முதுநிலை, டிப்ளமோ படிப்புகளுக்கு நவ.16-ம் தேதி முதல் நேரடி சேர்க்கை; புதுச்சேரி பல்கலை அறிவிப்பு

புதுச்சேரி பல்கலைக்கழகத்தில் காலியாக உள்ள முதுநிலை மற்றும் டிப்ளமோ படிப்புகளுக்கு நாளை முதல் நேரடி சேர்க்கை நடக்கின்றது.

புதுச்சேரி பல்கலைக்கழகத்தில் கியூட் நுழைவு தேர்வு அடிப்படையில் மாணவர் சேர்க்கை நடைபெற்று வருகின்றது. பல கட்ட மாணவர் சேர்க்கைக்கு பிறகு பல்வேறு முதுநிலை, டிப்ளமோ படிப்புகளில் காலியிடங்கள் ஏற்பட்டுள்ளன. இந்த இடங்களுக்கு நேரடி சேர்க்கை நடத்த பல்கலை நிர்வாகம் முடிவு செய்துள்ளது.

முதுநிலை கியூட் தேர்வு எழுதிய மாணவர்கள் நாளை 16 ஆம் தேதி முதல் 18 ஆம் தேதி வரை நடைபெறும் நேரடி சேர்க்கையில் கலந்துக் கொள்ளலாம். அப்போது, அனைத்து சான்றிதழ்களின் அசல் மற்றும் நகல் கொண்டு வர வேண்டும் என குறிப்பிடப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“