கல்யாண ஆர்டர் எல்லாம் இப்ப நமக்குத்தான்... மாதம்பட்டி ரங்கராஜை சூசகமாக கலாய்த்த புகழ், குரேஷி!

’மெஹந்தி சர்க்கஸ்’ திரைப்படத்தின் மூலம் தமிழ் திரையுலகில் கதாநாயகனாக அறிமுகமானார் மாதம்பட்டி ரங்கராஜ். தொடர்ந்து இவர் ‘பென்குயின்’ என்ற படத்தில் நடித்திருந்தார். நடிகராக மட்டுமல்லாமல் பிரபல சமையல் கலைஞராக வலம் வரும் மாதம்பட்டி ரங்கராஜ், முன்னணி நடிகர்கள் மற்றும் பிரபலங்களின் நிகழ்ச்சிகளுக்கு சமையல் செய்து கொடுத்து வருகிறார்.

அதுமட்டுமல்லாமல், தனியார் நிகழ்ச்சியில் ஒளிப்பரப்பாகும் ‘குக் வித் கோமாளி’ நிகழ்ச்சியில் நடுவராகவும் இருந்து வருகிறார். சமீபத்தில், ஆடை வடிவமைப்பாளரான ஜாய் கிரிஸில்டா, மாதம்பட்டி ரங்கராஜுக்கும் தனக்கு திருமணம் ஆகிவிட்டதாக புகைப்படங்களை சமூக வலைதளத்தில் பகிர்ந்திருந்தார். மேலும், மாதம்பட்டி ரங்கராஜ் பேசும் வீடியோ ஒன்றையும் பகிர்ந்திருந்தார்.

இந்த செய்தி இணையத்தில் தீயாக பரவியது. அதுமட்டுமல்லாமல், மாதம்பட்டி ரங்கராஜுக்கு ஏற்கனவே திருமணமான நிலையில் விவாகரத்து செய்யாமல் எப்படி ஜாய் கிரிஸில்டாவை திருமணம் செய்து கொள்வார் என்று பலரும் விமர்சித்து வந்தனர். நிலமை இப்படி இருக்க திடீரென காவல் ஆணையர் அலுவலகத்திற்கு வந்த ஜாய் கிரிஸில்டா, மாதம்பட்டி ரங்கராஜ் தன்னை கர்ப்பமாக்கி ஏமாற்றிவிட்டதாக புகார் அளித்தார்.

இதனால் கடுப்பான மாதம்பட்டி, கிரிஸில்டா மீது சென்னை உயர்நீதிமன்றத்தில் மன நஷ்ட வழக்கு தொடர்ந்தார். இந்த வழக்கு விசாரணையில் உள்ளது. இந்நிலையில், மாதம்பட்டி ரங்கராஜ் நடுவராக இருக்கும் ‘குக்வித் கோமாளி’ நிகழ்ச்சியில் கோமாளிகளாக இருக்கும் குரேஷி மற்றும் புகழ் அவரை கலாய்த்து தள்ளி உள்ளனர்.
 
இது தொடர்பான வீடியோ சமூக வலைதளத்தில் வைரலாகி வருகிறது. அந்த வீடியோவில், பாட்டு நிகழ்ச்சி போன்று ஒரு டாஸ்க் உள்ளது. அதில், நடிகை பிரியா தொகுப்பாளினி போன்று உள்ளார். குரேஷி அவருக்கு போன் செய்து நான் பள்ளி பருவத்தில் ஒரு பெண்ணை காதல் செய்தேன். அந்த பெண் என் காதலுக்கு எதுவும் பதிலளிக்கவில்லை. 

Meendum Meendum #Madhampatty ai vechi Seiyum #Kureshi 🤣🤣 pic.twitter.com/VeNveRmo89

— VCD (@VCDtweets) September 22, 2025

தற்போது நான் கல்லூரியில் படிக்கிறேன் என்கிறார். அதற்கு பிரியா இந்த சூழ்நிலைக்கு ஏற்றவாறு பாடல் ஒன்று போடுகிறேன். உங்களுக்கு என்ன பாடல் வேண்டும் என்று சொல்லுங்கள் என்கிறார். அதற்கு குரேஷி இது எனக்காக இல்லை என் நண்பர் ஒருவன் காதலில் கைத்தேர்ந்தவர் அவருக்காக ‘டூ டுட்டூ டூ டுட்டூ’ பாடலை போடுங்கள் என்று சூசகமாக மாதம்பட்டியை கலாய்க்கிறார்.

அடுத்ததாக தொகுப்பாளர் ரக்‌ஷன், சமையல் கேட்டரிங் வைத்திருப்பவர் போன்ற கதாபாத்திரத்தில் வந்த புகழிடம் கல்யாண ஆடர்லாம் எப்படி போது என்று கேட்கிறார். அதற்கு புகழ் இப்போது ஆர்டர் எல்லாம் நமக்கு தான் வருது. முன்னாடி ஒருத்தரிடம் இருந்தது. இப்போது அது எல்லாம் நமக்கு தான் வருகிறது என்று கலாய்த்துள்ளார். இந்த வீடியோ சமூக வலைதளத்தில் வைரலாகி வருகிறது.