SBI Jobs: எஸ்.பி.ஐ வேலை வாய்ப்பு; 6160 காலியிடங்கள்; உடனே அப்ளை பண்ணுங்க!

ஸ்டேட் பாங்க் ஆப் இந்தியா (எஸ்.பி.ஐ) 6160 அப்ரண்டிஸ் பணியிடங்களுக்கான அறிவிப்பை வெளியிட்டுள்ளது. ஆர்வமுள்ளவர்கள் sbi.co.in இல் விண்ணப்பிக்கலாம். இந்த பயிற்சி பணியிடங்களில் தமிழகத்தில் மொத்தம் 648 காலியிடங்கள் உள்ளன. ஆர்வமும் தகுதியும் இருப்பவர்கள் 21.09.2023க்குள் விண்ணப்பித்துக் கொள்ளுங்கள்.

இதையும் படியுங்கள்: வெலிங்டன் ராணுவ பயிற்சி மையத்தில் வேலை; 10-ம் வகுப்பு தகுதி; உடனே அப்ளை பண்ணுங்க!

SBI APPRENTICES

காலியிடங்களின் எண்ணிக்கை : 6160

கல்வித் தகுதி : அங்கீகரிக்கப்பட்ட பல்கலைக்கழகத்தில் பட்டப்படிப்பை முடித்திருக்க வேண்டும்.

வயதுத் தகுதி : விண்ணப்பதாரர் 01.18.2023 அன்று 20 முதல் 28 வயதிற்குள் இருக்க வேண்டும். SC/ST பிரிவினருக்கு 5 ஆண்டுகளும், OBC பிரிவினருக்கு 3 ஆண்டுகளும் PWD பிரிவினருக்கு 10 ஆண்டுகளும், வயது சலுகை உண்டு.

சம்பளம் : ரூ. 15,000

தேர்வு செய்யப்படும் முறை: இந்த பயிற்சி பதவிகளுக்கு ஆன்லைன் எழுத்துத் தேர்வு மூலம் தகுதியானவர்கள் தேர்ந்தெடுக்கப்படுவர்.இதில் ஆன்லைன் எழுத்துத் தேர்வு மற்றும் வட்டார மொழி தகுதித் தேர்வு என இரண்டு படிநிலைகள் உண்டு. இந்த பதவிகளுக்கு நேர்முகத் தேர்வு கிடையாது.

ஆன்லைன் எழுத்துத் தேர்வு: ஆன்லைன் எழுத்துத் தேர்வு 100 மதிப்பெண்களுக்கு நடைபெறும். இதில் ஆங்கிலம், திறனறிதல், கணிதம் மற்றும் பொது அறிவு அல்லது வங்கி தொடர்பான கேள்விகள் (General/ Financial Awareness) என மொத்தம் 100 கேள்விகள் இடம்பெறும். இந்த தேர்வுக்கான கால அளவு 1 மணி நேரம் மட்டுமே.

ஆன்லைன் எழுத்துத் தேர்வுக்குப் பின் வட்டார மொழி தகுதித் தேர்வு நடைபெறும். தேர்ச்சி பெற்றவர்கள், அதன்பின் பயிற்சிக்கு பணியமர்த்தப்படுவார்கள். இந்த பயிற்சியை வெற்றிகரமாக முடிப்பவர்களுக்கு, கிளர்க் பணியிடங்களுக்கான தேர்வு முறையில் முன்னுரிமை அளிக்கப்படும்.

விண்ணப்பிக்கும் முறை : இந்த பணியிடங்களுக்கு விண்ணப்பிக்க https://sbi.co.in/web/careers/current-openings அல்லது https://ibpsonline.ibps.in/sbiaaug23/ என்ற இணையதளப் பக்கங்கள் மூலம் ஆன்லைனில் விண்ணப்பிக்க வேண்டும்.

விண்ணப்பக் கட்டணம் : இதற்கான விண்ணப்பக் கட்டணம் பொதுப் பிரிவு, OBC மற்றும் EWS பிரிவினருக்கு ரூ.300 ஆக உள்ளது. SC/ST, PWD, பிரிவுகளுக்கு விண்ணப்பக் கட்டணம் இல்லை.

விண்ணப்பிக்க கடைசி தேதி : 21.09.2023

இந்த அறிவிப்பு தொடர்பாக மேலும் விவரங்கள் அறிய https://sbi.co.in/documents/77530/36548767/310823-ENGAGEMENT+OF+APPRENTICE+2023+ADVERTISEMENT+CRPD_APPR_2023-24_17.pdf/fb7c7b06-3c72-4c55-cd2b-1c9bbc0307ce?t=1693485209035 என்ற இணையதளப் பக்கத்தினைப் பார்வையிடவும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெறhttps://t.me/ietamil“