பா.ஜ.க கூட்டணி தமிழகத்தில் 30 இடங்களுக்கு மேல் பெறும் - அமித்ஷா

தமிழகத்தில் 30 இடங்களுக்கு மேல், பா.ஜ.க கூட்டணி அமோக வெற்றி பெறும் என கருத்து கணிப்புகள் தெரிவிக்கின்றன. நாம் இந்தத் தேர்தலில் வென்று எதிர்க்கட்சிகளை மோசமான தோல்வியடையச் செய்ய வேண்டும். 

தமிழகத்தை சேர்ந்த இருவரை பா.ஜ.க மத்திய அமைச்சராக்கியுள்ளது. 

பா.ஜ.க வேட்பாளர் ஹெச்.ராஜாவை ஆதரித்து தீவிர பிரச்சாரத்தில் ஈடுபட்டுள்ளார்  பா.ஜ.க தலைவர் அமித்ஷா 

கனிமொழி,ராஜா, சிதம்பரம், கார்த்தி சிதம்பரம் போன்ற ஊழல்வாதிகளாக நாங்கள் இல்லை.  தமிழக வளர்ச்சிக்காக பாஜக பல்வேறு நலத்திட்டங்களை வருங்காலத்தில் இந்த அரசு கொண்டு வரும். 39+1 தேசிய ஜனநாயக கூட்டணியை வெற்றி பெற வையுங்கள். உங்களின் வளர்ச்சியை நாங்கள் பார்த்துக் கொள்வோம் என்று தூத்துக்குடியில் தன் உரையை முடித்துக் கொண்டு தற்போது சிவகங்கை தொகுதி வேட்பாளரான எச். ராஜாவை ஆதரித்து பேசுவதற்காக புதுக்கோட்டை சென்றுள்ளார்.

வருமானவரி வரம்பு தளர்த்தப்பட்டது குறித்தும், மீனவர்கள் நலன்களை பாதுகாக்க ஒரு குழுவையும், மதுரையில் எய்ம்ஸ் கட்ட, தேசிய நெடுஞ்சாலை 23,000 கோடி ரூபாய் என பாஜக செய்த சாதனைகளையும், தமிழகத்திற்கு ஒதுக்கிய நிதிகளையும் பட்டியலிட்டு வருகிறார் அமித் ஷா. 

காங்கிரஸ் ஆட்சியில் 13வது நிதிக் கமிஷன் 94 ஆயிரம் கோடி ரூபாயை தமிழகத்திற்கு ஒதுக்கியது. பாஜகவோ தமிழ்நாட்டிற்கு 16வது நிதிக்குழு அதைவிட அதிக அளவில் நிதி  ஒதுக்கியுள்ளது. 

காங்கிரஸ் தேர்தல் அறிக்கையில் காஷ்மீரில் இருக்கும் சிறப்பு சட்டத்தினை வாபஸ் செய்வோம் என்று கூறியுள்ளனர். ஆனால் காஷ்மீரை நாங்கள் எப்போதும் விட்டுத்தர மாட்டோம். 

மொத்த நாடும் பாகிஸ்தான் மீது புல்வாமா தாக்குதலால் மிகுந்த கோபத்துடன் இருக்க திமுகவும் காங்கிரஸூம் பாகிஸ்தானுக்கு ஆதரவாக பேசி வருகின்றார்கள்.