Advertisment

சுத்துவட்டாரத்துல 'பரிசுப்பொட்டி’ பத்தி என்ன பேச்சு ? ட்விட்டரில் ட்ரெண்டாகும் அமமுக சின்னம்

இரட்டை இலைக்கு முன்னால் எந்த சின்னமும் வெற்றி பெறாது - அமைச்சர் ஜெயக்குமார்

author-image
WebDesk
புதுப்பிக்கப்பட்டது
New Update
AMMK party symbol Gift Pack Trending

AMMK party symbol Gift Pack Trending

AMMK party symbol Gift Pack Trending : அம்மா மக்கள் முன்னேற்ற கழகத்தின் சார்பில் இம்முறை போட்டியிடும் வேட்பாளர்களுக்கு பொதுச்சின்னத்தை வழங்க வேண்டும் என்றும் குக்கர் சின்னத்தை தங்களின் கட்சி சின்னமாக ஒதுக்கித் தரவேண்டும் என்று மனுதாக்கல் செய்திருந்தார் அக்கட்சியின் துணைப் பொதுச் செயலாளர் டிடிவி தினகரன்.

Advertisment

வேட்புமனுக்கள் தாக்கல் செய்ய இருந்த இறுதி நாளான மார்ச் 26 வரை அக்கட்சிக்கு எந்த சின்னமும் ஒதுக்கப்படவில்லை. குக்கர் சின்னம் பதிவு செய்யப்பட்ட கட்சிக்கே வழங்க இயலும் என்றும், இன்று பதிவு செய்தாலும் சின்னம் கிடைக்க சுமார் 30 நாட்கள் ஆகும் என்றும் தேர்தல் ஆணையம் கூறியது. பின்பு அக்கட்சி வேட்பாளர்கள் அனைவரும் ஒரே சின்னத்தில் போட்டியிட முடிவாகி பரிசுப்பெட்டி சின்னத்தை அக்கட்சிக்கு தேர்தல் ஆணையம் இன்று காலை ஒதுக்கியது.

இன்று காலையில் இருந்து பரிசுப்பொட்டி மற்றும் Giftpack என்ற இரண்டு ஹேஷ்டாக்குகளும் ட்விட்டரில் ட்ரெண்டாகி வருகின்றது.

AMMK party symbol Gift Pack Trending - அரசியல்வாதிகள் கருத்து

பெரம்பூர் தொகுதி அமமுக வேட்பாளர்

ஒரே நாளில் மக்கள் மத்தியில் இந்த பரிசுப்பெட்டி சின்னத்தை விரைவில் கொண்டு சேர்ப்போம் என்று கூறியுள்ளார் பெரம்பூர் தொகுதி வேட்பாளர் வெற்றிவேல். சமூக வலைதளங்களான ட்விட்டர், ஃபேஸ்புக் வாயிலாக மிக விரைவாக மக்கள் மத்தியில் சேர்க்க இயலும் என தனியார் செய்தித் தொலைக்காட்சிக்கு அவர் பேட்டியளித்தார்.

தங்க தமிழ்ச்செல்வன்

அமமுக சார்பில் தேனி பாராளுமன்ற தேர்தலில் போட்டியிட இருக்கும் தங்க தமிழ்ச்செல்வன் “மக்கள் மத்தியில் பரிசுப்பெட்டி சின்னத்தை மக்களிடம் தெரிவித்து வெற்றிபெறுவோம்” என்று கூறினார்.

ராஜேந்திர பாலாஜி

ரூ.20 டோக்கன் அளித்த அமமுகவிற்கு பரிசுப்பெட்டி சின்னம் மிகவும் பொருத்தமான ஒன்று. ஆனால் இம்முறை மக்கள் ஏமாற மாட்டார்கள். அனைத்து தொகுதிகளிலும் டெபாசிட் இழந்து வீடு திரும்புவார்கள் என அமைச்சர் ராஜேந்திர பாலாஜி இவ்விவகாரம் குறித்து பேசியுள்ளார்.

ஜெயகுமார்

அமைச்சர் ஜெயகுமார், இரட்டை இலைக்கு முன்னால் எந்த சின்னமும் வெற்றி பெறாது என்று கூறியுள்ளார்.

நெட்டிசன்கள் ரியாக்சன் :

அரசியல்  வட்டாரத்தில் மட்டுமலாமல், நெட்டிசன்கள் மத்தியிலும் இன்று பேசும் பொருளாகியுள்ளது பரிசுப் பெட்டி.

Ttv Dhinakaran Ammk General Election
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment