ஹேமா கமிட்டி: ‘ஒவ்வொரு ஹீரோயினுக்கும் ஒரு கதை இருக்கு, ஒவ்வொரு ஹீரோவுக்கும் தெரியும்’: ராதிகா சரத்குமார் ஓபன் டாக்!

நீதிபதி ஹேமா கமிட்டி அறிக்கை மலையாளத் திரையுலகில் பணிபுரியும் பெண்கள் எதிர்கொள்ளும் பிரச்சனைகள் குறித்து கவனம் செலுத்தியதையடுத்து, தமிழ் மற்றும் தெலுங்குத் துறைகளிலும் கவனம் திரும்பியுள்ளது. மேலும், பெண்கள் பாதுகாப்புப் பிரச்சினையில் மௌனம் கலைக்குமாறு தமிழ் சினிமாவின் மூத்த நடிகை ராதிகா சரத்குமார் தனது சக நடிகர்களை வலியுறுத்தினார்.

ஆங்கிலத்தில் படிக்க: ‘Every heroine has a story, every hero knows’: Actor Radhika Sarathkumar calls for accountability in Tamil film industry amid Hema panel revelations

ஹேமா கமிட்டி அறிக்கை குறித்து தனக்கு எதுவும் தெரியாது என்று சூப்பர் ஸ்டார் ரஜினிகாந்த் சமீபத்தில் கூறியது குறித்த கேள்விக்கு பதிலளித்த நடிகை ராதிகா, “ரஜினிகாந்த் அது பற்றி தெரியாது என்று சொன்னால், அவருக்கு தெரியாது என்றுதான் அர்த்தம்” என்று கூறினார்.

இருப்பினும், நடிகை ராதிகா மேலும் கூறினார்: “நான் உங்களுக்கு (சினிமா இண்டஸ்ட்ரிய்ஹில் உள்ள ஆண்கள்) சொல்கிறேன், உங்கள் மௌனம் தவறாகிவிடும். ‘நான் ஏன் இதைப் பற்றிப் பேச வேண்டும்’ அல்லது ‘எப்படிப் பேச வேண்டும்’ என்று நீங்கள் நினைத்தால், அது கடினமான விஷயம் அல்ல என்பதைச் சொல்லிவிடுகிறேன். ‘பெண்களின் பாதுகாப்பை உறுதி செய்ய எல்லா உதவிகளையும் செய்கிறேன்...’ என்று கூறுங்கள்” என்று வலியுறுத்தினார்.

“இந்த அமைப்பில் எந்த ஹீரோயின்கள் பாதிக்கப்படுகிறார்கள் என்பது ஒவ்வொரு ஹீரோவுக்கும் தெரியும். ஒவ்வொரு நடிகருக்கும், இயக்குனருக்கும் தெரியும். ஆனால், ஆண்கள் ஒற்றுமையாக இந்த ஒரு வாக்கியத்தை உச்சரித்தால், அது அனைத்து பெண்களுக்கும் ஒரு தற்காலிக நிவாரணமாக இருக்கும்” என்று நடிகை ராதிகா கூறினார்.

தமிழ் சினிமாவில் உள்ள பல நடிகர்களுக்கு அரசியலில் ஆசை இருப்பதாக அவர் சுட்டிக்காட்டினார். “நீங்கள் அனைவரும் மக்களுக்காக நின்று பேச ஆசைப்படுகிறீர்கள், இல்லையா? உங்கள் சக பெண் நடிகைகளுக்காக நீங்கள் ஏன் பேசவில்லை?” என்று நடிகை ராதிகா கேள்வி எழுப்பினார்.

தொழில்துறையின் நிலைமை வெளித்தோற்றத்தில் மேம்பட்டுள்ளது என்று நடிகை ராதிகா கூறினார், ஆபத்து காரணிகள் முன்பு போல் அதிகமாக இல்லை என்று தெரிவித்தார். இருப்பினும், பாதுகாப்பு இன்னும் முக்கியமானது, குறிப்பாக நடனக் கலைஞர்கள் மற்றும் குணச்சித்திர நடிகர்களுக்கு பாதுகாப்பு முக்கியமானது என்று நடிகை ராதிகா கூறினார்.

“தயாரிப்பாளர்கள் அவர்களை கவனித்துக் கொள்ள வேண்டும். அவர்களுக்கு மோசமான அனுபவம் இருந்தால் புகார் அளிக்க வருமாறு கூற வேண்டும். ஐந்து ஆண்டுகளுக்குப் பிறகு பெண்கள் ஏன் புகார் அளிக்கிறார்கள் என்று இல்லையெனில், ஆண்கள் மிகவும் பொதுவான கேள்வியைக் கேட்பார்கள்” என்று நடிகை ராதிகா கூறினார்.

மேலும், “ஒரு பெண்ணின் வலியை யார் புரிந்துகொள்வார்கள்? அந்த 5 வருடங்களில் அவள் அனுபவித்த வலிகள், குடும்பத்தை நடத்தும் பொறுப்புகள்... எல்லாத் துறைகளிலும் உள்ள பெண்களுக்கு - வீட்டு உதவியாளர்கள், தகவல் தொழில்நுட்ப வல்லுநர்கள் அல்லது சிறந்த சமையல்காரர்கள் - எல்லா பணியிடங்களிலும் பாதுகாப்பு இருக்க வேண்டும்.” என்று நடிகை ராதிகா வலியுறுத்தினார்.

பல நடிகர்கள் தங்கள் வார்த்தைகள் தவறாகக் குறிப்பிடப்படலாம் அல்லது தலைப்புச் செய்திகளுக்காக திரித்துக் கூறப்படலாம் என்ற அச்சம் காரணமாக ஊடகங்களில் பேசத் தயங்குவதாகவும் அவர் கூறினார்.

சில நாட்களுக்கு முன்பு, ராதிகா ஒரு மலையாளத் திரைப்பட செட்டில், தனது நேரத்தில் ஒரு குழப்பமான அனுபவத்தைப் பகிர்ந்து கொண்டார். அங்கு பெண் நடிகர்கள் உடை மாற்றுவதற்குப் பயன்படுத்தும் கேரவன்களில் ரகசிய கேமராக்கள் வைக்கப்பட்டதாகக் கூறப்பட்டது என்றார்.

திரைப்பட செட்டில் பாதுகாப்பை உறுதிப்படுத்த சட்டம் மற்றும் சட்ட அமலாக்க வல்லுநர்களை உள்ளடக்கிய, கார்ப்பரேட் அமைப்புகளில் மனித வள (எச்.ஆர்) துறைகளைப் போலவே வலுவான குழுக்களை நிறுவுவதற்கு அவர் அழைப்பு விடுத்தார். “நாங்கள் ஆதரவற்ற பெண்கள் அல்ல. நாங்கள் வலிமையான பெண்கள். ஆனால், இங்கு பணிபுரியும் அனைத்து பெண்களுக்கும் பாதுகாப்பு இருக்க வேண்டும்” என்று நடிகை ராதிகா கூறினார்.

நடிகர் ஜீவா சமீபத்தில் இது குறித்த கேள்விகளை நிராகரித்தார்:  “தமிழ் சினிமா துறையில் எந்த பிரச்சனையும் இல்லை, கேரளாவில் மட்டுமே உள்ளது” என்று கூறினார். அதே நேரத்தில், தமிழ் சினிமாவில் பெண்களின் பிரச்னைகள் குறித்து ஆய்வு செய்ய குழு அமைக்கப்படும் என்று நடிகர் விஷால் தெரிவித்துள்ளார்.

தமிழ் சினிமாவின் மிகப்பெரிய நட்சத்திர நடிகர் சூப்பர் ஸ்டார் ரஜினிகாந்த், ஹேமா கமிட்டி அறிக்கை பற்றி தெரியாது என்று கூறினார்.

ஹேமா கமிட்டி அறிக்கை வெளியீடு மற்ற தீர்க்கப்படாத குற்றச்சாட்டுகள் பற்றிய விவாதங்களை மீண்டும் தூண்டியுள்ளது. பாடகி சின்மயி ஸ்ரீபாதா, தனக்கு நேர்ந்த துன்புறுத்தல் அனுபவங்கள் குறித்து, சமூக வலைதளங்களில், தமிழ் சினிமாவில் நிலவும் பிரச்னைகளை மக்களுக்கு நினைவூட்டுவதற்காக எடுத்துக்கொண்டார். பல பெண்களிடம் தவறாக நடந்து கொண்டதாக குற்றம் சாட்டப்பட்ட ஒரு முக்கிய பாடலாசிரியர், சினிமா துறையில் உள்ள சக்திவாய்ந்த நபர்களால் தொடர்ந்து பாதுகாக்கப்படுகிறார் என்று அவர் குற்றம் சாட்டினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“