‘இந்திய சினிமாவின் சச்சின் டெண்டுல்கர்’; கேம் சேஞ்சர் படம் இயக்குநர் ஷங்கரை புகழ்ந்த நடிகர் ராம் சரண்

இயக்குனர் ஷங்கர் உடனான நடிகர் ராம் சரணின் தொடர்பு கேம் சேஞ்சர் படத்திற்கு முன்பே தொடங்கியது. உண்மையில், அவர் ஒரு நடிகராவதற்கு முன்பே அது தொடங்கியது. தற்செயலாக, ராம் சரணின் தந்தையும், பழம்பெரும் நடிகருமான சிரஞ்சீவியின் இறுதி ஹிந்திப் படம், ஷங்கரின் இயக்குநராக அறிமுகமான ஜென்டில்மேன் படத்தின் அதிகாரப்பூர்வ ரீமேக் ஆகும். மேலும், 30 ஆண்டுகளுக்குப் பிறகு, ராம் சரண் ஷங்கர் படத்தை இயக்குகிறார். சமீபத்தில் அமெரிக்காவின் டல்லாஸில் நடந்த புரொமோஷன் நிகழ்ச்சியில், நடிகர் ராம் சரண் திரைப்பட இயக்குநர் ஷங்கரைப் புகழ்ந்து பேசினார். “இன்னும் என்னால் நம்ப முடியவில்லை, நான் ஷங்கரின் பக்கத்தில் அமர்ந்திருக்கிறேன், அவருடைய படத்தில் நான்தான் ஹீரோ. இதை நான் ஒரு கனவாக உணர்கிறேன்” என்று நடிகர் ராம் சரண் கூறினார்.

ஆங்கிலத்தில் படிக்க: Ram Charan praises Game Changer director Shankar: ‘He is the Sachin Tendulkar of Indian cinema’

இயக்குநர் ஷங்கருடனான தனது முந்தைய சந்திப்புகளை நினைவுகூர்ந்த ராம் சரண், அவருடன் பேசுவதற்கு கூட அவர் உண்மையில் டென்ஷனாக இருந்ததை நினைவுகூர்ந்தார். கேம் சேஞ்சர் படப்பிடிப்பின் போது அவர்களின் உறவில் ஏற்பட்ட வளர்ச்சி குறித்து தனது மகிழ்ச்சியை வெளிப்படுத்தினார். “இந்த மூன்று வருடங்கள் ஒரு பயணம். சினிமா செட்டுக்குப் போகணும்னு தோணல. இது ஒரு புதிய ஆரம்பம். நான் நிறைய கற்றுக்கொண்டேன். ஷங்கர் இயக்குனர்களின் ராஜா. கிரிக்கெட்டுக்கு சச்சின் டெண்டுல்கர் எப்படி இருந்தாரோ, அதுபோலதான் இந்திய சினிமாவுக்கு ஷங்கர்” ​​என்று கூறிய ராம் சரண், “அவர் உலக அளவில் நம்பர் 1 டைரக்டர். நம்பர் 1 கமர்ஷியல் டைரக்டர், அவருடன் பணிபுரிந்ததில் நான் மிகவும் அதிர்ஷ்டசாலி, கடவுளுக்கும் என் பெற்றோருக்கும் நான் என்றென்றும் நன்றியுள்ளவனாக இருப்பேன்” என்று கூறினார்.

கேம் சேஞ்சர் படம் தனது ரசிகர்களை மட்டுமல்ல, ஷங்கரின் ரசிகர்களையும் திருப்திபடுத்தும் என்று ராம் சரண் உறுதியளித்தார். “எந்தவொரு ஷங்கர் ரசிகனுக்கும் இது சிறந்த அனுபவமாக இருக்கும். திரையரங்கிற்குள் நுழையும் நேரத்திலிருந்தே, நீங்கள் மகிழ்வீர்கள். இது அவரது சிறந்த படங்களில் ஒன்றாகும்” என்று ஆர்.ஆர்.ஆர் படத்தின் நடிகர் ராம் சரண் கூறினார். அவர் தனது சக நடிகர்களான எஸ்.ஜே. சூர்யா மற்றும் அஞ்சலியைப் பற்றியும் பேசினார். “சூர்யாவுக்கும் எனக்கும் இடையிலான காம்பினேஷன் காட்சிகள் படத்தை வித்தியாசமான அளவில் உயர்த்தும். நான் இதுவரை நடித்திராத அல்லது பார்த்திராத காட்சிகள் இவை. மேலும், ஃப்ளாஷ்பேக்கில் வரும் அப்பண்ணா என்ற எனது கதாபாத்திரம் மிக உயர்ந்த ஒழுக்கம் கொண்ட மிகவும் புதுமையான கதாபாத்திரம். அஞ்சலி காரு ஃப்ளாஷ்பேக்கில் அப்பண்ணாவின் மனைவியாக நடிக்கிறார், இது அவரது சினிமா வாழ்க்கையின் சிறந்த தோற்றங்களில் ஒன்றாக இருக்கும். மேலும், அவரது நடிப்பு மிகவும் நன்றாக உள்ளது.” என்று கூறினார்.

தில் ராஜுவின் தயாரிப்பில் கேம் சேஞ்சர் படம் ஜனவரி 10-ம் தேதி, சங்கராந்தி பண்டிகையை முன்னிட்டு திரைக்கு வர உள்ளது. இந்த படத்துக்கு தமன் இசையமைத்துள்ளார். திரு ஒளிப்பதிவு செய்துள்ளார். கேம் சேஞ்சரில் கியாரா அத்வானி, ஜெயராம் மற்றும் சுனில் ஆகியோரும் முக்கிய வேடங்களில் நடித்துள்ளனர்.