10 எம்.பி.ஏ படிப்பில் சேர வேண்டாம்; யூ.ஜி.சி எச்சரிக்கை

பல்கலைக்கழக மானியக் குழுவால் (UGC) அங்கீகரிக்கப்பட்ட படிப்புகளைப் போன்ற படிப்புகளை வழங்குவதற்காக மோசடி நபர்கள் மற்றும் நிறுவனங்களால் தவறாக வழிநடத்தும் சுருக்கெழுத்துக்கள் அல்லது சுருக்கங்கள் கொண்ட போலி ஆன்லைன் பட்டப்படிப்புகளுக்கு எதிராக பல்கலைக்கழக மானியக் குழு ஒரு பொது அறிவிப்பை வெளியிட்டுள்ளது. இந்த ஏமாற்றும் படிப்புகளில், "10-நாள் எம்.பி.ஏ படிப்பு" குறிப்பிட்ட ஆய்வுக்கு உட்பட்டுள்ளது.

ஆங்கிலத்தில் படிக்க: UGC issues warning against fake online degrees

பொது அறிவிப்பில், “சில தனிநபர்கள்/நிறுவனங்கள், உயர்கல்வி முறையின் அங்கீகரிக்கப்பட்ட பட்டப்படிப்புகளுக்கு இணையான சுருக்கெழுத்துக்கள்/சுருக்கமான படிவங்களுடன் ஆன்லைன் திட்டங்கள்/படிப்புகளை வழங்குகின்றன. யூ.ஜி.சி.,யின் கவனத்தை ஈர்த்த அத்தகைய படிப்புகளில் ஒன்று '10 நாட்கள் எம்.பி.ஏ".

பல்கலைக்கழக மானியக் குழு செயலர், பேராசிரியர் மணீஷ் ஆர். ஜோஷி, அந்த அறிவிப்பில் மேலும் குறிப்பிடுகையில், மத்திய அரசின் ஒப்புதலைத் தொடர்ந்து, அதிகாரபூர்வ அரசிதழில் முறையான அறிவிப்பின் மூலம் பட்டம் பெயரிடல், கால அளவு மற்றும் நுழைவுத் தகுதிகளை யூ.ஜி.சி நிறுவுகிறது. மத்திய, மாகாண அல்லது மாநிலச் சட்டங்களின் கீழ் அங்கீகரிக்கப்பட்ட பல்கலைக்கழகங்கள், நிகர்நிலைப் பல்கலைக்கழகங்கள் மற்றும் நாடாளுமன்றச் சட்டத்தால் அதிகாரம் பெற்ற பல்கலைக்கழகங்கள் மட்டுமே இந்தப் பட்டங்களை வழங்குவதற்கான அதிகாரத்தைக் கொண்டுள்ளன.

மேலும், “யு.ஜி.சி விதிமுறைகளின்படி எந்தவொரு ஆன்லைன் பட்டப்படிப்பு திட்டத்தையும் வழங்க உயர்கல்வி நிறுவனங்களும் யு.ஜி.சி.,யிடம் அனுமதி பெற வேண்டும். அங்கீகரிக்கப்பட்ட உயர் கல்வி நிறுவனங்களின் ஆன்லைன் படிப்புகளின் பட்டியல் மற்றும் அனுமதிக்கப்பட்ட ஆன்லைன் படிப்புகளின் பட்டியல் deb.ugc.ac.in என்ற இணையதளப் பக்கத்தில் கிடைக்கும்.

deb.ugc.in இணையதளத்தில் பதிவு செய்வதற்கு முன், ஆன்லைன் படிப்புகளை வழங்கும் அங்கீகரிக்கப்பட்ட உயர் கல்வி நிறுவனங்களின் பட்டியலைச் சரிபார்க்க பங்குதாரர்களுக்கு அறிவுறுத்தப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“