பாலிவுட் சூப்பர் ஸ்டார் அமீர் கானின் மகன் ஜுனைத் கான், ஆதித்ய சோப்ராவின் மகாராஜ் படத்தில் மிகவும் எதிர்பார்க்கப்பட்ட அறிமுகத்திற்கு தயாராகி வருகிறார். இருப்பினும், பார்வையாளர்கள் அவரது முதல் சினிமா வெளியிட்டை எதிர்ப்பார்த்து காத்திருக்கும் நிலையில், ஜுனைத் கான் ஏற்கனவே சாய் பல்லவியுடன் இணைந்து நடிக்கும் தனது இரண்டாவது படத்தின் படப்பிடிப்பில் மூழ்கியுள்ளார். ஜப்பானின் சப்போரோ பனி விழாவின் அழகிய பின்னணியில் ஜுனைத் கான் மற்றும் சாய் பல்லவி சூட்டிங் நடத்திய வைரல் படங்களுடன் சமூக ஊடகங்கள் சமீபத்தில் சலசலத்தன.
ஆங்கிலத்தில் படிக்க: Aamir Khan’s son Junaid Khan and Sai Pallavi shoot for their next film in Japan. See photos
படங்களில், ஜுனைத் கான் ஒரு தடிமனான கருப்பு ஜாக்கெட் மற்றும் கண்ணாடிகளை அணிந்து, ஸ்டைலாக காட்சியளிக்கிறார். சாய் பல்லவி தனது அழகான சுருட்டை முடியுடன் செக்கர்டு ஜாக்கெட்டை அணிந்து, அழகிய இயற்கைக்காட்சியை நிறைவு செய்கிறார். இருவரும் தங்கள் சூட்டிங்கிற்கு இடையே ரசிகர்களுடன் உரையாடவும் நேரம் எடுத்துக் கொண்டனர். சில ஸ்னாப்ஷாட்கள் அவர்கள் ரசிகர்களுடன் போஸ் கொடுப்பதைக் காட்டியது. ஜப்பானில் உள்ள ஒரு உள்ளூர் கடையிலும் அவர்கள் போஸ் கொடுத்துள்ளனர்.
ஜுனைத் கானின் இரண்டாவது படம் அமீர் கான் புரொடக்ஷன்ஸ் பேனரின் கீழ் அவரது தந்தையும் நடிகருமான அமீர் கானால் ஆதரிக்கப்படுகிறது. ராணி முகர்ஜி நடித்த ஹிச்கி படத்தை இயக்கியதற்காக அறியப்பட்ட சித்தார்த் பி மல்ஹோத்ரா இந்தப் படத்தை இயக்குகிறார்.
இதற்கிடையில், ஜுனைத் கானின் முதல் படமான மஹாராஜ் பிரபலமற்ற 1862 மகாராஜா அவதூறு வழக்கிலிருந்து உத்வேகம் பெறுகிறது, இதில் ஒரு மதப் பிரிவின் தலைவர் பெண் ஃபாலோயர்களுடன் தவறான உறவுகளில் ஈடுபட்டதாகக் கூறிய, ஒரு செய்தித்தாள் மீது அவர் வழக்குத் தொடர்ந்தார். ஜுனைத் கான் படத்தில் ஒரு பத்திரிகையாளராக நடித்துள்ளதாக கூறப்படுகிறது. அக்டோபர் 2023 இல் படக்குழு அதன் படப்பிடிப்பு அட்டவணையை முடித்தது, என படத்தில் முக்கிய கதாபாத்திரத்தில் நடிக்கும் நடிகை ஷாலினி பாண்டே உறுதிப்படுத்தினார்.
நியூஸ் 18 உடனான தனது நேர்காணலில், ஜுனைத்துடன் பணிபுரிந்த அனுபவத்தையும் ஷாலினி பாண்டே வெளிப்படுத்தினார். “ஜுனைத் மிகவும் எளிதான தென்றல் மனிதர். அவர் ஒரு நல்ல சக நடிகர். அவருடன் பணிபுரிவது எனக்கு மிகவும் மகிழ்ச்சியாக இருந்தது. நாங்கள் ஒரே வயதில் இருக்கிறோம், எனவே படப்பிடிப்பின் போது எங்களுக்கு ஒரு இணக்கம் ஏற்பட்டது. மகாராஜ் படம் எங்களுடைய முதல் சில படங்களில் ஒன்று. அதனால்தான் படப்பிடிப்பில் எங்களுக்கு மிகவும் ஒத்த ஆற்றல் இருந்தது, என்று நடிகை ஷாலினி பாண்டே கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/6A5tKSTlRphAKcU0LGTk.jpg)