ஜோஹோ நிறுவன வேலை வாய்ப்பு; இன்ஜினியரிங் தகுதி; உடனே விண்ணப்பிங்க!

பிரபல ஐ.டி நிறுவனமான ஜோஹோ (ZOHO) நிறுவனத்தில் டெக்னிக்கல் சப்போர்ட் இன்ஜினியர் பணியிடங்களுக்கான அறிவிப்பு வெளியாகி உள்ளது. தகுதியும் விருப்பமும் உள்ளவர்கள் இந்த அருமையான வாய்ப்பைப் பயன்படுத்திக் கொள்ளுங்கள்.

தமிழ்நாட்டில் உள்ள முன்னணி மென்பொருள் நிறுவனங்களில் ஒன்றாக ஜோஹோ உள்ளது. ஜோஹோ நிறுவனம் தமிழகத்தை மையமாகக் கொண்டு சென்னை, மதுரை, தென்காசி, நெல்லை, சேலம், கோவை உள்ளிட்ட இடங்களில் செயல்பட்டு வருகிறது. நல்ல வேலை வாய்ப்பு சூழல் உள்ள இந்த நிறுவனத்தில் பணிபுரிய மென்பொறியாளர்கள் பலரும் விரும்புவர்.

இந்தநிலையில், ஜோஹோ நிறுவனத்தில் டெக்னிக்கல் சப்போர்ட் இன்ஜினியர் (Technical Support Engineers) காலிப்பணியிடங்களை நிரப்புவதற்கான புதிய அறிவிப்பு வெளியாகி உள்ளது. இந்த பணிக்கு விண்ணப்பம் செய்வோர் இன்ஜினியரிங் படித்திருக்க வேண்டும். மேலும் ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். அதோடு குறைந்தபட்சம் 6 மாதங்கள் வரை வாடிக்கையாளர்களை எதிர்கொள்ளும் பதவியில் (Client Facing Role) பணியாற்றிய அனுபவம் கொண்டிருக்க வேண்டும். புதிய டெக்னாலஜிகளை கற்றுக்கொண்டு பணியாற்ற ரெடியாக இருக்க வேண்டும்.

மேலும் சுழற்சி முறை பணி என்பதால் இரவு பணிக்கு தயாராக இருக்க வேண்டும். இந்த பணிக்கு தேர்வாகும் நபர்கள் டெக்னிக்கல் சப்போர்ட், புராடெக்ட் டெமோ மற்றும் கஸ்டமர் டிரெய்னிங், கஸ்டமர்களுக்கு குறிப்பிட்ட நேரத்தில் சொல்யூஷன்ஸ் வழங்குவது, வெளிநாட்டு கஸ்டமர்களுக்கு தொலைபேசி மூலமாக பேசி சப்போர்ட் வழங்குவது போன்ற பணிகளை செய்ய வேண்டி இருக்கும். மேலும் கஸ்டமர்களுடன் இ-மெயில், சாட் முறையில் பேச வேண்டும். கூடுதலாக அனலிட்டிக்கல் ஸ்கில்ஸ் இருக்க வேண்டும். 

இந்தப் பணியிடங்களுக்கான காலியிடங்களின் எண்ணிக்கை அறிவிக்கப்படவில்லை. இருப்பினும் தகுதியானவர்கள் தேர்வு செய்யப்படும் வரை தேர்வு செயல்முறை இருக்கும். எனவே தகுதியும் விருப்பமும் உள்ளவர்கள் விரைவில் விண்ணப்பித்துக் கொள்ளுங்கள். இந்தப் பணியிடங்களுக்கான சம்பள விபரங்கள் கொடுக்கப்படவில்லை. ஆனால், கல்வித் தகுதி, முந்தைய பணி அனுபவம் அடிப்படையில் நல்ல சம்பளம் வழங்கப்படும் எனத் தெரிகிறது.

இந்தப் பணிக்கு விண்ணப்பிக்க விரும்புபவர்கள் https://careers.zohocorp.com/ என்ற இணையதளப் பக்கம் மூலமாக ஆன்லைனில் விண்ணப்பிக்க வேண்டும்.