Tamil Nadu By Election: 4 தொகுதிகளுக்கான இறுதி வேட்பாளர் பட்டியல்!

ஓட்டப்பிடாரம்- 15

திருப்பரங்குன்றம்- 37

சூலூர் - 22

அரவக்குறிச்சி - 63

தமிழகத்தின் பல்வேறு பகுதிகளில் நேற்று தேர்தல் பறக்கும் படையினர் நடத்திய சோதனையில் உரிய ஆவணங்களின்றி எடுத்துச்செல்லப்பட்ட ரூ.9.53 லட்சம் பறிமுதல் செய்யப்பட்டுள்ளதாக, தமிழக தலைமை தேர்தல் அதிகாரி சத்யபிரதா சாஹூ தெரிவித்துள்ளார். 

4 மாவட்ட தேர்தல் அதிகாரிகளுடன், தலைமை தேர்தல் அதிகாரி சத்யபிரதா சாஹூ இன்று மாலை ஆலோசனை நடத்த உள்ளார். 

ஒட்டப்பிடாரம் சட்டமன்ற தொகுதியில், இடைத்தேர்தல் பிரச்சாரத்தில் பேசிய மு.க.ஸ்டாலின், “திமுக.,வின் தேர்தல் வாக்குறுதிகள் அனைத்தும் நிறைவேற்றப்படும். தூத்துக்குடி மக்களவைத் தொகுதியில் கனிமொழியின் வெற்றி உறுதியாகி விட்டது. திமுக ஆட்சிக்கு வந்தவுடன் தமிழகத்திற்கு விடிவுகாலம் பிறக்கும்” என்றார்

ஒட்டப்பிடாரம் தொகுதியில் மக்களுடன் கலந்துரையாடல். https://t.co/irYaNCKRiz

— M.K.Stalin (@mkstalin) May 2, 2019

மதுரையை அடுத்த சிலைமான் பகுதியில் துணை முதல்வர் ஓ.பன்னீர்செல்வம், திருப்பரங்குன்றம் தொகுதி அதிமுக வேட்பாளர் முனியாண்டியை ஆதரித்து பிரசாரம் செய்து வருகிறார்.

ஓ.பி.எஸ் பா.ஜ.க-வில் இணைவதாக சில நாட்களாக பேச்சுகள் எழுந்தன. இந்நிலையில், “உயிர்போகும் நாளில் அதிமுக கொடியைப் போர்த்துவதையே வாழ்நாள் பெருமையாக கருதுகிறேன்” என வதந்திக்கு முற்றுப்புள்ளி வைத்திருக்கிறார் ஓ.பி.எஸ்