ரஜினியின் தீவிர ரசிகர்... பிஜிலி ரமேஷ் மரணம்

தமிழ் சினிமாவில் நகைச்சுவை நடிகராக நடித்து வந்தவர் பிஜிலி ரமேஷ். இந்நிலையில், சென்னையைச் சேர்ந்த 46 வயதான பிஜிலி ரமேஷ் உடல்நலக்குறைவு காரணமாக உயிரிழந்தார். அவரது இறுதி சடங்கு இன்று செவ்வாய்க்கிழமை மாலை நடைபெறுகிறது.

பிரபல யூடியூப் சேனல் ஒன்றின் பிராங்க் வீடியோக்கள் மூலமாக பிரபலமடைந்தவர் பிஜிலி ரமேஷ். நடிகர் ரஜினிகாந்தின் தீவிர ரசிகரான அவருக்கு சினிமாவில் நடிக்கும் வாய்ப்பு தொடர்ந்து கிடைத்து வந்தது. அவர் இயக்குநர் நெல்சனின் கோலமாவு கோகிலா படத்தின் மூலம் சினிமாவில் அறிமுகமானார். இதன்பின்னர் நட்பே துணை, சிவப்பு மஞ்சள் பச்சை, கோமாளி, ஆடை போன்ற படங்களில் அவர் நடித்துள்ளார்.

இந்த நிலையில், கடந்த சில மாதங்களுக்கு முன்னர் பிஜிலி ரமேஷ் உடல்நலக்குறைவால் பாதிக்கப்பட்டுள்ளது. அவரது மருத்துவ செலவுக்காக அவரின் குடும்பம் நிதியுதவி வேண்டி இருந்தது. இந்த சூழலில் தான் அவர் இன்று உயிரிழந்துள்ளார். பிஜிலி ரமேஷின் இறப்பு அவரது ரசிகர்களை அதிர்ச்சியடைய செய்துள்ளது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“