பிரதமரின் கல்வி உதவித்தொகை: 9, 11-ம் வகுப்பு மாணவர்கள் விண்ணப்பிக்கலாம் - அதிகாரிகள் அறிவிப்பு

நீலகிரி மாவட்டத்தில் உள்ள இதர பிற்படுத்தப்பட்டோர் (ஓ.பி.சி), பொருளாதாரத்தில் பின்தங்கியோர் மற்றும் சீர்மரபினர் பிரிவைச் சேர்ந்த மாணவர்களுக்கு, பிரதமரின் கல்வி உதவித்தொகை திட்டம் மூலம் நிதியுதவி வழங்கப்படவுள்ளதாக கல்வித்துறை அதிகாரிகள் தெரிவித்துள்ளனர்.

விண்ணப்பிக்கத் தகுதிகள்:

பிரதமரின் கல்வி உதவித்தொகை பெறுவதற்கு விண்ணப்பிக்க பெற்றோரின் ஆண்டு வருமானம் ரூ.2.50 லட்சத்திற்குள் இருக்க வேண்டும்.

2025-2026-ம் ஆண்டிற்கான தேசிய கல்வி உதவித்தொகை திட்டத்திற்கு விண்ணப்பிக்க, பட்டியலிடப்பட்ட பள்ளிகளில் 9 மற்றும் 11-ம் வகுப்பு மாணவர்கள் பிரதமரின் கல்வி உதவித்தொகைக்கு தகுதியானவர்கள் ஆவர்.

விண்ணப்பிக்கும் முறை:

புதிய மாணவர்கள்: தேசிய கல்வி உதவித்தொகை இணையதளத்தில் https://scholarships.gov.in தங்களது செல்போன் எண் மற்றும் ஆதார் விவரங்களைப் பதிவு செய்தால், ஓ.டி.ஆர். எண்ணும், கடவுச்சொல்லும் குறுஞ்செய்தியாக வரும். இந்த விவரங்களைக் கொண்டு விண்ணப்பத்தைப் பூர்த்தி செய்ய வேண்டும்.

பழைய மாணவர்கள்: கடந்த ஆண்டு இத்திட்டத்தின் கீழ் பயனடைந்த மாணவர்கள், அதே இணையதளத்தில் உள்ள விண்ணப்பத்தை புதுப்பித்தல் ('Renewal Application') என்ற இணைப்பில் தங்கள் ஓ.டி.ஆர். எண்ணைப் பயன்படுத்தி விண்ணப்பத்தைப் புதுப்பித்துக் கொள்ளலாம்.

முக்கிய தேதிகள்:

பிரதமரின் கல்வி உதவித்தொகை பெறுவதற்கு விண்ணப்பிக்க கடைசி நாள்: செப்டம்பர் 30, 2025

கல்வி நிறுவனங்கள் சரிபார்க்க கடைசி நாள்: அக்டோபர் 15, 2025 என்று அறிவிக்கப்பட்டுள்ளது.

பட்டியலிடப்பட்ட பள்ளிகளின் விவரங்களை நீலகிரி மாவட்ட முதன்மை கல்வி அலுவலரைத் தொடர்புகொண்டு தெரிந்துகொள்ளலாம். இத்திட்டம் குறித்த கூடுதல் விவரங்களை ஆன்லைன் மூலமும் அறிந்துகொள்ளலாம் என அதிகாரிகள் தெரிவித்தனர்.