ஜெயலலிதாவா? நித்யாவா? வித்தியாசம் தெரியாத அளவிற்கு மாறிய நித்யா மேனன்

Jayalalithaa biopic The Iron Lady : மறைந்த முன்னாள் முதல்வர் ஜெயலலிதா வாழ்க்கை வரலாறு படமாக உருவாகும் தி ஐயன் லேடி படத்தில் நித்யா மேனன் தோற்றம் ரிலீஸ் செய்யப்பட்டுள்ளது.

தமிழகத்தின் முதல்வராக இருந்த ஜெயலலிதா அவரது ஆட்சி காலத்திலேயே உடல்நலக் குறைவால் அப்பல்லோ மருத்துவமனையில் காலமானார். இவரின் மறைவுக்கு பிறகு இவரது வாழ்க்கை வரலாற்றை படமாக எடுக்க பல இயக்குநர்கள் ஆயத்தமாகி வருகின்றனர்.

Jayalalithaa biopic The Iron Lady :  தி ஐயன் லேடி போஸ்டர் : ஜெயலலிதா தோற்றத்தில் நித்யா மேனன்

இயக்குநர் மிஷ்கின் குழுவில் துணை இயக்குநராக பணியாற்றிய பிரியதர்ஷினி என்பவர் ஜெயலலிதாவின் வாழ்க்கை வரலாறு படத்தை தமிழ், தெலுங்கு, கன்னடன் மற்றும் ஹிந்தி என 4 மொழிகளில் இயக்குகிறார். ஜெயலலிதாவின் 2வது நினைவு தினத்தையொட்டி இன்று தி ஐயன் லேடி படத்தின் போஸ்டர் வெளியிடப்பட்டது.

இப்படத்தின் இயக்குநர் பிரியதர்ஷினி இப்போஸ்டரை வெளியிட்டார். இதில் நித்யா மேனன் தான் ஜெயலலிதாவாக நடிக்கிறார் என்பது உறுதியாகியுள்ளது. மேலும் இந்த போஸ்டரில் நித்யா மேனன் வித்தியாசம் தெரியாத அளவிற்கு ஜெயலலிதா தோற்றத்தில் இருக்கிறார் நித்யா மேனன்.