VITEEE 2024: வேலூர் வி.ஐ.டி நுழைவுத் தேர்வு; விண்ணப்பிக்க கால அவகாசம் நீட்டிப்பு

VITEEE 2024: வேலூர் இன்ஸ்டிடியூட் ஆப் டெக்னாலஜி இன்ஜினியரிங் நுழைவுத் தேர்வுக்கான (VITEEE) விண்ணப்பப் பதிவு காலக்கெடுவை வேலூர் இன்ஸ்டிடியூட் ஆப் டெக்னாலஜி (வி.ஐ.டி) நீட்டித்துள்ளது. ஆர்வமும் தகுதியும் உள்ள விண்ணப்பதாரர்கள் தங்களது ஆன்லைன் விண்ணப்பப் படிவத்தை ஏப்ரல் 10 ஆம் தேதிக்குள் அதிகாரப்பூர்வ இணையதளத்தில் நிரப்பலாம் - https://viteee.vit.ac.in/ முன்னதாக, கடைசி பதிவு தேதி மார்ச் 31 ஆகும்.

ஆங்கிலத்தில் படிக்க: VITEEE 2024: Registration deadline extended till April 10

வி.ஐ.டி (VIT) வெளியிட்ட அதிகாரப்பூர்வ அட்டவணையின்படி, VITEEE 2024 தேர்வு ஏப்ரல் 19 முதல் 30, 2024 வரை நடத்த திட்டமிடப்பட்டுள்ளது. இதைத் தொடர்ந்து, மே 3, 2024 அன்று முடிவு வெளியிடப்படும். விண்ணப்பதாரர்கள் தகுதித் தேர்வில் இயற்பியல், வேதியியல் மற்றும் கணிதம்/உயிரியல் ஆகியவற்றில் குறைந்தபட்சம் 60 சதவீத மதிப்பெண்களைப் பெற்றிருக்க வேண்டும்.

பிறந்த தேதி ஜூலை 1, 2002 அல்லது அதற்குப் பிறகு வரும் விண்ணப்பதாரர்கள் பொறியியல் சேர்க்கை 2024க்கு விண்ணப்பிக்க தகுதியுடையவர்கள். உயர்நிலைப் பள்ளி / SSC / 10 ஆம் வகுப்பு சான்றிதழில் பதிவுசெய்யப்பட்ட பிறந்த தேதியே உண்மையானதாகக் கருதப்படும். எனவே, விண்ணப்பதாரர்கள் கவுன்சிலிங்/ சேர்க்கையின் போது தங்கள் வயதுக்கான சான்றாக இந்த சான்றிதழை அசலில் சமர்ப்பிக்க வேண்டும், தவறினால் சேர்க்கைக்கான அவர்களின் விண்ணப்பம் தகுதி நீக்கம் செய்யப்படும்.

VITEEE 2024: பதிவு செய்வது எப்படி?

படி 1: அதிகாரப்பூர்வ வலைத்தளத்தைப் பார்வையிடவும் — https://viteee.vit.ac.in/ 

படி 2: நீங்கள் புதிய பயனராக இருந்தால் பதிவு செய்யவும் அல்லது உங்களிடம் ஏற்கனவே கணக்கு இருந்தால் உள்நுழையவும்.

படி 3: தொடர்புடைய மற்றும் தேவையான அனைத்து புலங்களையும் நிரப்பவும். முதன்மை விவரங்களைப் பூர்த்தி செய்த பிறகு விண்ணப்ப எண் உருவாக்கப்படும். உங்கள் எதிர்கால கடிதப் பரிமாற்றங்களில் விண்ணப்ப எண்ணைப் பார்க்கவும்.

படி 4: திருப்பிச் செலுத்தப்படாத விண்ணப்பக் கட்டணமான ரூ. 1,350ஐச் செலுத்தவும்.

படி 5: புகைப்படம் மற்றும் கையொப்பத்தைப் பதிவேற்றி, விண்ணப்பப் படிவத்தைச் சமர்ப்பிக்கவும்.

படி 6: எதிர்கால குறிப்புக்காக விண்ணப்பத்தை பதிவிறக்கம் செய்து சேமிக்கவும்.

தேர்வு 2.5 மணி நேரம் நடைபெறும். பி.பி.சி.இ.ஏ.,வில் உயிரியலில் இருந்து 40 கேள்விகளும், இயற்பியல் மற்றும் வேதியியலில் இருந்து தலா 35 கேள்விகளும், ஆப்டிட்யூடில் இருந்து 10 கேள்விகளும், ஆங்கிலத்தில் இருந்து ஐந்து கேள்விகளும் கேட்கப்படும். எம்.பி.சி.இ.ஏ.,வில் கணிதத்தில் இருந்து 40 கேள்விகளும், இயற்பியல் மற்றும் வேதியியலில் இருந்து தலா 35 கேள்விகளும், ஆப்டிட்யூடில் இருந்து 10 கேள்விகளும், ஆங்கிலத்தில் இருந்து ஐந்து கேள்விகளும் கேட்கப்படும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“