கோல்டன் கேர்ள் வித் கூலிங் க்ளாஸ்... கீர்த்தி சுரேஷ் க்ளிக்ஸ் வைரல்

தென்னிந்திய சினிமாவின் முன்னணி நடிகையாக வலம் வரும் கீர்த்தி சுரேஷ் சமீபத்தில் வெளியிட்டுள்ள சில புகைப்படங்கள் இணையத்தில் அதிக கவனத்தை ஈர்த்து வருகிறது.

ரஜினியுடன் நெற்றிக்கண் படத்தில் நடித்த நடிகை மேனகாவின் மகளாக திரைத்துறையில் அறிமுகமானவர் கீர்த்தி சுரேஷ், மலையாளத்தில் ஒரு சில படங்களில் நடித்த அவர், தமிழில் இது என்ன மாயம் படத்தின் மூலம் அறிமுகமானார்.

அதனைத் தொடர்ந்து, சிவகார்த்திகேயன், விஜய், தனுஷ் உள்ளிட்ட முன்னணி நடிகர்களின் படங்களில் நடித்த கீர்த்தி, சாவித்ரியின் வாழ்க்கை வரலாறு திரைப்படமாக மகாநடி படத்தில் நடித்திருந்தார்.

இந்த படத்தில் நடித்ததற்காக அவருக்கு சிறந்த நடிகைக்கான தேசிய விருது வழங்கப்பட்டது. அண்ணாத்த படத்தில் ரஜினிகாந்துக்கு தங்கையாக நடித்திருந்தார். இந்த படம் எதிர்பார்ப்பை பூர்த்தி செய்யவில்லை.

அதனைத் தொடர்ந்து சாணிகாகிதம் படத்தில் தனி நாயகியாக செல்வராகவனுடன் இணைந்து நடித்தார். இந்த படம் அவருக்கு பாராட்டுக்களை பெற்று கொடுத்தது.

சமீபத்தில் கீர்த்தி சுரேஷ் சிரஞ்சீவிக்கு தங்கையாக நடித்த போலோ சங்கர் திரைப்படம் வெளியானது. பெரும் எதிர்பார்ப்பை ஏற்படுத்தி இருந்தாலும் போலோ சங்கர் படம் ரசிகர்களை கவரவில்லை.

அதற்கு முன்பே வெளியான மாமன்னன் திரைப்படம் விமர்சன ரீதியாக பாராட்டுக்களை பெற்றிருந்தாலும் கீர்த்தி சுரேஷ் கேரக்டர் பாராட்டும்படி இல்லை என்று ரசிகாகள் கூறியிருந்தனர்.

தற்போது ரகுதாத்தா சைரன் உள்ளிட்ட படங்களில் நடித்து வரும் கீர்த்தி சுரேஷ் சமூகவலைதளங்களில் ஆக்டீவாக இருந்து வரும் நிலையில், தற்போது அவர் வெளியிட்டுள்ள புகைப்படங்கள் வைரலாகி வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“