த்ரிஷா, அனுஷ்கா, நயன்தாரா... டாப் நடிகைகளுடன் நடித்த ஒரே நடிகர்; இவர் யார் தெரியுமா?

பொதுவாக தற்போதைய திரைத்துறை, ஹீரோயின்களின் கவர்ச்சி மற்றும் நடனத்தை பொருத்தே அமைக்கிறது. பெரும்பாலும் புது முகங்கள் மட்டுமே திரைத்துறையில் நிரம்பி வழிகிறார்கள். ஆனால், அதுமட்டும் முக்கியமல்ல. முன்பெல்லாம் ஹீரோயின்கள் ஹீரோவிற்கு நிகரான அளவில் திரையை பகிர்ந்து கொண்டார்கள்.

நயன்தாரா, திரிஷா, அனுஷ்கா, இலியானா, காஜல் அகர்வால் போன்ற முன்னணி நாயகிகள் திரைத்துறையில் பெரும் ஆதிக்கம் செலுத்தினார்கள். அப்படி இந்த முன்னணி நடிகைகளுடன் திரையை பகிர்ந்து கொண்ட ஒரு நடிகர் இருக்கிறார். அவர்தான் ரவி தேஜா. ரவி தேஜாவின் படங்கள் தற்போது பெரிய அளவில் ஒர்க்அவுட் ஆகவில்லை என்றாலும் ஒரு காலத்தில் அவரது படங்கள் வெற்றியை கண்டது.

பேசும் அளவிற்கு வெற்றியை பெறாவிட்டாலும் தயாரிப்பாளர்களுக்கு நஷ்டம் ஏற்படாத வகையில் அந்த வெற்றி இருந்தது. ரவி தேஜா அனைத்து முன்னணி நடிகைகளுடனும் தனது திரையை பகிர்ந்து கொண்டுள்ளார். அந்த வகையில், அனுஷ்கா ஷெட்டியுடன் அவர் விக்ரமார்குடு என்ற படத்தில் நடித்திருந்தார். இப்படம் பிளாக்பஸ்டர் ஹிட் அடித்தது,

அடுத்து இவருடன் நடித்த பலாதூர் தோல்வியை சந்தித்தது. நயன்தாராவுடன் துபாய் சீனு மற்றும் ஆஞ்சநேயுலு  ஆகிய படங்களில் நடித்தார். திரிஷாவுடன் கிருஷ்ணா என்ற படத்தில் நடித்திருந்தார். இப்படம் ஹிட் அடித்தது.  மேலும், காஜல் அகர்வாலுடன் சரோச்சாரு மற்றும் வீரா  என்ற இரண்டு படங்களில் நடித்தார் துரதிர்ஷ்டவசமாக இந்த இரண்டு படங்களும் தோல்வியை சந்தித்தது.

ஸ்ருதி ஹாசனுடன், கோபிசந்த் மலினேனி இயக்கிய பலுபு மற்றும் கிராக் ஆகிய படங்களில் நடித்தார். இந்த இரண்டு படங்களும் பாக்ஸ் ஆபிஸில் வெற்றி பெற்றன. நடிகை ராஷி கண்ணாவுடன்  டச் சேசி சுடு மற்றும் பெங்கால் டைகர்  படத்தில் நடித்தார். இதில் டச் சேசி சூடு திரைப்படம் தோல்வியை சந்தித்தது. பெங்கால் டைகர் திரைப்படம் பாக்ஸ் ஆபிஸில் கலக்கியது.

அனுபமா பரமேஸ்வரனுடன், கார்த்திக் கட்டமனேனி இயக்கிய ஈகிள் படத்தில் நடித்தார். இது சராசரி வெற்றியைப் பெற்றது. ரேந்தர் ரெட்டி இயக்கிய கிக் 2 படத்தில் ராகுல் ப்ரீத் சிங்குடன் ரவி தேஜா ஜோடி சேர்ந்தார். இந்தப் படம் நல்ல விமர்சனங்களைப் பெற்றலும் வணிக ரீதியாக தோல்வியடைந்தது.

இப்படி தன் முயற்சியால் கடந்த இரண்டு தசாப்தங்களாக ரவி தேஜா டோலிவுட்டை கலக்கி வருகிறார். அனைத்து நாயகிகளுடன் ஜோடி சேரும் வாய்ப்பை ரவி தேஜா உட்பட சில நடிகர்கள் மட்டுமே பெற்றுள்ளனர்.