Advertisment

அரசுப் பள்ளிகளுக்கு இணையாக உதவி பெறும் பள்ளிகள்: மாநிலக் கல்விக் கொள்கையின் முக்கிய பரிந்துரைகள் என்ன?

மாநிலக் கல்விக் கொள்கை (SEP) உயர்கல்வியின் தனியார்மயமாக்கல் மற்றும் வணிகமயமாக்கலைக் கட்டுப்படுத்துவதில் அதிக கவனம் செலுத்துகிறது

author-image
WebDesk
New Update
Tamilnadu State Education Policy

Tamilnadu State Education Policy

Listen to this article
0.75x 1x 1.5x
00:00 / 00:00

மாநிலக் கல்விக் கொள்கை (SEP) உயர்கல்வியின் தனியார்மயமாக்கல் மற்றும் வணிகமயமாக்கலைக் கட்டுப்படுத்துவதில் அதிக கவனம் செலுத்துகிறது மற்றும் மாநில அரசுக்கு பல நடவடிக்கைகளை பரிந்துரைத்துள்ளது. 

தனியார் மற்றும் பொது கல்வி நிறுவனங்களுக்கு சமமான நிலையை வழங்கும் தேசிய கல்விக் கொள்கைக்கு (NEP) மாறாக, தனியார் உயர்கல்வி நிறுவனங்களை (HEIs) கட்டுப்படுத்தவும் நெறிப்படுத்தவும் கடுமையான நடவடிக்கைகளை எடுக்குமாறு மாநிலக் கல்விக் கொள்கை, மாநில அரசுக்கு பரிந்துரைக்கிறது.

மாநிலக் கல்விக் கொள்கை உயர்கல்வி படிப்புகளில் சேர்வதற்கான நுழைவுத் தேர்வுகளுக்கு எதிராகவும் உள்ளது, 11 மற்றும் 12 ஆம் வகுப்பு வாரியத் தேர்வு மதிப்பெண்கள் சேர்க்கைக்கு அடிப்படையாக இருக்க வேண்டும், என்கிறது. 

மாநிலக் கல்விக் கொள்கையானது, ‘நிகர்நிலைப் பல்கலைக் கழகங்களுக்கு’ ஒரு ஒழுங்குமுறை அமைப்பு ஏற்படுத்தப்பட வேண்டும் என்றும் முன்மொழிந்துள்ளது.

மாநிலத்தில் மொத்த மாணவர் சேர்க்கையில் ஒரு குறிப்பிட்ட சதவீதம் சேர்க்கை, கட்டணக் குழுவால் நிர்ணயிக்கப்படும் கட்டண அமைப்பு, அரசால் தீர்மானிக்கப்படும் ஆசிரியர் மற்றும் ஆசிரியர் அல்லாத ஊழியர்களுக்கான ஊதியக் கட்டமைப்புகள் உள்ளிட்ட சேர்க்கை நடைமுறைகளை ஒழுங்குபடுத்தும் அதிகாரம் அதற்கு இருக்க வேண்டும். 

முக்கியமாக, நிகர்நிலைப் பல்கலைக் கழகங்களும் மாநிலத்தின் இடஒதுக்கீட்டுக் கொள்கையை ஏற்கச் செய்ய வேண்டும் என்று பரிந்துரைத்துள்ளது.

தனியார் பங்கேற்புடன் ஒப்பிடும்போது உயர்கல்வியில் அரசாங்கத்தின் பங்களிப்பு குறைவாக உள்ளது என்று மாநிலக் கல்விக் கொள்கை குறிப்பிடுகிறது. எனவே, உயர்கல்வி தனியார்மயமாக்கல் மற்றும் வணிகமயமாக்கலைத் தடுக்க, அரசாங்கம் அதிக முதலீடு செய்து தமிழ்நாடு முழுவதும் புதிய விரிவான நிறுவனங்களை நிறுவ வேண்டும், என்று அது கூறியது. 

நியாயமான அளவிலான நேர்மை, அணுகுமுறை, முதிர்ச்சி மற்றும் திறன் ஆகியவற்றை அடையும் வரை, நிர்வாக மற்றும் நிதி விஷயங்களில் நிறுவனங்களுக்கு முழுமையான சுயாட்சி வழங்கப்படாது என்று மாநிலக் கல்விக் கொள்கை கூறுகிறது.

தற்போதைய மூன்றாண்டு UG மற்றும் இரண்டு ஆண்டு முதுகலை படிப்புகள் தொடர வேண்டும் என்று கூறி, ஆராய்ச்சி நோக்கங்களுக்காக நான்கு ஆண்டு இளங்கலை திட்டத்திற்கும் (honours with research), கொள்கை அனுமதித்துள்ளது.

யு.ஜி.சி.யின் மல்டிபிள் இன்ட்ரி, மல்டிபிள் எக்சிட் ஆப்ஷன் மற்றும் மாநிலத்தில் வெளிநாட்டுப் பல்கலைக்கழகங்களைத் திறக்கும் யோசனையையும் இது எதிர்க்கிறது.

மேலும், தேர்வு மற்றும் மதிப்பீட்டு செயல்முறையில் சீர்திருத்தங்கள் குறித்தும் இது பேசுகிறது. மேலும் உயர்கல்விக்கான தமிழ்நாடு மாநில கவுன்சில் சட்டத்தில் திருத்தங்களைச் செய்து மாநிலத்தில் உள்ள பல்கலைக்கழகங்களின் கூட்டமைப்பாக அதை வலுப்படுத்த வேண்டியதன் அவசியத்தை எடுத்துக்காட்டுகிறது. 

தமிழ்நாடு டாக்டர் எம்ஜிஆர் மருத்துவப் பல்கலைக்கழகத்தை சிறப்பு மையமாக (CoE) தரமுயர்த்துவதற்கு அதிக முன்னுரிமை அளிக்கப்பட வேண்டும், தற்போதுள்ள தொழிற்கல்வி திட்டத்தை மறுசீரமைக்க வேண்டும் என்றும் அது வலியுறுத்துகிறது. 

மற்ற முக்கிய பரிந்துரைகள்

தொடக்கக் கல்வி முதல் பல்கலைக்கழகம் வரை தமிழ் வழிக் கல்வியாக இருக்க வேண்டும். தமிழ் கற்பித்தல் மற்றும் கற்றல் தொடர்பான பிரத்யேக ஆராய்ச்சி பிரிவு அமைக்கப்பட வேண்டும்

பாடத்திட்டம் கல்வியை அன்றாட வாழ்க்கையுடன் இணைப்பதில் கவனம் செலுத்த வேண்டும் மற்றும் சுயமாக கற்றலை ஊக்குவிக்க வேண்டும்

பள்ளிக் கல்வியில் கலையை ஒருங்கிணைக்க வேண்டும், பாடநெறிக்கு (extracurricular) அப்பாற்பட்டதாக மட்டும் கருதப்படக்கூடாது

பள்ளிகளில் விளையாட்டு மைதானங்கள், எந்த ஒரு புதிய வசதிக்கும் பேரம் பேச முடியாத விதிமுறையாக மாற வேண்டும்

ஒரு ஒருங்கிணைந்த பணிக்குழு, சிறப்புத் தேவைகள் உள்ள குழந்தைகளுக்கு (CwSN) கல்வி வாய்ப்புகள் மற்றும் சமூக ஆதரவை உறுதி செய்ய வேண்டும், 

ஒவ்வொரு பஞ்சாயத்திலும் ஆன்லைன் மற்றும் ஆஃப்லைன் ஆதாரங்களுடன் வயது வந்தோர் எழுத்தறிவு மையங்கள் (Adult literacy) அமைக்கப்பட வேண்டும்

பாலின சமத்துவம் பாடத்திட்டத்தில் ஒருங்கிணைக்கப்பட வேண்டும் மற்றும் ஆசிரியர் கல்வியிலும் சேர்க்கப்பட வேண்டும்

ஒவ்வொரு பள்ளியும் போதைப்பொருள் துஷ்பிரயோகம் தடுப்பு மற்றும் நிறுத்தத்தை மேற்பார்வையிட SMC உறுப்பினர், ஆசிரியர் அல்லது சமூக சேவகர் போன்ற பயிற்சி பெற்ற உறுப்பினரை நியமிக்க வேண்டும்.

9ஆம் வகுப்பு முதல் 12ஆம் வகுப்பு வரையிலான மாணவர்களுக்கு இலவச சைக்கிள்கள் போன்ற சலுகைகளை விரிவுபடுத்தவும். 

அரசுப் பள்ளிகளுக்கு இணையாக உதவி பெறும் பள்ளிகள் நடத்தப்பட வேண்டும், அதிகப்படியான ஆசிரியர் பணியிடங்கள், முறையற்ற கட்டண வசூல், மாணவர்களின் பலத்தை போலியாக சித்தரிப்பது உள்ளிட்ட பல்வேறு பிரச்னைகளை ஆய்வு செய்ய வேண்டும், என்று மாநிலக் கல்வி கொள்கை கூறுகிறது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment