அஜித் எங்க அம்மாவுக்கு ப்ரண்ட், நான் ஷாட்க்கு போனா அவங்க பேசிட்டே இருப்பாங்க; பிரபல நடிகை ஓபன் டாக்!

ஒரு காலத்தில் தமிழில் பிரபல நடிகையாக வலம் வந்தவர் நடிகை பாவனா. இவர் ‘சித்திரம் பேசுதடி’ திரைப்படத்தின் மூலம் தமிழ் சினிமாவில் அறிமுகமானார். பின்னர், ‘அசல்’, ‘ஜெயம்கொண்டான்’, ‘வாழ்த்துக்கள்’, ‘தீபாவளி’, ‘வெயில்’ போன்ற பல திரைப்படங்களில் நடித்து ரசிகர்கள் மனதில் இடம்பிடித்தார்.

நடிகை பாவனா, மலையாளம், கன்னடம் போன்ற பல மொழி படங்களிலும் தொடர்ந்து நடித்து வருகிறார். அஜித் நடிப்பில் வெளியான ‘அசல்’ படத்திற்கு பிறகு நடிகை பாவனா தமிழில் நடிக்கவில்லை. என்ன தான் தமிழ் படத்தில் அவர் நடிக்கவில்லை என்றாலும் பாவனா என்றால் ரசிகர்கள் முகத்தின் புன்னகை ஏற்படும் அளவிற்கு ஒரு தாக்கத்தை ஏற்படுத்திவிட்டு தான் சென்றிருக்கிறார்.

அண்மையில், இந்துஸ்தான் டைம்ஸ் தமிழ் சேனலுக்கு பேட்டியளித்த நடிகை பாவனா, ‘அசல்’ திரைப்படம் தான் தமிழில் எனது கடைசி திரைப்படம் என்று நான் நினைக்கவில்லை. தமிழில் ஏன் எனக்கு பட வாய்ப்புகள் வரவில்லை என்றும் தெரியவில்லை. 

என்னை பார்க்கும் பல இயக்குநர்கள் அந்த கதைக்கு உங்களை தான் தேர்வு செய்து வைத்திருந்தேன். ஆனால் எப்படி தொடர்பு கொள்வது என்று தெரியாமல் விட்டுவிட்டேன் என்று கூறினார்கள் என்றார். இந்நிலையில் நடிகை பாவனா ‘அசல்’ படத்தின் அனுபவம் குறித்து நேர்காணல் ஒன்றில் தெரிவித்துள்ளார்.

அவர் பேசியதாவது, “அசல் திரைப்படம் பண்ணும் பொழுது என் அம்மா என்னுடன் எப்போதும் இருப்பார். நான் எனது காட்சியை முடித்து விட்டு வரும் போது என் அம்மாவும் அஜித் சாரும் பேசிட்டே இருப்பாங்க. 
எங்க அம்மாக்கு மலையாளம் மட்டும் தான் தெரியும். ஆனாலும், இரண்டு பேரும் பேசிக்கிட்டே இருப்பாங்க.

அஜித் சார் ஒரு நல்ல மனிதர். நான் ஒரு காட்சி நன்றாக செய்தால் என்னை அழைத்து பாராட்டுவார். 
அப்பறம் நடிகை மஞ்சு வாரியர் கூட நடிகர் அஜித் நடிக்கும் பொழுது அவரிடம் கேட்டுள்ளார். பாவனா எப்படி இருக்காங்க? பேசி ரொம்ப நாள் ஆகிவிட்டது. வர சொல்லுங்கள் ஒரு நாள் எல்லோரும் பார்க்கலாம் என்று கூறியுள்ளார். 

அதன்பிறகு நான் சென்று அஜித் சாரை சந்தித்தேன். நான் கன்னட படம் ஒன்றின் படப்பிடிப்பிற்காக அஜர்பைஜான் சென்றிருந்தேன். அங்கே அஜித் சார் ’விடாமுயற்சி’ படப்பிடிப்பிற்காக வந்திருந்தார். நான் இருந்த ஓட்டலில் தான் அவரும் இருந்தார். அப்படி சந்தித்தோம்” என்றார்.