6 முதல் 12-ம் வகுப்பு வரை: அரையாண்டு தேர்வு எப்போது? பள்ளிக்கல்வித்துறை முக்கிய அறிவிப்பு!

தமிழகத்தில் அரசு மற்றும் அரசு உதவி பெறும் பள்ளிகளில் மாணவர்களுக்கு அரையாண்டு தேர்வு நடைபெறும் தேதிகள் தற்போது அறிவிக்கப்பட்டுள்ளது.

தமிழகத்தில் 6-ம் வகுப்பு முதல் 12-ம் வகுப்பு மாணவர்களுக்கு டிசம்பர் 9-ந் தேதி முதல் டிசம்பவர் 23-ந் தேதி வரை அரையாண்டு தேர்வு நடைபெறும் என்று தமிழ்நாடு பள்ளிக்கல்வித்துறை ஏற்கனவே அறிவித்துள்ள நிலையில், தற்போது, 1-ம் வகுப்பு முதல் 5-ம் வகுப்பு வரை உள்ள மாணவர்களு்ககு டிசம்பர் 16 முதல் 23-ந் தேதி வரை அரையாண்டு தேர்வு நடைபெறும் என்று அறிவிக்கப்பட்டுள்ளது.

அதேபோல் 6-ம் வகுப்பு முதல் 12-ம் வகுப்பு வரை உள்ள மாணவர்களுக்கு டிசம்பர் –ந் தேதி முதல் 23-ந் தேதி வரையும் அரையாண்டு தேர்வுகள் நடைபெறும் என்று அறிவிக்கப்பட்டுள்ளது. தேர்வு தேதி அறிவிப்பு வெளியானபோதே 10 மற்றும் 12-ம் வகுப்பு மாணவர்களுக்கான தேர்வு அட்டவனை வெளியிடப்பட்ட நிலையில், தற்போது 1 முதல் 9-ம் வகுப்பு மற்றும் 11-ம் வகுப்பு மாணவர்களுக்கான தேர்வு அட்டவணை வெளியாகியுள்ளது.

அதன்படி, 6-ம் வகுப்பு முதல் 9-ம் வகுப்பு வரை உள்ள மாணவர்களுக்கு, டிசம்பர் 9-ந் தேதி தமிழ் தேர்வும், 10-ந் தேதி அவர்களின் விருப்ப மொழி பாடம், 12-ந் தேதி ஆங்கிலம், 16-ந் தேதி கணிதம், 18-ந் தேதி உடற்கல்வி, 20-ந் தேதி அறிவியல், 23-ந் தேதி சமூகஅறிவியல் பாடத்தின் தேர்வுகள் நடைபெறும் என்று அறிவிக்கப்பட்டுள்ளது, காலை 10 முதல் 12 மணி வரை 6-ம் வகுப்புக்கும், 2 மணி முதல் 4 மணிவரை 7-ம் வகுப்புக்கும், தேர்வுகள் நடைபெறும்.

8-ம் வகுப்பு மாணவர்களுக்கு காலை 10 மணி முதல் 12.30 மணி வரையும், 9-ம் வகுப்பு மாணவர்களுக்கு 2 மணி முதல் 4.30 மணிவரையும், தேர்வு நடைபெறும். 10-ம் வகுப்புக்கு காலை 9.45 மணிக்கு தொடங்கி மதியம் 1 மணி வரை தேர்வுகள் நடைபெறும். 10-ம் வகுப்புக்கு டிசம்பர் 10-ச் தேதி தமிழ் தேர்வும், 11-ந் தேதி விருப்ப மொழி தேர்வும், 12-ந் தேதி ஆங்கில தேர்வும், 16-ந் தேதி கணித தேர்வும், 19-ந் தேதி அறிவியல் மற்றும் 23-ந் தேதி சமூக அறிவியல் தேர்வும் நடைபெறும்.

11-ம் வகுப்பு மாணவர்களுக்கு டிசம்பர் 9-ந் தேதி தமிழ், 10ம் தேதி ஆங்கிலம், 12ம் தேதி கம்யூனிகேட்டிவ் ஆங்கிலம், கம்ப்யூட்டர் சயின்ஸ், புள்ளியியல், 16ம் தேதி உயிரியியல், தாவரவியல், வரலாறு, 18ம் தேதி வேதியியல், கணக்கு பதிவியியல், புவியியல், 20ம் தேதி இயற்பியல், பொருளியல், 23ம் தேதி கணிதம், விலங்கியல், வணிகவியல் உள்ளிட்ட சில பாடங்களுக்கும் தேர்வு நடக்கிறது.

12-ம் வகுப்பு மாணவர்களுக்கு காலை 9.45 மணி முதல் பிற்பகல் 1 மணி வரை நடக்கிறது. டிசம்பர் 9-ம் தேதி தமிழ், 10ம் தேதி ஆங்கிலம், 12ம் தேதி கம்யூனிகேட்டிவ் ஆங்கிலம், கம்ப்யூட்டர் சயின்ஸ், புள்ளியியல், 16ம் தேதி கணிதம், விலங்கியல், வணிகவியல், 18ம் தேதி உயிரியியல், தாவரவியல், வரலாறு, 20ம் தேதி வேதியியல், கணக்கு பதிவியியல், புவியியல், 23ம் தேதி இயற்பியல், பொருளியல், வேலைவாய்ப்பு திறன்கள் தேர்வும் நடக்க உள்ளது.