ஹுகும் பாட்டை முந்தவே மாட்ட நினைத்தேன்; பவர்ஹவுஸ் பாட்டுக்கு ரஜினி ரியாக்ஷன்; அனிருத் ஓபன் டாக்!

சமீபத்தில் வெளியான கூலி படத்தின் "பவர்ஹவுஸ்" பாடல், ஜெயிலர் படத்தின் "ஹுகும்" பாடலுடன் ஒப்பிடப்பட்டு ரசிகர்களால் பேசப்படுகிறது. அதை பற்றி அனிருத் என்ன கூறியுள்ளார் என்று பார்ப்போம்.

சமீபத்தில் வெளியான கூலி படத்தின் "பவர்ஹவுஸ்" பாடல், ஜெயிலர் படத்தின் "ஹுகும்" பாடலுடன் ஒப்பிடப்பட்டு ரசிகர்களால் பேசப்படுகிறது. அதை பற்றி அனிருத் என்ன கூறியுள்ளார் என்று பார்ப்போம்.

author-image
WebDesk
New Update
download (1)

தமிழ் சினிமாவில் உச்சநட்சத்திரமாக வலம் வருபவர் நடிகர் ரஜினிகாந்த். இவர் தற்போது முன்னணி இயக்குநரான லோகேஷ் கனகராஜுடன் கைகோர்த்துள்ளார். இவர்களது கூட்டணியில் உருவாகியுள்ள 'கூலி' படம் நடிகர் ரஜினியின் 171-வது படம் ஆகும். இப்படத்தை சன் பிக்சர்ஸ் தயாரிக்க அனிருத் இசைமைத்துள்ளார்.

Advertisment

கூலி படத்தின் பாடல்கள் அனைத்தும் பட்டிதொட்டி எங்கும் பட்டையைக் கிளப்பி வருகிறது. அதேநேரத்தில், படம் வருகிற 14 ஆம் தேதி திரையரங்குகளில் வெளியாகுவதால் படத்தின் மீதான ரசிகர்களின் எதிர்பார்ப்பு எகிறியுள்ளது. இப்படத்தில் நாகர்ஜுனா, சத்யராஜ், சோபின் ஷாஹிர், ஷ்ருதி ஹாசன், ரீபா மொனிகா ஜான் என பெரும் நடிகர்கள், நடிகைகள் பட்டாளமே நடித்துள்ளனர்.

இந்நிலையில், 'கூலி' படத்தின் 'பவர்ஹவுஸ்' பாடலைக் கேட்ட பிறகு நடிகர் ரஜினிகாந்த் மிகவும் ஈர்க்கப்பட்டதாக அனிருத் உற்சாகமாக தெரிவித்து இருக்கிறார். இது பற்றி அனிருத் பேசுகையில், "நீ 'ஹுகும்' பாட்டை முந்தவே மாட்ட நினைத்தேன். ஆனால் 'பவர்ஹவுஸ்' மூலம் நீ அதை மீண்டும் செய்துள்ளாய்" என்று ரஜினிகாந்த் கூறியிருக்கிறார். அவரின் இந்த ரியாக்சன் படத்தின் மீதும், படத்தின் இசையின் மீதும் ரசிகர்கள் வைத்திருக்கும் ஆர்வத்தை மேலும் அதிகரித்துள்ளது.

அனிருத் இயக்குநர் லோகேஷ் கனகராஜுடன் பேசியது பற்றி கூறுகையில், "இரண்டு நாட்களுக்கு முன்பு, நான் லோகியுடன் (லோகேஷ் கனகராஜ்) பேசிக்கொண்டிருந்தேன். இதுவரை மூன்று பாடல்களை மட்டுமே வெளியிட்டிருக்கிறோம், நட்சத்திரங்களின் பின்னணி காட்சிகளை மட்டுமே காட்டியுள்ளோம். ஆனாலும் பரபரப்பு உச்சத்தில் உள்ளது" என்று அவர் தெரிவித்துள்ளார்.

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: