ஒரு பாட்டுக்கு டான்ஸ் என்னால ஆட முடியாது; விஜய் படத்தை மறுத்த மீனா; அந்த ஹிட் பாடல் வந்தது எப்படி?

சமீபத்தில் நடிகை மீனா பிஹைன்வுட்ஸ்க்கு அளித்த பேட்டி ஒன்றில், தனது திரை வாழ்க்கையின் சுவாரஸ்யமான அனுபவங்களை பகிர்ந்து கொண்டார். மீனா தமிழ் சினிமாவில் ஒரு காலத்தில் முன்னணி நடிகையாக வலம் வந்தவர். தனது மூன்று வயதிலேயே குழந்தை நட்சத்திரமாக சினிமாவில் அறிமுகமானவர். "அன்புள்ள ரஜினிகாந்த்" படத்தில் குழந்தை நட்சத்திரமாக நடித்து, பலரது கவனத்தையும் ஈர்த்தார்.

பின்னர், ஹீரோயினாக "என் ராசாவின் மனசிலே" படத்தில் அறிமுகமாகி, ரசிகர்களின் மனதில் தனக்கென ஒரு இடத்தைப் பிடித்தார். ரஜினிகாந்த், கமல்ஹாசன், சரத்குமார், அஜித்குமார் என பல முன்னணி நடிகர்களுடன் இணைந்து நடித்துள்ளார். தமிழ் மட்டுமின்றி, தெலுங்கு, மலையாளம் மற்றும் கன்னட மொழிப் படங்களிலும் இவர் பிரபலமான நடிகை. இவரது இயல்பான நடிப்பு மற்றும் அழகான தோற்றம் இவரை ஒரு தலைசிறந்த நடிகையாக உயர்த்தியது.

இந்நிலையில் ரசிகர்களின் மனதில் ஆழமாக பதிந்த ஒரு கேள்வி, 'ஷாஜகான்' திரைப்படத்தில் இடம்பெற்ற "சரக்கு வச்சிருக்கேன்" என்ற பாடலுக்கு அவர் நடனமாடியது ஏன் என்பதுதான். மீனா, இந்த பாடலில் நடித்தது குறித்து மனம் திறந்து பேசினார். அந்த நேரத்தில், அவர் தமிழ், தெலுங்கு, மலையாளம் போன்ற மொழிகளில் பல படங்களில் பிசியாக நடித்துக் கொண்டிருந்தார். விஜய்யுடன் ஒரு முழு நீள கதாபாத்திரத்தில் நடிக்க அவருக்கு வாய்ப்புகள் வந்ததாகவும், ஆனால் படப்பிடிப்பு தேதிகள் ஒத்துப்போகாததால் அந்த வாய்ப்புகளை ஏற்க முடியவில்லை என்றும் அவர் வருத்தத்துடன் தெரிவித்தார்.

இருப்பினும், 'ஷாஜகான்' படக்குழுவினர் "சரக்கு வச்சிருக்கேன்" என்ற பாடலுக்கு நடனமாட வேண்டும் என மீனாவை வற்புறுத்தி கேட்டுக் கொண்டதால், அவர்களது வேண்டுகோளை ஏற்று அந்த ஒரு பாடலுக்கு மட்டும் நடனமாட ஒப்புக்கொண்டார். அந்த பாடலின் காட்சி அமைப்போ, அல்லது அவர் எப்படி ஆடப் போகிறார் என்பதோ அவருக்கு முன்னரே தெரியாது என்று அவர் குறிப்பிட்டார். ஆனால், அந்த பாடலில் விஜய்யுடன் இணைந்து போட்டி போட்டு நடனமாடியது மிகவும் மகிழ்ச்சியாக இருந்ததாக அவர் சிரித்துக் கொண்டே கூறினார்.

அவரு தான் எனக்கு பிடிச்ச Hero 😍Vijay-க்கும் எனக்கும் செம்ம Competition 😱

அவரு தான் எனக்கு பிடிச்ச Hero 😍Vijay-க்கும் எனக்கும் செம்ம Competition 😱 #thalapathy #vijay #thalapathyvijay #meena

Posted by Behindwoods on Monday, September 16, 2024

நடிகர் விஜய், மீனா மீது எப்போதும் ஒரு மதிப்பு வைத்திருந்தார். அதேபோல, மீனாவும் விஜய்யுடன் இணைந்து நடிப்பதை எப்போதும் விரும்பியிருக்கிறார். ஒரு முழுமையான கதாபாத்திரத்தில் இணைந்து நடிக்கும் வாய்ப்பு கிடைக்காதபோதிலும், அந்த ஒரு பாடலில் விஜய்யுடன் இணைந்ததன் மூலம் ரசிகர்களுக்கு ஒரு மறக்க முடியாத அனுபவத்தை கொடுத்துள்ளார் மீனா.