Election 2019: தமிழகத்தில் ஏப்ரல் 18-ம் தேதி, மக்களவைத் தேர்தல் நடைபெறுகிறது. இதற்கான வேட்பு மனுத் தாக்கல் கடந்த 19-ம் தேதி தொடங்கி, நேற்று வரை நடைபெற்றது.
ஏறக்குறைய 1,575 வேட்பாளர்கள் தங்களது வேட்பு மனுவை தாக்கல் செய்துள்ளனர். இதைத் தொடர்ந்து இன்று, வேட்பு மனுக்கள் மீதான பரிசீலனை நடைபெறுகிறது.
29-ம் தேதி வேட்பாளர்கள் தங்களது மனுக்களை திரும்பப் பெற்றுக் கொள்ளலாம்.
Live Blog
Election 2019 – Live updates: Scrutiny of Nominations
இன்று வேட்பு மனு பரிசீலனை!
மக்களவைத் தேர்தலுக்கான வேட்பு மனுத் தாக்கல் தமிழகத்தில் நேற்றோடு முடிவடைந்தது. இன்று மனுக்கள் மீதான பரிசீலனை நடைபெறுகிறது.
தூத்துக்குடியில் போட்டியிடும் தி.மு.க வேட்பாளர் கனிமொழியின் வேட்பு மனு ஏற்றுக் கொள்ளப்பட்டது.
பா.ஜ.க சார்பில் தூத்துக்குடியில் போட்டியிடும் தமிழிசை செளந்திரராஜனின் வேட்பு மனு ஏற்றுக் கொள்ளப்பட்டது.
தூத்துக்குடி மக்களவைத் தொகுதி தி.மு.க வேட்பாளர் கனிமொழியின் வேட்பு மனு மீதான பரிசீலனை நடந்துக் கொண்டிருக்கிறது.
மத்திய சென்னை தொகுதியில் போட்டியிடும் தி.மு.க வேட்பாளர் தயாநிதி மாறன் மற்றும் பா.ம.க வேட்பாளர் சாம் பால் ஆகியோரின் வேட்புமனுக்கள் ஏற்பு.
தென் சென்னை மக்களவை தொகுதியில் போட்டியிடும் நடிகர் பவர் ஸ்டார் சீனிவாசன் வேட்புமனு ஏற்பு
கடலூர் நாடாளுமன்ற தொகுதியில் அமமுக வேட்பாளர் கார்த்திக் வேட்புமனு நிராகரிப்பட்டுள்ளது.
தூத்துக்குடி பா.ஜ.க வேட்பாளர் தமிழிசை, நாமக்கல் அ.தி.மு.க வேட்பாளர் காளியப்பன் ஆகியோர் வேட்பு மனுவில் குறிப்பிடாத விஷயங்களைக் கண்டறிந்த தி.மு.க வழக்கறிஞர் அணிக்கு அனைத்துத் தரப்பினரும் பாராட்டு.
சிவகங்கை தொகுதியில், பா.ஜ.க சார்பில் போட்டியிடும் ஹெச்.ராஜா, காங்கிரஸ் சார்பில் போட்டியிடும் கார்த்தி சிதம்பரம், ம.நீ.ம சார்பில் போட்டியிடும் சினேகன் ஆகியோரின் வேட்பு மனு ஏற்பு.
நாமக்கல் அ.தி.மு.க வேட்பாளர் காளியப்பன் மத்திய அரசு பணியில் ஒப்பந்ததாரராக இருப்பதால் அவரது வேட்பு மனு 2 மணி வரை நிறுத்தி வைக்கப்பட்டுள்ளது.
தூத்துக்குடி தொகுதியில் பா.ஜ.க சார்பில், போட்டியிடும் தமிழக பா.ஜ.க தலைவர் தமிழிசை செளந்திரராஜன், பாரத் பெட்ரோலிய நிறுவனத்தில் இயக்குநராக உள்ளதை தெரிவிக்காததால், வேட்புமனுவை ஏற்கக் கூடாது என திமுக எதிர்ப்பு. இதனால் அவரது வேட்பு மனு மீதான பரிசீலனை பகல் 1:30 வரை ஒத்திவைக்கப்பட்டுள்ளது.
தமிழகத்தில் மொத்தம் 1,575 மனுத்தாக்கல் செய்யப்பட்டுள்ளது. இதில் அதிகபட்சமாக தென் சென்னையில் 69 பேர் மனுத்தாக்கல் செய்திருக்கிறார்கள்.
வேட்பாளர்கள் குறிப்பிட்டுள்ள விபரங்கள் அனைத்தும் சரியாக இருக்கிறதா என்பதை சரி பார்த்து, வேட்பு மனுவை பரிசீலிக்கும் பணி துவங்கியது.