UPSC CSE 2024: சிவில் சர்வீஸ் தேர்வு விண்ணப்பப் பதிவு தொடக்கம்; காலியிடங்கள் கடந்த ஆண்டை விட குறைவு

யூனியன் பப்ளிக் சர்வீஸ் கமிஷன் (UPSC) இன்று சிவில் சர்வீசஸ் தேர்வு (CSE) 2024 விண்ணப்ப செயல்முறையைத் தொடங்கியது. இந்த ஆண்டு, யு.பி.எஸ்.சி கமிஷன் CSE தேர்வுக்கு மொத்தம் 1056 மற்றும் IFoS பணிக்கு 150 காலியிடங்களை அறிவித்துள்ளது.

ஆங்கிலத்தில் படிக்க: UPSC notifies 1,056 posts for Civil Services this year, drop in vacancies

ஆணையம் கடந்த ஆண்டு 1,105 பணியிடங்களுக்கு அறிவிப்பு வெளியிட்டது, இது இந்த ஆண்டை விட அதிகமாகும்.

https://upsc.gov.in/ என்ற இணையதளம் விண்ணப்பப் படிவத்தை வழங்குகிறது மற்றும் விண்ணப்பதாரர்கள் மார்ச் 5, 2024 வரை விண்ணப்பிக்க முடியும். UPSC CSE 2024 முதல்நிலைத் தேர்வு மே 26 அன்று நடைபெற உள்ளது.

2022 இல், UPSC 1,011 காலியிடங்களை அறிவித்தது, 2021 இல், அது 712 மற்றும் 2020 இல் 796 ஆக இருந்தது.

தரவுகளின்படி, தற்போதைய அரசாங்கத்தின் கீழ், 2014 இல் அதிக காலியிடங்கள் வெளியிடப்பட்டன. அதன்பின், பணியிடங்களின் எண்ணிக்கையில் கணிசமான வீழ்ச்சி ஏற்பட்டுள்ளது. மேலும், நாடாளுமன்றக் குழு அறிக்கையை மேற்கோள் காட்டி பி.டி.ஐ அறிக்கையின்படி, தேர்வர்களின் எண்ணிக்கை குறைந்து வருவது கவலை அளிக்கிறது. உதாரணமாக, 2022 இல் சிவில் சர்வீசஸ் தேர்வுக்கு 11.35 லட்சம் விண்ணப்பதாரர்கள் விண்ணப்பித்தனர், இருப்பினும் 5.73 லட்சம் பேர் (50.51 சதவீதம்) மட்டுமே தேர்வெழுதினர்.

UPSC CSE தேர்வு முதற்கட்ட தேர்வு, முதன்மை மற்றும் ஆளுமைத் தேர்வு என மூன்று நிலைகளில் நடைபெறுகிறது. யு.பி.எஸ்.சி சி.எஸ்.இ முதல்நிலைத் தேர்வானது, அப்ஜெக்டிவ் வகை வினாக்களைக் கொண்டிருக்கும் மற்றும் மே 26ஆம் தேதி நடைபெற உள்ளது. கட்-ஆஃப் மதிப்பெண்களுக்கு மேல் பெற்ற விண்ணப்பதாரர்கள் யு.பி.எஸ்.சி முதன்மைத் தேர்வுக்கு பதிவு செய்யத் தகுதி பெறுவார்கள்.

UPSC CSE முதன்மை தேர்வானது விரிவான விடையளிக்கும் எழுத்து தேர்வாக இருக்கும் மற்றும் செப்டம்பர் 20 முதல் ஐந்து நாட்களுக்கு நடத்தப்படும். CSE முதன்மைத் தேர்வைத் தொடர்ந்து பல்வேறு சேவைகள் மற்றும் பதவிகளுக்கான விண்ணப்பதாரர்களைத் தேர்ந்தெடுப்பதற்கான நேர்காணல் சுற்று நடைபெறும்.

UPSC தேர்வில் தேர்ச்சி பெற தகுதியுள்ள ஒவ்வொரு தேர்வரும் ஆறு முயற்சிகள் வரை எடுக்கலாம். இருப்பினும், OBC மற்றும் PwBD வகைகளைச் சேர்ந்த வேட்பாளர்கள் ஒன்பது முயற்சிகளைப் பெறுவார்கள். SC மற்றும் ST பிரிவைச் சேர்ந்த விண்ணப்பதாரர்களுக்கான முயற்சிகளின் எண்ணிக்கையிலும் தளர்வு உள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“