விஜய்க்கு படத்தில் உதவி; பகத் பாசிலுடன் அறிமுகம்: ரஜினி பட ரீமேக்கில் நடித்த இந்த நடிகை யார் தெரியுமா?

இந்த புகைப்படத்தில் காணப்படும்வர் ஒரு பிரபலமான மலையாள நடிகை. அவர் மலையாள சினிமாவில் மிகவும் பிரபலமானவராக இருந்தாலும், தமிழிலும் சில படங்களில் நடித்துள்ளார். குறிப்பாக, தமிழில் அவர் மூன்று படங்களுக்கும் குறைவாக மட்டுமே நடித்திருக்கிறார் – அதாவது இரு படங்களில் மட்டுமே நடித்துள்ளார்.

ஆனால், அந்த சிலவே படங்களின் வாயிலாகவே அவர் தமிழ்ப் பேசும் ரசிகர்கள் மத்தியில் பெரும் வரவேற்பைப் பெற்றுள்ளார். தமிழில் நடித்த படங்கள் குறைவாக இருந்தாலும், அவரது நடிப்பு, அழகு, மற்றும் தனித்துவமான பாணி காரணமாக அவர் ரசிகர்களின் மனங்களில் ஒரு நிலையான இடத்தைப் பிடித்துள்ளார்.

இந்த புகைப்படத்தில் உள்ளவர் வேறு யாரும் அல்ல, மலையாள மற்றும் தமிழ் சினிமா ரசிகர்களிடையே மிகவும் பரிச்சயமான நடிகை அபர்ணா தாஸ். இவர் "டாடா" என்ற தமிழ்த் திரைப்படத்தில் கதாநாயகியாக நடித்ததன் மூலம் தமிழ் திரையுலகில் தனக்கென ஒரு தனி இடத்தைப் பிடித்துள்ளார்.

'டாடா' திரைப்படம் ரஜினி மற்றும் ஸ்ரீதேவி நடித்த 'நான் அடிமை இல்லை' என்ற படத்தின் ஒரு அதிகாரப்பூரவம் இல்லாத ரீமேக் என்பது குறிப்பிடத்தக்கது. 

மலையாளம் மற்றும் தமிழ் திரைப்படத் துறைகளில், குறுகிய காலத்திலேயே தனது திறமையான நடிப்பும், தனித்துவமான எழிலும் மூலம், அபர்ணா தாஸ் ஒரு தனி முத்திரையைப் பதித்துள்ளார்.

அவரது திரைத்துறைப் பயணம் மலையாள சினிமாவிலேயே தொடங்கியது. புகழ்பெற்ற நடிகர் ஃபஹத் பாசில் நடித்த “ஞான் பிராக்ஷன்" என்ற திரைப்படம் மூலம் அபர்ணா தாஸ் திரைப்படத்துறையில் முதல்முறையாக அறிமுகமானார். அந்த படத்தில் அவருடைய நடிப்பு பார்வையாளர்களிடையே கவனம் ஈர்க்க ஆரம்பித்தது.

அதன்பின், தமிழ்த் திரைப்படத் துறையிலும் தனது பயணத்தை ஆரம்பித்தார். தமிழ் சினிமாவின் முன்னணி நடிகரான விஜய்யுடன், நெல்சன் இயக்கத்தில் உருவான “பீஸ்ட்” திரைப்படத்தில் சிறிய, ஆனால் கவனிக்கத்தக்க ஒரு கதாபாத்திரத்தில் நடித்திருந்தார்.

அந்த குறுகிய தோற்றம் கூட ரசிகர்கள் மனதில் நன்றாக பதிந்தது, மேலும் அவர் தமிழில் அதிக கவனம் பெற காரணமானது. இவ்வாறு, அபர்ணா தாஸ் தனது திறமையாலும், அழகான வருகையாலும், இரு மொழித் திரையுலகிலும் ரசிகர்களின் மனதில் இடம்பிடித்துப் போனார்.

தெலுங்கில், இவர் ”ஆதிகேசவா” படத்தின் மூலம் அறிமுகமானார். இதில் அவர் ஹீரோவின் சகோதரியாக நடித்தார். இதற்கிடையில் ”மஞ்சுமல் பாய்ஸ்” பட நடிகர் தீபக் பரம்போலை சமீபத்தில் அபர்ணா மணந்தார்.

இப்போது அவரது சிறு வயது புகைப்படம் ஒன்று வைரலாகி வருகிறது. அதில் மிகவும் கியூட்டாக இருக்கிறார்.