NEET UG 2023: தமிழ்நாடு எம்.பி.பி.எஸ் கவுன்சிலிங்; விண்ணப்பிக்க ஜூலை 10 கடைசி தேதி

தமிழ்நாடு NEET UG 2023 கவுன்சிலிங்: இளங்கலை மருத்துவ மாணவர் சேர்க்கையில் 85 சதவீத மாநில ஒதுக்கீட்டு இடங்களுக்கான தேசிய தகுதி மற்றும் நுழைவுத் தேர்வு (NEET) UG 2023 கவுன்சிலிங் செயல்முறைக்கான பதிவு செயல்முறையை தமிழ்நாடு மருத்துவக் கல்வி இயக்குநரகம் (DME) தொடங்கியுள்ளது. இயக்குனரகம் MBBS / BDS பட்டப்படிப்புகளில் சேர்க்கைக்கான தமிழ்நாடு நீட் 2023 சேர்க்கைக்கான விண்ணப்பப் படிவத்தை வெளியிட்டுள்ளது. நீட் தேர்வில் தேர்ச்சி பெற்ற மாணவர்கள் இந்த பட்டப் படிப்புகளுக்கு அதிகாரப்பூர்வ இணையதளமான https://tnmedicalselection.net/ இல் விண்ணப்பிக்கலாம்.

இதையும் படியுங்கள்: TANUVAS: கால்நடை மருத்துவ படிப்பு; நெருங்கும் கடைசி தேதி; கவுன்சிலிங் எப்போது?

அதிகாரப்பூர்வ அறிவிப்பின்படி, மேனேஜ்மெண்ட் மற்றும் அரசு ஒதுக்கீட்டுக்கான கவுன்சிலிங் செயல்முறை தொடங்கப்பட்டுள்ளது, மேலும் விண்ணப்பதாரர்கள் தங்கள் ஆன்லைன் விண்ணப்பங்களை சமர்ப்பிக்க ஜூலை 10 ஆம் தேதி மாலை 5 மணி வரை அவகாசம் உள்ளது.

தமிழ்நாடு NEET UG 2023 கவுன்சிலிங்: விண்ணப்பப் படிவத்தை எவ்வாறு நிரப்புவது?

படி 1: அதிகாரப்பூர்வ வலைத்தளத்தைப் பார்வையிடவும்- https://tnmedicalselection.net/

படி 2: முகப்புப்பக்கத்தில் MBBS மற்றும் BDS பட்டப்படிப்புகளுக்கான ஆன்லைன் விண்ணப்பங்களுக்கான இணைப்பைக் கிளிக் செய்யவும்

படி 3: முதலில் தகவல் குறிப்பேட்டைப் படித்துவிட்டு விண்ணப்பப் படிவத்திற்கான இணைப்பைக் கிளிக் செய்யவும்

படி 4: பெயர், மின்னஞ்சல் முகவரி, மொபைல் எண் மற்றும் பல போன்ற உங்கள் விவரங்களைப் பயன்படுத்தி பதிவு செய்யவும்.

படி 5: பதிவு செய்தவுடன், உங்கள் விண்ணப்ப எண் மற்றும் கடவுச்சொல்லைப் பயன்படுத்தி உள்நுழையவும்

படி 6: உங்கள் விவரங்களை நிரப்பவும், தேவையான ஆவணங்களைப் பதிவேற்றவும்

படி 7: சேமித்து, சமர்ப்பித்து, கட்டணத்தைச் செலுத்தவும்

படி 8: எதிர்கால குறிப்புக்காக விண்ணப்பப் படிவத்தைப் பதிவிறக்கவும்

விண்ணப்பப் படிவக் கட்டணம் ரூ. 500 மற்றும் அதை இணையதளங்களில் உள்ள வங்கிப் பேமெண்ட் போர்டல் மூலம் ஆன்லைன் பேமெண்ட் மூலம் செலுத்த வேண்டும். மாணவர்கள் சுற்று 1, பொதுச் சுற்று மற்றும் துணை சுற்றுக்கு பதிவு செய்யலாம். 2வது சுற்றுக்கு புதிய பதிவுகள் அனுமதிக்கப்படாது. கவுன்சிலிங் மற்றும் தரவரிசைப் பட்டியல்கள் வெளியிடப்படும் தேதிகள் உரிய நேரத்தில் அறிவிக்கப்படும்.

நீட் தேர்வில் பெற்ற தரவரிசையின் அடிப்படையில் MBBS மற்றும் BDS படிப்புகளுக்கான சேர்க்கை நடைபெறும். தரவரிசைப் பட்டியல் அதிகாரப்பூர்வ இணையதளங்களில் வெளியிடப்படும், மேலும் முடிவுகள் தனித்தனியாக மாணவர்களுக்குத் தெரிவிக்கப்படாது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil