சிபிஎஸ்இ 10- ஆம் வகுப்பு தேர்வு முடிவுகள் ஜூன் 20 ஆம் தேதி என அறிவிப்பு

Tamil Education Update : மாணவர்களின் செயல்திறன் அடிப்படையில் இறுதி முடிவுகள் அட்டவணைப்படுத்தப்பட வேண்டும் என்று அறிவுறுத்தப்பட்டுள்ளது.

CBSE 10th Result Update : இந்தியாவில் சிபிஎஸ்இ-இணைந்த பள்ளிகளில் 10-ம் வகுப்பு மாணவர்களுக்கான பொதுத்தேர்வு முடிவுகள் வரும் ஜூன் 20-ந் தேதி வெளியாகும் என்று அறிவிக்கப்பட்டுள்ளது.

சிபிஎஸ்இ-இணைந்த பள்ளிகளில் படிக்கும் 10 ஆம் வகுப்பு மாணவர்களுக்கு இந்த ஆண்டுக்கான யூனிட் சோதனைகள், அரை ஆண்டு தேர்வு மற்றும் அந்தந்த பள்ளிகளால் நடத்தப்படும் வாரியத்திற்கு முந்தைய தேர்வு ஆகியவற்றின் செயல்திறனை அடிப்படையாகக் கொண்டு வாரிய முடிவுகளை அறிவிக்கப்பட உள்ளது. யூனிட் தேர்வில் ஒரு மாணவரின் செயல்திறன் 10 மதிப்பெண்களுக்கும், இடைக்கால தேர்வுக்கு 30 மதிப்பெண்களுக்கும், வாரியத்திற்கு (Board) முந்தைய தேர்வு 40 மதிப்பெண்களுக்கும் வழங்கப்படும். இந்த மூன்று கூறுகளும் ஒட்டுமொத்தமாக 80 மதிப்பெண்களை  குறிக்கும் நிலையல், மீதமுள்ள 20 மதிப்பெண்கள், சிபிஎஸ்இயின் தற்போதைய கொள்கையின்படி, பள்ளிகளால் மேற்கொள்ளப்படும் உள் மதிப்பீட்டிற்காக கிடைக்கும்.

மேலே உள்ள மூன்று பிரிவுகளான யூனிட் டெஸ்ட், இடைக்கால தேர்வு மற்றும் வாரியத்திற்கு முந்தைய தேர்வு ஆகியவை சிபிஎஸ்இ-உடன் இணைந்த பெரும்பாலான பள்ளிகளுக்கு பொதுவானவை,  இந்த ஆண்டு 10 ஆம் வகுப்பு வாரிய தேர்வுகள் ரத்து செய்யப்பட்டதன் மூலம் தற்போது இந்த கொள்கை கடைபிடிக்கப்பட்டு வருகிறது. இதன் மூலம் அனைத்து சிபிஎஸ்இ பள்ளிகளும் முடிவுகளை அட்டவணைப்படுத்த முதன்மை மற்றும் ஏழு ஆசிரியர்களைக் கொண்ட குழு  அமைக்கப்பட்டுள்ளது.

இந்த மூன்று பிரிவுகளில் ஒவ்வொன்றிலும் ஒரு பள்ளி ஒன்றுக்கு மேற்பட்ட சோதனைகள் அல்லது தேர்வுகளை நடத்தியிருந்தால், அந்த வகைக்கு வழங்கப்படும் ஒட்டுமொத்த அதிகபட்ச மதிப்பெண்களுக்கு உட்பட்டு, ஒவ்வொரு பிரிவிலும் ஒவ்வொரு சோதனை / தேர்வுக்கான மதிப்பெண்னை நிர்ணயிக்க அந்த குழுவுக்கு சுதந்திரம் உள்ளது. ஒரு பள்ளி இரண்டு அல்லது மூன்று-முன் வாரிய தேர்வுகளை நடத்தியிருந்தால், மூன்று சோதனைகளில் சிறந்த செயல்திறனை எடுக்கலாம் அல்லது ஒவ்வொரு தேர்விற்கும் பொருத்தமானதாகக் கருதப்படும் மதிப்பெண்னை வழங்கலாம்.

வேறு ஏதேனும் விதிவிலக்குகளுக்கு (பள்ளி மேலே உள்ள மூன்று வகை தேர்வுகளில் ஒன்று அல்லது அதற்கு மேற்பட்டவற்றை நடத்தவில்லை என்றால்), பள்ளியின் முடிவுக் குழுவில் 80 மதிப்பெண்களை மதிப்பிடுவதற்கான பகுத்தறிவு அளவுகோலை நன்கு சிந்திக்கப்பட வேண்டும். இந்த நிகழ்வுகளில் 80 மதிப்பெண்களில் பள்ளி மதிப்பிடப்பட்ட மதிப்பெண்கள் எவ்வாறு தீர்மானிக்கப்பட்டுள்ளன என்பதை விரிவாக விளக்கும் பகுத்தறிவு ஆவணத்தின் வடிவத்தில் ஆவணப்படுத்தப்பட வேண்டும்” என்று அறிவிக்கப்பட்டுள்ளது.

மதிப்பெண்களின் விகிதத்தை கட்டுக்குள் வைத்திருக்க, 10 ஆம் வகுப்பு வாரியத் தேர்வுகளில் பள்ளியின் கடந்தகால செயல்திறனுடன் வழங்கப்பட்ட மதிப்பெண்கள் உண்மையாக இருக்க வேண்டும் என்று வாரியம் பள்ளிகளுக்குத் தெரிவித்துள்ளது. மேலும் இந்த நடவடிக்கைகளை மே 25 க்குள்  இறுதி செய்து ஜூன் 5 க்குள் வாரியத்தில் சமர்ப்பிக்க வேண்டும் என்று பள்ளிகளிடம் கேட்டுக் கொள்ளப்பட்டுள்ளன. இதில் உள் மதிப்பீட்டு மதிப்பெண்கள் (20 இல்) ஜூன் 11 க்குள் சமர்ப்பிக்கப்பட வேண்டும். எனறும் அறிவுறுத்தப்பட்டுள்ளது.

நாட்டில் கொரோனா தொற்று பாதிப்பு அதிகரித்து வரும் நிலையில், மத்திய அரசு 10 ஆம் வகுப்பு தேர்வுகளை ரத்து செய்தது. தொடர்ந்து 12 ஆம் வகுப்பு தேர்வுகள் ஒத்திவைக்கப்பட்டுள்ளன, மேலும் புதிய தேதிகளை முடிவு செய்வதற்கும், தேர்வுகள் தொடங்குவதற்கு குறைந்தது இரண்டு வாரங்களுக்கு முன்னதாக ஒரு அறிவிப்பை வெளியிடுவதற்கும் ஜூன் 1 ம் தேதி கல்வி அமைச்சகம் அறிவிக்கும் என்று கூறப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Educationjobs news here. You can also read all the Educationjobs news by following us on Twitter, Facebook and Telegram.

Web Title: Tamil education update class 10th board exam results on june 20

Next Story
பட்டப் படிப்பு தகுதி; ஆன்லைன் டெஸ்ட்: SBI-யில் 5237 பணியிடங்களுக்கு உடனே அப்ளை பண்ணுங்க!
The moderation of comments is automated and not cleared manually by tamil.indianexpress.com