ஷோவில், நம்ம ஜாலியா இருக்கிறது வேற; தேவையில்லாம பேசாதீங்க; ராமருக்கு வார்னிங் கொடுத்த மைனா!

சின்னத்திரை ரசிகர்களின் உள்ளங்கவர்ந்த நிகழ்ச்சிகளைத் தொகுத்து வழங்கும் விஜய் டிவி நட்சத்திரங்களான ராமர், மைனா (நந்தினி), யோகி, ஈரோடு மகேஷ் மற்றும் ரோபோ சங்கர் ஆகியோர் இணைந்து ரசிகர்களை மகிழ்விக்க வந்தனர். சிரிப்புக்கு பஞ்சமில்லாத அந்த நிகழ்ச்சியில், திடீரென ஒரு பரபரப்பான திருப்பம் ஏற்பட்டது. இந்த வீடியோ பிஹைன்வுட்ஸ் டிவி யூடியூப் பக்கத்தில் வெளியாகியுள்ளது.

மைனா நந்தினிமற்றும்ராமர்இருவரும் இணைந்து பங்கேற்கும் நிகழ்ச்சிகள் எப்போதும் கலகலப்பாக இருக்கும். ஒருவரை ஒருவர் கிண்டல் செய்து, விளையாட்டாகப் பேசிக்கொண்டு, நகைச்சுவை உணர்வுடன் நிகழ்ச்சிகளை எடுத்துச் செல்வார்கள். இது அவர்களின் இயல்பான நட்பைப் பிரதிபலிக்கிறது.சில நேரங்களில், அவர்கள் ஒருவரையொருவர் "பிராங்க்" செய்து, பார்வையாளர்களுக்கு ஆச்சரியத்தையும் சிரிப்பையும் ஏற்படுத்துவார்கள். சமீபத்தில் ஒரு நிகழ்ச்சியில் மைனா, ராமர் மீது கோபப்பtடு பேசியுள்ளார்.  

நிகழ்ச்சியின் ஒரு கட்டத்தில், பிரபலமான நகைச்சுவை நடிகர் ராமர், மைனாவிடம் ஏதோ நகைச்சுவையாகப் பேசியிருக்கிறார். ராமர் பேசுவதைக் கேட்டதும், மைனா எதிர்பாராதவிதமாக கோபமடைந்தது போல நடந்துகொண்டார். "நம்ம ஜாலியா இருக்கிறது வேற; தேவையில்லாம பேசாதீங்க" என்று கடுமையாகப் பேசிய மைனா, உடனடியாக கோபத்துடன் அறையைவிட்டு வெளியேறினார். இதைக்கண்டு மேடையில் இருந்த அனைவரும் ஒரு கணம் அதிர்ச்சியில் உறைந்து போயினர். மைனாவின் இந்த கோபமான செயல், உண்மையாகவே நடந்ததா அல்லது நிகழ்ச்சியின் ஒரு பகுதியா என்று பார்வையாளர்கள் குழப்பமடைந்தனர்.

ஆனால், இந்த பரபரப்பான சூழ்நிலைக்குப் பின்னால் ஒரு நகைச்சுவையான திருப்பம் காத்திருந்தது. மைனாவைப் பின்தொடர்ந்து சென்ற ஈரோடு மகேஷ், அவரை சமாதானம் செய்ய முயன்றார். அப்போதுதான் மைனா, "இது ஒரு பிராங்க்" என்று கூறி, ராமர் அண்ணாவைப் பிராங்க் செய்யவே அப்படி நடித்ததாகத் தெரிவித்தார். ஈரோடு மகேஷ், ராமர் மற்றும் ரோபோ சங்கர் ஆகியோர் இணைந்து, மைனாவின் இந்த "பிராங்க்" நாடகத்தை மேலும் சுவாரஸ்யமாக்கினர். பின்னர், ஈரோடு மகேஷ் மைனாவை மீண்டும் அழைத்து வந்து, ராமர் மன்னிப்பு கேட்க வேண்டும் என்று நகைச்சுவையாகக் கலாய்த்தனர். மைனா உண்மையிலேயே கோபப்பட்டது போல நடந்துகொண்ட விதம், பார்வையாளர்களை திகைக்க வைத்தது.