டி.என்.பி.எஸ்.சி. குரூப் 2 தேர்வு: ஹால் டிக்கெட் வெளியீடு!

தமிழ்நாடு அரசுப் பணியாளர் தேர்வாணையம் (TNPSC) நடத்தும் ஒருங்கிணைந்த குடிமைப் பணிகள் குரூப் 2 மற்றும் 2ஏ-க்கான தேர்வுக்கான ஹால் டிக்கெட்டுகள் அதிகாரப்பூர்வமாக வெளியிடப்பட்டுள்ளன. இந்தத் தேர்வுக்கு விண்ணப்பித்தவர்கள் அனைவரும் தங்கள் ஹால் டிக்கெட்டை உடனே பதிவிறக்கம் செய்துகொள்ளலாம்.
 
இந்த ஹால் டிக்கெட்டுகள், www.tnpsc.gov.in மற்றும் www.tnpscexams.in ஆகிய இணையதளங்களில் பதிவேற்றம் செய்யப்பட்டுள்ளன. விண்ணப்பதாரர்கள் தங்களது ஒடிஆர் டாஷ்போர்டில் (OTR Dashboard) மூலம் மட்டுமே, தங்களது விண்ணப்ப எண் மற்றும் பிறந்த தேதியைக் கொண்டு ஹால் டிக்கெட்டைப் பதிவிறக்கம் செய்ய வேண்டும் என தேர்வாணையம் தெரிவித்துள்ளது.
 
குரூப் 2 தேர்வுக்கான எழுத்துத் தேர்வு வரும் செப்டம்பர் 28-ஆம் தேதி முற்பகலில் நடைபெற உள்ளது. தேர்வுக்கு இன்னும் சில தினங்களே உள்ள நிலையில், தேர்வர்கள் உடனடியாக தங்கள் ஹால் டிக்கெட்டைப் பதிவிறக்கம் செய்து, தேர்வு மையம் குறித்த விவரங்களை உறுதிசெய்துகொள்ளுமாறு அறிவுறுத்தப்படுகிறார்கள்.

ஹால் டிக்கெட்டைப் பதிவிறக்கம் செய்யும்போது ஏதேனும் சிரமங்கள் ஏற்பட்டால், தேர்வாணையத்தின் உதவி மையத்தைத் தொடர்புகொள்ளலாம்.