டெல்டா மக்களுக்கு உடனடியாக உதவிகள் சென்றடைய தளபதி விஜய் என்ன செய்தார் தெரியுமா?

கஜ புயலின் சீற்றத்திற்கு பிறகு பாதிக்கப்பட்டுள்ள டெல்டா மாவட்டத்திற்கு உதவ நடிகர் விஜய் தனது ரசிகர்களின் வங்கி கணக்குகளுக்கு இதவி தொகை அனுப்பி வைத்துள்ளார்.

கேரளாவில் பெருமழை வந்தபோது தனது ரசிகர்கள் மன்றங்களுக்கு பல லட்சம் ரூபாய் பணம் மற்றும் பொருட்கள் அனுப்பி உதவிகளை செய்ய வைத்தார் விஜய். அவரின் ரசிகர்களும், முழு ஈடுபாடுடன் அவர் அனுப்பிய தொகையை கேரள மக்களுக்காக செலவழித்தனர்.

நடிகர் விஜய் உதவி தொகை

அந்த வகையில் தற்போது கஜா புயல் பாதித்த பகுதிகளில் உள்ள விஜய் ரசிகர்கள் மன்றங்களின் தலைவர்களின் கணக்கிற்கு ரூ.2லட்சம் முதல் 4.5 லட்சம் வரை தளபதி விஜய் அனுப்பி உள்ளார்.

மேலும் டெல்டா மாவட்டங்களில் உள்ள ரசிகர்கள் மன்றங்களின் தலைவர்கள் கணக்குக்கு விஜய் ரூ.40 லட்சம் அனுப்பி உள்ளார். சென்னை இந்திரா நகர் ஆக்ஸிஸ் வங்கியில் இருந்து ரசிகர்களுக்கு பணம் அனுப்பிய ரசிது வெளியாகி உள்ளது. இதைவைத்தே விஜய் ரசிகர் மன்றம் மூலம் உதவி செய்திருப்பது தெரியவந்துள்ளது. விஜய்யின் இந்த செயலை பலரும் பாராட்டி வருகிறார்கள்.