தமிழ்நாடு மருத்துவ கவுன்சலிங் ரவுண்ட் 1 ரிசல்ட் வெளியீடு; 7513 பேருக்கு சீட் ஒதுக்கீடு

தமிழ்நாடு மருத்துவ (NEET UG 2025) கவுன்சிலிங்கின் முதல் சுற்றுக்கான சீட் ஒதுக்கீடு முடிவுகளை மருத்துவக் கல்வி மற்றும் ஆராய்ச்சி இயக்குநரகம் வெளியிட்டுள்ளது. கவுன்சிலிங் செயல்முறைக்கு பதிவு செய்த மாணவர்கள் தங்கள் ஒதுக்கீட்டு நிலையை அதிகாரப்பூர்வ வலைத்தளமான tnmedicalselection.net இல் தெரிந்துக் கொள்ளலாம். முதல் சுற்றில் 7513 பேருக்கு இடங்கள் ஒதுக்கீடு செய்யப்பட்டுள்ளன.

இந்தச் செய்தியை ஆங்கிலத்தில் படிக்க கிளிக் செய்யவும்

தமிழ்நாடு மருத்துவ கவுன்சிலிங்கின் சுற்று 1 இல் இடம் ஒதுக்கப்பட்ட மாணவர்கள் தங்கள் ஒதுக்கீட்டு கடிதத்தை பதிவிறக்கம் செய்து ஆகஸ்ட் 24 ஆம் தேதி நண்பகலுக்கு முன் ஒதுக்கீடு செய்யப்பட்ட கல்லூரியில் சேர்க்கை பெற வேண்டும்.

இந்த காலக்கெடுவிற்குள் சேர்க்கையை உறுதிப்படுத்தத் தவறினால் ஒதுக்கப்பட்ட இடம் ரத்து செய்யப்படும். சுற்று 1 இல் இடம் ஒதுக்கப்படாதவர்கள் அல்லது தங்கள் விருப்பத்தை மேம்படுத்த விரும்புபவர்கள் மருத்துவ கவுன்சலிங்கின் இரண்டாம் சுற்றில் பங்கேற்கலாம், இதற்கான கவுன்சிலிங் அட்டவணை விரைவில் தமிழ்நாடு மருத்துவக் கல்வி இயக்குநரகத்தால் (DME) அறிவிக்கப்படும்.

தமிழ்நாடு மருத்துவ கவுன்சலிங் சீட் ஒதுக்கீட்டை தெரிந்துக் கொள்வது எப்படி? 

படி 1: முதலில் அதிகாரப்பூர்வ வலைத்தளத்தைப் பார்வையிடவும் –tnmedicalselection.net

படி 2: யு.ஜி (UG) படிப்புகள் தாவலைக் கிளிக் செய்து, கீழ்தோன்றும் மெனுவிலிருந்து MBBS/BDS என்பதைத் தேர்ந்தெடுக்கவும்

படி 3. “MBBS/BDS (அரசு ஒதுக்கீடு) பாடநெறி அமர்வுக்கு ஒதுக்கப்பட்ட மாணவர்களின் தற்காலிக பட்டியல்: 2025–2026” என்று கூறும் இணைப்பைக் கிளிக் செய்யவும்

படி 4. சீட் ஒதுக்கீடு பட்டியல் PDF வடிவத்தில் திறக்கும்.

படி 5. உங்கள் ஒதுக்கீடு நிலையை சரிபார்க்க உங்கள் ரோல் எண் அல்லது பெயரைத் தேடுங்கள்

படி 6. உங்கள் மாணவர் போர்ட்டலில் உள்நுழைந்து உறுதிப்படுத்தல் கடிதத்தைப் பதிவிறக்கவும்

அல்லது கீழே கொடுக்கப்பட்டுள்ள பி.டி.எஃப் கோப்பு மூலம் தங்களது நிலையை தெரிந்துக் கொள்ளலாம்.

அடுத்து வரவிருக்கும் சுற்றுகள் மற்றும் முக்கியமான புதுப்பிப்புகள் குறித்து தொடர்ந்து தெரிந்துகொள்ள, மாணவர்கள் அதிகாரப்பூர்வ வலைத்தளத்தை தவறாமல் பார்வையிட ஊக்குவிக்கப்படுகிறார்கள்.