நகைச்சுவை நடிகர் விஸ்வேஷ்வர ராவ் மரணம்

Tamil Cinema: தமிழ், தெலுங்கு படங்களில் நகைச்சுவை நடிகராக புகழ்பெற்றவர் விஸ்வேஷ்வர ராவ். தனது 6 வயதில் இருந்தே நடிக்க தொடங்கிவிட்ட அவர் இதுவரை 350-க்கும் மேற்பட்ட படங்களில் நடித்துள்ளார். சினிமா தவிர்த்து சின்னத்திரை தொடர்களிலும் நடித்துள்ளார். இயக்குநர் பாலா இயக்கத்தில் வெளியான ‘பிதாமகன்’ படத்தில் நடிகை லைலாவுக்கு அப்பாவாக அவர் நடித்திருப்பார். 

இந்நிலையில், 62 வயதான நடிகர் விஸ்வேஷ்வர ராவ் உடல்நலக்குறைவு காரணமாக இன்று (செவ்வாய்க்கிழமை) காலமானார். அவரின் உடல் சென்னை சிறுசேரியில் இருக்கும் அவரது இல்லத்தில் பொதுமக்கள் அஞ்சலிக்காக வைக்கப்பட்டுள்ளது. இறுதிச் சடங்குகள் நாளை நடைபெற இருக்கின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“