scorecardresearch

மாதம் ரூ1000 உதவித் தொகை; இந்த மாணவிகளுக்கு மட்டுமே: தமிழக அரசு அறிவிப்பு

உயர்கல்வி பயிலும் அரசுப் பள்ளி மாணவிகளுக்கான மாதம் ரூ.1000 ஊக்கத் தொகை; தகுதிகள் என்னென்ன? உயர் கல்வித்துறை அறிவிப்பு

மாதம் ரூ1000 உதவித் தொகை; இந்த மாணவிகளுக்கு மட்டுமே: தமிழக அரசு அறிவிப்பு

Tamilnadu Govt provide Rs.1000 to girl students doing higher studies qualification details: உயர் கல்வி படிக்கும் மாணவிகளுக்கு மாதந்தோறும் ரூ. 1000 வழங்கும் திட்டத்திற்கான தகுதிகளை தமிழக அரசு வெளியிட்டுள்ளது.

தமிழகத்தில் அரசுப் பள்ளிகளில் படித்து, பட்டப்படிப்பு, டிப்ளமோ உள்ளிட்ட உயர்கல்வி பயிலும் மாணவிகளுக்கு ஊக்கத்தொகையாக மாதந்தோறும் ரூ.1000 வழங்கும் திட்டத்தை தமிழக அரசு அறிவித்துள்ளது.

இதையும் படியுங்கள்: பிளஸ் 1 தேர்வு முடிவுகள் வெளியீடு; பெரம்பலூர் மாவட்டம் முதலிடம்

இதனையடுத்து, மூவலூர் இராமாமிர்தம் அம்மையார் உயர்கல்வி உறுதித் திட்டத்தின்கீழ் மாதாந்திர உதவித்தொகை ரூ.1,000 பெறுவதற்கு தகுதியான மாணவிகளிடமிருந்து சான்றிதழ்களை பெற அனைத்துக் கல்லூரி முதல்வர்களுக்கும் உயர்கல்வித்துறை சுற்றறிக்கை அனுப்பியது.

அந்த சுற்றறிக்கையில், “கல்லூரி அடையாள அட்டை, ஆதார் அட்டை, 10-ம் வகுப்பு மதிப்பெண் சான்றிதழ், 12-ம் வகுப்பு மதிப்பெண் சான்றிதழ், 6 முதல் 12-ம் வகுப்பு வரை அரசுப் பள்ளியில் படித்தமைக்கான சான்று உள்ளிட்டவற்றுடன் வங்கிக் கணக்கு விவரம் ஆகியவற்றை கல்லூரி முதல்வர்கள் பெற வேண்டும்.

முதலாம் ஆண்டை தவிர பிற ஆண்டுகளில் பயிலும் தகுதியான மாணவியரிடம் இருந்து சான்றிதழ்கள் பெற வேண்டும். இந்த தகவல்கள் சமூகநலத்துறையின் பிரத்யேக இணையதளத்தில் பதிவேற்றம் செய்ய வேண்டியிருப்பதால், சான்றிதழ்கள் பெறும் பணியை விரைந்து செயல்படுத்த வேண்டும். சான்றிதழ்களைப் பெற்ற உடன், அவற்றைச் சரிபார்க்கும் பணி தொடங்கும்” எனத் தெரிவிக்கப்பட்டது.

இந்தநிலையில், இந்த திட்டத்தில் பயன்பெற தகுதிகள் என்னென்ன என்பதை தமிழக அரசு வெளியிட்டுள்ளது.

தகுதியானவர்கள் யார்?

அதன்படி, அரசுப் பள்ளியில் 6 ஆம் வகுப்பு முதல் 12 ஆம் வகுப்பு வரை பயின்று, தமிழகத்திலேயே உயர் கல்வி பெறும் மாணவிகளுக்கு மட்டுமே கல்வி உதவித் தொகை வழங்கப்படும் என தமிழக அரசு அறிவித்துள்ளது.

இதேபோல், தனியார் பள்ளிகளில் இலவச கட்டாய கல்வி சட்டத்தின் கீழ் 6 முதல் 8 வரை படித்து பிறகு, அரசு பள்ளியில் படித்த மாணவிகளும் இந்த திட்டத்தில் பயன் பெறலாம் என்றும் தமிழக அரசு தெரிவித்துள்ளது.

இதனிடையே, தமிழகத்தில் மொத்தம் 2.70 லட்சம் மாணவிகள் மாதந்தோறும் ரூ.1,000 ஊக்கத்தொகை பெற தகுதி பெற்றுள்ளனர். தகுதி பெற்ற மாணவிகளின் விவரங்களை https://studentsrepo.tn, https://schools.gov.in என்ற இணையதள முகவரியில் காணலாம் என்று பள்ளிக் கல்வித்துறை தெரிவித்துள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Educationjobs news download Indian Express Tamil App.

Web Title: Tamilnadu govt provide rs 1000 to girl students doing higher studies qualification details

Best of Express