அலை மோதும் ரசிகர் கூட்டம்... வசூல் வேட்டை நடத்தும் 'அமரன்'

தீபாவளியன்று சிவகார்த்திகேயன், சாய்பல்லவி நடிப்பில் உலகநாயகன் கமல் ஹாசனின் ராஜ்கமல் நிறுவனம் தயாரிப்பில் வெளியான திரைப்படம் தான் அமரன். மேஜர் முகுந்த் வரதராஜன் வாழ்க்கையை மையமாக வைத்து எடுக்கப்பட்ட இப்படத்தை இயக்குனர் ராஜ்குமார் பெரியசாமி இயக்கினார்.

உலகளவில் சுமார் 900-க்கும் மேற்பட்ட திரையரங்குகளில் 'அமரன்' திரைப்படம் வெளியான நிலையில் படம் பல்வேறு பிரபலங்கள் மற்றும் ரசிகர்களின் பாராட்டுகளை பெற்றுள்ளது. ராணுவ வீரரின் வாழ்க்கை கதையை படமாகக் கொண்டுள்ளதால் இப்படம் இந்திய அளவில் பெரும் வரவேற்பு பெற்றுள்ளது.

மேலும், ரசிகர்களிடம் கிடைத்த வரவேற்பால் இப்படம் இந்த வார முடிவில் ரூ.120 கோடியைத் தாண்டும் எனவும் தயாரிப்பு நிறுவனம் கணக்கிடப்பட்டுள்ளது. அமரன் திரைப்படம் தமிழ்நாடு மட்டுமின்றி கேரளா, ஆந்திரா மாநிலங்களிலும் நல்ல வரவேற்பை பெற்று வருகிறது. 

படம் வெளியானபோது தொடர்ந்து 4 நாட்கள் பொது விடுமுறை என்பதால் நல்ல வசூலை பெற்றுள்ளது. இப்படத்திற்கான டிக்கெட் முன்பதிவிலேயே அதிக வசூல் ஆகியிருந்தது.

திரைப்படம் வெளியாகி இரண்டு நாட்களிலேயே ரசிகர்கள் மத்தியில் படம் நல்ல வரவேற்பை பெற்றுள்ளது. இந்நிலையில் அமரன் படம் இரண்டு நாட்களில் தமிழ்நாட்டில் செய்துள்ள வசூல் குறித்த தகவல் வெளியாகி உள்ளது.  

அமரன் படம் இரண்டு நாட்களில் தமிழ்நாட்டில் மட்டும் ரூ. 31 கோடிக்கும் மேல் வசூல் செய்துள்ளது. மேலும் தமிழகத்தில் இதுவரை சிவகார்த்திகேயன் நடித்த படங்களிலேயே எந்த படத்திற்கும் இல்லாத வரவேற்பு இப்படத்திற்கு கிடைத்துள்ளது என்பது குறிப்பிடத்தக்கது.

முதல் நாளிலேயே அமரன் படம் தமிழ்நாட்டில் ரூ. 16.5 கோடி வரை வசூல் செய்திருந்தது. இந் நிலையில் இரண்டு நாட்கள் முடிவில் ரூ. 31 கோடிக்கும் அதிகமாக வசூல் செய்துள்ளது. 

அமரன் திரைப்படம் முதல் நாளிலேயே இந்தியாவில் சுமார் ரூ. 21.40 கோடி வசூல் செய்திருந்த நிலையில் படத்தின் உலகளாவிய பாக்ஸ் ஆபிஸ் வசூல் ரூ. 34.70 கோடி ஆகும். அமரன் வெளிநாடுகளில் மட்டும் 10 கோடி ரூபாயும் இந்திய அளவில் 24.70 கோடியும் வசூல் செய்துள்ளது.