ்சியத்தைப் பகிர்ந்துகொள்வது, தேர்வு மன அழுத்தத்தைக் குறைக்க உதவும் மற்றும் தேர்வுகளைக் கொண்டாட உதவும்" என்று பிரதமர் ட்வீட் செய்தார்.
It is exam season and as our #ExamWarriors are immersed in exam preparations, sharing an interesting repository of Mantras and activities that will help ease exam stress and also help celebrate exams. Have a look…https://t.co/EegBatayuJ
— Narendra Modi (@narendramodi) January 12, 2023
இதையும் படியுங்கள்: JEE Mains 2023: கட்டாயம் படிக்க வேண்டிய வேதியியல் பாடத் தலைப்புகள்
இந்தத் தொடர் பிரதமர் தனது உரையாடல்களில் தொட்ட அனைத்து முக்கிய கருப்பொருள்களையும் ஒன்றாகக் கொண்டுவருவதை நோக்கமாகக் கொண்டுள்ளது. இந்த இணையதளம் பிரதமரின் வீடியோக்கள், கருத்துகளின் சுருக்கம் மற்றும் செய்தியை சுருக்கமாக படம்பிடிக்கும் கிராபிக்ஸ் ஆகியவற்றை வழங்குகிறது. இது 'தேர்வுகளில் சரியான அணுகுமுறை என்ன?', 'தேர்வு அறையில் மற்றும் அறைக்கு வெளியே நம்பிக்கையுடன் இருப்பது', நேர மேலாண்மை, கடினமான பாடங்களைக் கையாள்வது, கவனம் செலுத்துவது எப்படி, 'நினைவகத்தை அதிகமாக்குதல்', 'இலக்குகளை நிர்ணயித்தல்' போன்ற பல தலைப்புகளை உள்ளடக்கியது.
சமீபத்தில், பரீக்ஷா பே சர்ச்சாவின் (PPC) ஆறாவது பதிப்பு புதுடெல்லியில் உள்ள தல்கடோரா ஸ்டேடியத்தில் டவுன்ஹால் வடிவத்தில் ஜனவரி 27 அன்று நடைபெறும் என்று கல்வி அமைச்சகம் அறிவித்தது. PPC 2023 இல் பங்கேற்பதற்கான தேதி ஜனவரி 27, 2023 வரை நீட்டிக்கப்பட்டுள்ளது. ஆர்வமுள்ள விண்ணப்பதாரர்கள் https://innovateindia.mygov.in/ppc-2023/ என்ற அதிகாரப்பூர்வ இணையதளத்தில் பதிவு செய்யலாம். இந்த ஆண்டு கலந்தாய்வில் 9 முதல் 12 ஆம் வகுப்பு மாணவர்கள் பங்கேற்க தகுதியுடையவர்கள்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.