UPSC IES EXAM 2021; இந்திய பொறியியல் சேவை தேர்வு; பி.இ, பி.டெக் படித்தவர்கள் உடனே அப்ளை பண்ணுங்க!

UPSC invites application for Indian Engineering Services exam 2021 Apply soon: மத்திய அரசு பணியாளர் தேர்வாணையத்தின் இந்திய பொறியியல் சேவை தேர்வு 2021க்கான அறிவிப்பு வெளியீடு; பொறியியல் படித்தவர்கள் உடனே விண்ணப்பிக்கவும்.

மத்திய அரசுப் பணியாளர் தேர்வாணையம் (UPSC), இந்திய பொறியியல் சேவை பணிகளுக்கான அறிவிப்பை வெளியிட்டுள்ளது.

மத்திய அரசுப் பணியாளர் தேர்வாணையம் குடிமைப் பணிக்கான தேர்வுகளை நடத்துவதைப் போல் ஆண்டுதோறும் இந்திய பொறியியல் சேவை பணியிடங்களை நிரப்ப அறிவிப்புகளை வெளியிடும். அந்த வகையில் தற்போது 247 பொறியியல் சேவை பணியிடங்களை நிரப்ப அறிவிப்பை வெளியிட்டுள்ளது. பொறியியல் பட்டம் பெற்றவர்கள் இந்த பணியிடங்களுக்கு விண்ணப்பிக்கலாம். விண்ணப்பிக்க கடைசி தேதி. 12.10.2021.

இந்திய பொறியியல் சேவை (INDIAN ENGINEERING SERVICES)

மொத்த காலியிடங்களின் எண்ணிக்கை : 247

கல்வித் தகுதி : சிவில் (Civil), மெக்கானிக்கல் (Mechanical), எலக்ட்ரிக்கல் (Electrical), எலக்ட்ரானிக்ஸ் & கம்யூனிகேசன் (Electronics & Communication) ஆகிய ஏதேனும் ஒரு பிரிவில் பொறியியல் பட்டப்படிப்பு (பி.இ அல்லது பி.டெக்) படித்திருக்க வேண்டும்.

வயதுத் தகுதி : 01.01.2022 அன்று 21 முதல் 30 வயதிற்குள் இருக்க வேண்டும். அதாவது 02.01.1992 முதல் 01.01.2001 க்குள் பிறந்தவராக இருக்க வேண்டும். இருப்பினும் SC/ST பிரிவினருக்கு 5 ஆண்டுகளும், OBC பிரிவினருக்கு 3 ஆண்டுகளும், EXSM பிரிவினருக்கு 5 ஆண்டுகளும், PWD பிரிவினருக்கு 10 ஆண்டுகளும் வயது வரம்பு தளர்வு உண்டு.

தேர்வு செய்யப்படும் முறை : இந்த பணியிடங்களுக்கு முதல் நிலைத் தேர்வு, முதன்மைத் தேர்வு மற்றும் நேர்முகத்தேர்வின் அடிப்படையில் தகுதியானவர்கள் தேர்வு செய்யப்படுவார்கள்.

இதில் முதல்நிலைத் தேர்வு 20.02.2022 அன்று நடைபெற உள்ளதாக அறிவிப்பில் கூறப்பட்டுள்ளது.

விண்ணப்பிக்கும் முறை : இந்த பணியிடங்களுக்கு விண்ணப்பிக்க https://www.upsc.gov.in/exams-related-info/exam-notification என்ற இணையத்தளப் பக்கத்திற்குச் சென்று ஆன்லைன் மூலம் விண்ணப்பிக்க வேண்டும்.

இந்த பணியிடங்களுக்கு விண்ணப்பிக்க கடைசி தேதி 12.10.2021 ஆகும். தகுதியுள்ளவர்கள் விரைவில் விண்ணப்பித்துக் கொள்ளுங்கள்.

விண்ணப்பக் கட்டணம் : ரூ. 200. இருப்பினும் பெண்கள் மற்றும் SC/ST/PwBD பிரிவினருக்கு விண்ணப்பக் கட்டணம் செலுத்துவதிலிருந்து விலக்கு அளிக்கப்பட்டுள்ளது.

இந்த அறிவிப்பு தொடர்பாக மேலும் விவரங்கள் அறிய https://www.upsc.gov.in/sites/default/files/Notif-ESEP-22-engl-220921.pdf என்ற இணையதளப் பக்கத்தினை பார்வையிடவும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Educationjobs news here. You can also read all the Educationjobs news by following us on Twitter, Facebook and Telegram.

Web Title: Upsc invites application for indian engineering services exam 2021 apply soon

Next Story
ஆன்சர் கீ டவுன்லோட், பேஸ் 2 பதிவு… நீட் தேர்வர்கள் மிஸ் பண்ணக்கூடாத விஷயங்கள் இவை!
The moderation of comments is automated and not cleared manually by tamil.indianexpress.com
Best of Express

X