'இப்படி ஒரு நாள் வரும் என நான் கனவே காணவில்லை': ரஜினிகாந்த் பற்றி ஐஸ்வர்யா எமோஷனல்

தனுஷ் நடித்த '3' படத்தின் மூலம் இயக்குநராக அறிமுகமான சூப்பர் ஸ்டார் ரஜினிகாந்தின் மகள் ஐஸ்வர்யா ரஜினிகாந்த் தற்போது விஷ்ணு விஷால் மற்றும் விக்ராந்த் முக்கிய வேடங்களில் நடிக்கும் 'லால் சலாம்' படப்பிடிப்பில் இருக்கிறார்.

இப்படத்தின் படப்பிடிப்பு தற்போது மும்பையில் நடைபெற்று வரும் நிலையில், ஐஸ்வர்யா ரஜினிகாந்த் தனது தந்தையை இயக்குவது குறித்த உணர்ச்சிகரமான பதிவு பகிர்ந்துள்ளார்.

இந்த திரைப்படம் கிரிக்கெட் சார்ந்த நாடகம் என்று கூறப்படுகிறது, படத்தில் விஷ்ணு விஷால் கிரிக்கெட் வீரராக நடிக்கிறார்.

படத்தின் செட்டில் இருந்து சூப்பர் ஸ்டார் ரஜினிகாந்தின் படத்தைப் பகிர்ந்து கொண்ட ஐஸ்வர்யா ரஜினிகாந்த், "நான் உன்னைப் பார்க்கிறேன்.. உன்னுடன் படம் எடுக்கும் ஒரு நாள் வரும் என்று நான் நினைத்துப் பார்த்ததில்லை.. நான் உன்னைப் பாராட்டுகிறேன்.. நான் உன்னை வணங்குகிறேன்.. சில சமயங்களில். நான் உன்னைப் பார்க்கிறேன்.. பெரும்பாலான நேரங்களில் நான் உன்னுடன் உலகத்தைப் பார்க்கிறேன்.. நான் உணர்கிறேன்.. நான் நீதான்.. ஒவ்வொரு நாளும் அப்பா.. மேலும் மேலும் நான் உன்னை காதலிக்கிறேன்," என்றார்.

2023ல் பல மொழிகளில் ஒரே நேரத்தில் வெளியாகும் என எதிர்பார்க்கப்படும் இப்படத்திற்கு, ஏ ஆர் ரஹ்மான் இசையமைக்கிறார். ஜீவிதா ராஜசேகர் 33 ஆண்டுகளுக்குப் பிறகு மீண்டும் நடிகையாக வரும் 'லால் சலாம்' படத்தில் முக்கிய வேடத்தில் நடிக்கிறார். இந்த படத்தில் ரஜினியின் தங்கையாக நடிப்பதாக கூறப்படுகிறது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil