நடிகர் ரஜினிகாந்த் வட இந்தியாவில் உள்ள ஆன்மிக தலங்களில் ஆன்மிக பயணம் மேற்கொண்டுள்ளார். இந்த நிலையில் சனிக்கிழமை (ஆக.19) அவர் உத்தரப் பிரதேச முதல் அமைச்சர் யோகி ஆதித்யநாத்தை சந்தித்துப் பேசினார்.
அப்போது அவரிடம் ஆசிர்வாதம் பெற்றார். தொடர்ந்து, இன்று எதிர்க்கட்சித் தலைவர் அகிலேஷ் யாதவை சந்தித்தார்.
இந்தச் சந்திப்பு லக்னோவில் உள்ள அவரது இல்லத்தில் நடந்தது. இதனை தொடர்ந்து அவர் அயோத்தியில் உள்ள ஹனுமன் கோவிலுக்கு சென்று ஹனுமனை தரிசித்தார்.
அப்போது செய்தியாளர்களிடம் பேசிய ரஜினிகாந்த், “இது தமது நீண்ட கால ஆசை. இந்தக் கோவிலில் வந்து தரிசிக்க வேண்டும் என பல நாள்கள் நினைத்துள்ளேன். அது இப்போதுதான் நடந்துள்ளது” என்றார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“