Election 2019 UPDATES: 'இது வாயில் வடை சுடும் ஆட்சி அதற்கு மோடியே சாட்சி’ - மு.க.ஸ்டாலின் கவிதை

விசாரணையின்போது, ‘3 தொகுதிகளுக்கு தனியாக அறிவிப்பாணை வெளியிடுவதில் என்ன பிரச்னை? அடுத்தக்கட்ட தேர்தல்களின்போது நடத்தலாமே?’ என உச்ச நீதிமன்றம் கேள்வி எழுப்பியது. இந்தத் தொகுதிகள் தொடர்பான வழக்குகள் வாபஸ் பெற்றுவிட்டதை திமுக சுட்டிக்காட்டியது.

அப்போது குறுக்கிட்ட நீதிபதி பாப்டே, ‘ஒரு வழக்கு இருந்தால், அந்தத் தொகுதியில் தேர்தல் நடத்தக்கூடாது என எங்கும் சொல்லப்படவில்லை. தேர்தல் ஆணையத்தை யாரோ தவறாக வழிநடத்தியிருக்கிறார்கள்’ என குறிப்பிட்டார். எனினும் உடனடியாக தேர்தல் நடத்தும்படி தேர்தல் ஆணையத்திற்கு உத்தரவிட முடியாது எனக் கூறி வழக்கை முடித்து வைத்தது உச்ச நீதிமன்றம்.

திருப்பரங்குன்றம், அரவக்குறிச்சி, ஓட்டப்பிடாரம் தொகுதிகளுக்கு அவசரகதியில் இடைத்தேர்தல் நடத்த முடியாது என இந்திய தேர்தல் ஆணையம் உறுதிபடத் தெரிவித்திருக்கிறது.

திமுக சார்பில் உச்ச நீதிமன்றத்தில் தொடர்ந்த வழக்கில், தேர்தல் ஆணையம் மேற்படி பதிலை தெரிவித்திருக்கிறது. ‘தமிழ்நாட்டில் மக்களவைத் தேர்தல் நடைபெறும் ஏப்ரல் 18-ம் தேதி இல்லாவிட்டாலும், அடுத்தக்கட்ட தேர்தல்களின்போது மேற்படி 3 தொகுதிகளுக்கும் நடத்தலாமே?’ என திமுக சார்பில் கேள்வி எழுப்பப்பட்டிருக்கிறது.

ஆனால் தேர்தல் ஆணையம், ‘நாடு முழுவதும் மக்களவைத் தேர்தல் நடைபெறும் சூழலில் அது சாத்தியமில்லை’ என கூறியிருக்கிறது.

சேலம் கொண்டலாம்பட்டியில் 73 கிலோ தங்கம் மற்றும் வெள்ளி நகைகளை தேர்தல் பறக்கும்படையினர் பறிமுதல் செய்துள்ளனர்.