ஹ்ட்ஸ்பாட் கனெக்ட் பண்ணிக்கோ, இப்போவே போன்‌பண்ணு; ரசிகரிடம் பேச ஆர்வமாக அஜித் செய்த வேலை!

தனது நடிப்பு திறமையால் தமிழ் ரசிகர்களை கவர்ந்தவர் நடிகர் அஜித் குமார். இவர் நடிப்பது மட்டுமல்லாமல் கார் ரேஸ், பைக் ரேஸில் கலந்து கொண்டு வருகிறார். சமீபத்தில் துபாயில் நடைபெற்ற கார் ரேஸில் அஜித் குழு வெற்றி பெற்றது.

நடிகர் அஜித்தை ‘தல’ என்று ரசிகர்கள் அழைக்கின்றனர். இவருக்கு பல விபத்துகள் நடந்துள்ளது இருந்தாலும் பைக் மற்றும் கார் ரேஸில் தொடர்ந்து ஆர்வம் காட்டி வருகிறார். சமீபத்தில் இயக்குநர் ஆதிக் ரவிச்சந்திரன் இயக்கத்தில் அஜித் நடிப்பில் ‘குட் பேட் அக்லி’ திரைப்படம் வெளியானது.

இந்த படத்தில் திரிஷா, சிம்ரன், அர்ஜுன் தாஸ், பிரியா வாரியர் உட்பட பலர் முக்கிய கதாபாத்திரத்தில் நடித்திருந்தனர். இப்படம் வெளியாகி ரசிகர்கள் மத்தியில் நல்ல வரவேற்பை பெற்றது. அதிலும், இந்த படத்தில் பயன்படுத்தப்பட்ட ‘தொட்டு தொட்டு பேசும் சுல்தானா’ பாடல் ரசிகர்களை 90-ஸ் காலக்கட்டத்திற்கு பயணம் செய்ய வைத்தது.

இப்படி நல்ல விமர்சனங்களை பெற்ற ‘குட் பேட் அக்லி’ திரைப்படத்தில் தனது அனுமதியில்லாமல் பாடல்களை பயன்படுத்தியுள்ளதாக இசையமைப்பாளர் இளையராஜா வழக்குத் தொடர்ந்தார். இதனால், இப்படம் நெட்பிளிக்ஸ் ஓடிடி தளத்தில் இருந்து நீக்கப்பட்டது. இப்படி ‘குட் பேட் அக்லி’ திரைப்படம் பல சிக்கல்களை சந்தித்து வருகிறது.

இந்நிலையில், நடிகர் அஜித் குறித்து நடிகை பிரியா வாரியர் மனம் திறந்துள்ளார். அவர் பேசியதாவது, ”எனது மாமா மிகப்பெரிய அஜித் ரசிகர். அவரை அஜித்திடம் பேச வைக்க வேண்டும் என்ற ஆசை இருந்தது. என் மாமா வாட்ஸ் அப் ஆரம்பித்த காலம் முதல் ஸ்டேடஸில் ‘தல போல வருமா’ என்று தான் வைத்திருக்கிறார். எனக்கு இவர்கள் இரண்டு பேரையும் பேச வைக்க வேண்டும் என்று ரொம்ப ஆசையாக இருந்தது. 

நான் அஜித் சாரிடம் சென்று சொன்னேன் என் மாமா உங்கள் மிகப்பெரிய ரசிகர் நீங்கள் ஓய்வெடுக்கும் போது சொல்லுங்கள் நான் வீடியோ கால் பண்றேன் இரண்டு வார்த்தை பேசினால் போதும் என்றேன். அதற்கு அஜித் சார் இப்பவே பண்ணுங்க வைஃபை கனெக்ட் பண்ணிக்கோங்க, ஹாட் ஸ்பாட் கனெக்ட் பண்ணிக்கோங்க என்று சொன்னார். 

அது மிகவும் அழகான தருணமாக இருந்து.ஸ்பெயினில் படப்பிடிப்பு நடந்து கொண்டிருந்ததால் என் போனில் இண்டர்நெட் இல்லை” என்றார். பொதுவாக நடிகர் அஜித் எந்த நிகழ்ச்சிகளிலும் கலந்து கொள்வதில்லை. ஆனால், ரசிகர்கள் தன்னை பார்க்க வரும் பொழுது அவர் பார்க்க மறுத்ததில்லை.