தி இந்தியன் எக்ஸ்பிரஸ் வீடியோ

குடியுரிமை திருத்த சட்டத்தை எதிர்த்து தொடரப்பட்டுள்ள, 143 மனுக்கள் மீதான விசாரணையை, ஐந்து நீதிபதிகள் அடங்கிய அரசியல் சாசன அமர்வுக்கு மாற்றி, உச்ச நீதிமன்றம் உத்தரவிட்டுள்ளது. இந்த சட்டத்தை எதிர்த்து தொடரப்பட்டுள்ள வழக்குகளை விசாரிக்க, அனைத்து உயர் நீதிமன்றங்களுக்கும் தடை விதிக்கப்பட்டுள்ளது. இப்பிரச்னையில் அனைத்து தரப்பும் அமைதி காக்க வேண்டும் என்றும் உத்தரவிடப்பட்டுள்ளது.

சென்னை விமான நிலையத்தில் பிவிஆர் சினிமாஸ் 5 திரையரங்குகளை கட்ட உள்ளன. சென்னை விமான நிலையத்தில் தற்போது கட்டப்பட்டு வரும் பல அடுக்கு கார் பார்க்கிங் கட்டடத்தில் பி.வி.ஆர் சினிமாஸ்ஸின் திரையரங்குகள் கட்டப்பட உள்ளன.

விமான நிலையத்தில், ஒலிம்பியா குரூப் சுமார் ரூ.250 கோடி செலவில் இந்த திரையரங்குகளை அமைக்கிறது. இந்த திரையரங்குகளில் ஹோட்டல்கள், குளிர்பானக் கடைகளும் அமைய உள்ளன. பிவிஆர் சினிமாஸ் ஒலிம்பியா குரூப்புடன் ஒப்பந்தம் செய்து இந்த திட்டத்தை செயல்படுத்த உள்ளது.

இந்த 5 திரையரங்குகளிலும் சுமார் 1000 அமர்ந்து பார்க்கக் கூடிய வகையில் கட்டப்பட உள்ளன. சென்னை விமான நிலையத்தில் திரையரங்குகள் என்ற திட்டம் 2021-ம் ஆண்டு மத்தியில் நடைமுறைக்கு வரும் என்று எதிர்பார்க்கப்படுகிறது.

அதனால், 2021-க்குப் பிறகு சென்னை விமான நிலையத்தில் உங்களுடைய விமானம் தாமதமாதமாக வந்தாலோ, உங்களுடைய விருந்தினர் வரும் விமானம் தாமதமாக வந்தாலோ மணிக்கணக்கில் காத்திருக்க வேண்டுமே என்று கவலைப்பட வேண்டாம். விமான நிலையத்தில் விரைவில் திரையரங்குகள் வர உள்ளது. காத்திருக்காமல ஜாலியாக சினிமா பாருங்கள்.

ரஜினியின் இந்தப் பேச்சு பெரிய சர்ச்சயை ஏற்படுத்தியது. சேலம் மாநாட்டில், ரஜினி கூறியது போன்ற சம்பவம் நடைபெறவில்லை. அந்த நிகழ்வை ரஜினி தவறாக மாற்றி சொல்கிறார் என்று கூறிய திராவிட இயக்கத் தலைவர்கள் கொளத்தூர் மணி, கோவை ராமகிருஷ்ணன், விசிக தலைவர் திருமாவளவன் ஆகியொர் ரஜினி மன்னிப்பு கேட்க வேண்டும் என்று வலியுறுத்தினர்.

இந்த நிலையில், செவ்வாய்க்கிழமை செய்தியாளர்களிடம் பேசிய ரஜினி, “பெரியார் குறித்து நான் கூறியது சர்ச்சையாகி இருக்கிறது. நான் கூறியது தவறானது இல்லை. 1971-இல் சேலம் திக பேரணி சம்பவம் பற்றி ஹிந்து குரூப்பில் இருந்து வரும் அவுட்லுக் பத்திகையில் செய்தி வெளிவந்துள்ளது. அதனால், நான் மன்னிப்பு கேட்க மாட்டேன்” என்று கூறினார்.

ரஜினிகாந்த் தான் கூறியதற்கு அவுட்லுக் பத்திகையின் ஆதாரம் காட்டியதோடு மன்னிப்பு கேட்கமாட்டேன் என்று கூறியது மேலும் சர்ச்சையை ஏற்படுத்தியது.

1971-இல் சேலத்தில் பெரியார் நடத்திய பேரணி பற்றி ரஜினி காட்டிய ஆதாரம் ரஜினி ஆதரவாளர்கள் உண்மையென்றும் அவர் காட்டிய ஆதாரம் தவறானது; ரஜினியின் பேச்சில் நிறைய முரன்பாடுகள் உள்ளன என்று திராவிட இயக்கத்தவர்களும் பெரியாரிஸ்ட்களும் முற்போக்காளர்களும் வாதிட்டு வருகின்றனர்.

உண்மையில், பெரியார் 1971-இல் சேலத்தில் நடத்திய திராவிடர் கழகத்தின் பேரணியில் என்னதான் நடந்தது? இரு தரப்பினரும் முன்வைக்கும் வரலாற்றில் பதிவான பதிவுகள் என்ன? என்பதை இந்த செய்தித் தொகுப்பில் பார்க்கலாம்.

துக்ளக் ஆதாரத்தை காட்டுங்க ரஜினி #கொளத்தூர்மணி விளாசல் https://t.co/edWxlBns6F

— கொளத்தூர் மணி (@kolathur_mani) January 21, 2020

திராவிடர் விடுதலைக் கழகத் தலைவர் கொளத்தூர் மணி ஒரு காணொலியில், “துக்ளக் ஏட்டின் 50வது ஆண்டு விழாவில் நடிகர் ரஜினி உரையாற்றுகிறபோது, 1971-ம் ஆண்டு ஜனவரி இறுதி வாரத்தில் நடந்த மூடநம்பிக்கை ஒழிப்பு மாநட்டுப் பேரணி குறித்து சில தவறான தகவல்களை பதிவு செய்துள்ளார். அவர் ராமர், சீதை படங்கள் உடைகள் இல்லாமல் செருப்பு மாலை அணிவித்து எடுத்து வரப்பட்டது. அதை யாரும் வெளியிட தயங்கியபோது சோதான் துணிச்சலாக வெளியிட்டார். அதனால், 10 ரூபாய் விற்கக்கூடிய அந்த பத்திரிகை அரசால் பறிமுதல் செய்யப்பட்டுவிட்டது. 10 ரூபாய்க்கு விற்கும் அந்த பத்திரிகை 50 ரூபாய்க்கு பிளாக் மார்க்கெட்டில் விற்பனை செய்யப்பட்டது. அதன் மீது கடும் எதிர்ப்புகள் வந்த பின்னால், அவர் அளித்த பேட்டியில், ஹிந்து குரூப்பைச் சேர்ந்த அவுட்லுக் பத்திகையில் 2017 ஆம் ஆண்டு வெளியான செய்தியில் அதற்கான ஆதாரம் இருப்பதாக செய்தியாளர்களிடம் மந்திரவாதியைப் போல வேகமாகக் கையாட்டிக் காட்டிவிட்டு பையில் வைத்துக்கொள்கிறார். அதில் அது குறித்த பதிவுகள் இருக்கிறது என்று கூறுகிறார்.

1971-ம் ஆண்டு நடந்த மூடநம்பிக்கை பேரணியில், ராமர் உருவம் எடுக்கப்பட்டது உண்மைதான். செருப்பால் அடிக்கப்பட்டதும் உண்மைதான். ஆனால், இதை எப்படி பார்க்க வேண்டும் என்பதை சொல்கிறேன். அப்போது திமுக ஆட்சியில் இருந்த காலம். பெரியாரின் மூடநம்பிக்கை ஒழிப்பு மாநாட்டு ஊர்வலம் என்ன செய்தியைத் தாங்கிவரும் என்றே தெரியாது அவர்களுக்கு. ஆனாலும், மூடநம்பிக்கை ஒழிப்பு என்பது ஏதோ இந்து மத விரோத செயல் என்பதைப் போல, அப்போது, ஆலயப் பாதுகாப்பு கமிட்டி என்ற பெயரால் ஒரு அமைப்பு சேலத்தில் இருந்தது. அவர்கள்தான் இப்போது இருக்கிற பாஜகவின் முந்தைய பிறவியான பாரதீய ஜனசங்கத்தின் உறுப்பினர்கள். இந்து மர்மச்சேத்திர என்று ஒரு பத்திரிகைகூட அவர்கள் நடத்திக்கொண்டிருந்தார்கள். அவர்கள் அந்த ஊர்வலத்திற்கு கருப்புக்கொடி காட்டுவதற்கு அனுமதி கேட்கிறார்கள். இப்போதெல்லாம் அது குறித்து நினைத்தே பார்க்க முடியாது. ஊர்வலம் நடக்காதபோதே கருப்புக்கொடி காட்ட முடியாது. ஆனால், பெரும் திரளாக மக்கள் கூடிவருகிற மாநில மாநாட்டு ஊர்வலத்தில் கருப்புக்கொடி காட்டுவது என்பதை இப்போதைய அரசு எல்லாம் ஏற்றுக்கொள்ளுமா என்று எண்ணிப் பாருங்கள். ஆனால், திமுக அரசு அதற்கான அனுமதியை அளித்தது. அது சேலம் தீயணைப்பு நிலையத்திற்கு சற்று முன்னதாக எதிர்புறத்தில் நின்று ஒரு 50 பேர் அவர்கள் கருப்புக்கொடி காட்டினார்கள்.

பெரியார் தலைமையில் அந்த மூடநம்பிக்கை ஒழிப்பு பேரணி நடக்கிறது. பேரணி மீது ஒரு செருப்பு எடுத்து வீசப்படுகிறது. விழுந்த செருப்பு ராமர் படம் எடுத்துச் சென்ற வண்டியின் அருகில் விழுகிறது. உடனே அந்த செருப்பை எடுத்து தோழர்கள் ராமர் படத்தை செருப்பால் அடித்தார்கள் என்பது உண்மைதான். இது திட்டமிடப்பட்ட நிகழ்ச்சியோ அல்லது இப்படி அடிக்க வேண்டும் என்று திட்டமிட்டோ வந்ததோ அல்ல. வீசப்பட்ட செருப்பை எடுத்து அடித்தார்கள். அது குறித்து விமர்சனம் வைப்பவர்கள். இதில் முதல்வினையே செருப்பு வீசியதுதான். அதற்கு எதிர்வினைதான் அந்த செருப்பை எடுத்து அடித்தது. நாணயப் பொருப்புடன் பேச வேண்டும் என்றால் அவர்கள் முதல்வினையையும் பேச வேண்டும். எதிர்வினையையும் பேச வேண்டும். அது முதலில் ரஜினி செய்த பிழைகளில் ஒன்றாக நான் பார்க்கிறேன். அடுத்து ஊர்வலத்தில் எடுத்து வந்த படங்கள் ராமரும் சீதையும் உடையில்லாமல் எடுத்து வரப்பாட்டார்கள் என்பது அப்பட்டமான பொய். அவர்களுக்கு செருப்பு மாலை அணிவிக்கப்பட்டது என்பதும் அப்பட்டமான பொய். துக்ளக் இதழ் 40 காசுக்குதான் விற்கப்பட்டது. இவர் கூறுவதைப் பொல 10 ரூபாய்க்கு விற்கப்படவில்லை. 10 ரூபாய்க்கு விற்கப்பட்டது என்றும் பறிமுதல் செய்யப்பட்டதால் 50 ரூபாய்க்கு கள்ள மார்க்கெட்டில் விற்கப்பட்டது என்பது பெருமைப்பட்டுக்கொள்கிற செயல் அல்ல. இது ரஜினிகாந்த் சொல்கிற சிஸ்டம் சரியிலை என்று சொல்வதற்கு சரியான எடுத்துக்காட்டு. 50 ரூபாய்க்கு விற்றதை ரஜினி பெருமைபடக் கூறுகிறார்.

அதற்கு எதிர்வினை வந்தபோது செய்தியாளர்களை சந்தித்த ரஜினி, இதோ பாருங்கள் நான் கையில் வைத்திருப்பது. அவுட்லுக் ஏடு ஹிந்து குரூப்பின் ஏடு என்று சொல்கிறார். 2017 ஆம் ஆண்டு ஒரு செய்தியை வெளியிட்டிருக்கிறது. அந்த படங்கள் நிர்வானமாக ஊர்வலம் எடுக்கப்பட்டதைப் பற்றி சொல்லி இருக்கிறார்கள் என்று அவர் சொல்லி எடுத்துவந்த அந்த ஏட்டின் படியை அல்ல. அதனுடைய நகலைக் கொண்டுவந்து காட்டுகிறார். அவர் நாணயப் பொறுப்பு உள்ளவராக இருந்திருந்தால் அந்த நகலை எல்லா செய்தியாளர்களுக்கும் விநியோகித்திருக்க வேண்டும். அதையும் அவர் செய்யவில்லை. அதை ஊடகத்தினர் தங்கள் கேமிராவில் ஜூம் செய்து எடுத்துக்கொள்ளும் அளைவில் நிறுத்தி நிதானமாக காட்டியிருக்க வேண்டும். அதையும் அவர் செய்யவில்லை. ஏதோ மந்திரவாதி மேஜிக் செய்பவர் காட்டுவதைப் போல, வேகமாக கையாட்டிவிட்டு மறைந்து கொள்கிறார். அவ்வளவுதான்.

இதில் உள்ள பொய்களையும் நான் சொல்லிவிட வேண்டும். ஒன்று அவுட்லுக் என்கிற ஏடு ஹிந்து குரூப்பில் இருந்து வெளிவரவில்லை. அவர் பொய்யாக ஹிந்து குழுமத்தில் இருந்து வருகிற பத்திரிகை என்று சொல்கிறார். இது முதல் பொய். அவர் காட்டிய நகல் 2017-ம் ஆண்டு வந்தது. இவர் பேசியது துக்ளக்கின் 50-ம் ஆண்டுவிழாவில், பேசியதை, அவர் நாணயப் பொறுப்புள்ளவராக இருந்திருந்தால், துக்ளக் பத்திகையின் ஆவணக் காப்பகத்தில் இருந்து அந்த செய்தி வெளியான பத்திரிகையை எடுத்துவந்திருந்து காட்ட வேண்டும். ஆனால், அதை செய்யாமல், 2017-ம் ஆண்டு வந்ததைக் காட்டி அது எழுத்தாக வந்திருக்கிறதா? அல்லது படமாக வந்திருக்கிறதா என்று காட்டாமல் நான் மன்னிப்பு கேட்கமாட்டேன் என்று கூறுகிறார். மன்னிப்பு கேட்பது என்பது அவமானமான செயல் அல்ல. தவறு என்று புரிந்துகொண்டால் அதற்காக மன்னிப்போ வருத்தம் தெரிவிப்பதோ மனிதநேயமுள்ள மனிதப் பன்பு உள்ளவர்களின் கடமைகளில் ஒன்றாகும். அதுகூட உரிய காரணம் இருந்தால் மறுக்கலாம். அதற்கு காரணம் இல்லை. துக்ளக் ஏட்டில் வரவில்லை என்பதையும் அவர் சொல்லவில்லை. இது யோக்கியன் செய்கிற செயல் அல்ல.

துக்ளக் நிகழ்ச்சியில் பேசிய துணை குடியரசுத் தலைவர் வெங்கையா நாயுடு நான் இப்போது அரசியலுக்கு வெளியே இருக்கிறேன். ரஜினி அரசியலுக்கு வர உள்ளார் என்று கூறினார். ரஜினிகாந்த் பாஜகவுக்கு வர இருக்கிறார் என்பதை சூசகமாக சொன்னாரோ என்று தெரியவில்லை. ஆனால், பாஜகவின் உறுப்பினராக இருக்கும் அளவுக்கு பொய், பித்தலாட்டம், ஆணவம் அனைத்தும் அவருடைய போக்கில் காணப்படுகிறது என்பதை இப்போது சொல்ல விரும்புகிறேன்.

எஸ்.வி.சேகர் பெண்களைப் பற்றி சொன்னார். மன்னிப்பு கேட்க மறுத்தார். இப்படிப்பட்ட ஆணவமான பேச்சுகளும் பிடிவாதமாக இருக்கின்ற மனித தன்மையற்ற செயலும் பாஜகவின் சொத்துக்கள் ஆகும். அதைத்தான் ரஜினியும் காட்டியிருக்கிறார். பாஜகவில் உறுப்பினராவதற்குரிய முழு தகுதியும் வந்துவிட்டது என்பதுதான் அவருடைய நேர்காணல் நமக்கு சொல்ல வருகிறது. அவரை பாஜக தலைவர்கள் நீங்கள் தலைமை ஏற்க வரவேண்டும் என்று வருந்தி வருந்தி கேட்கிறார்கள். இந்த சூழ்நிலையில்தான் அவர் இப்படி செய்திருக்கிறார்.

இதில் நான் பார்ப்பது அவர் துக்ளக் ஏட்டை அவர் பார்த்ததே இல்லை. அது வந்தது 1971-ம் ஆண்டில். இவர் தமிழ்நாட்டுக்கு 1975-இல் அபூர்வ ராகங்கள் படம் நடிக்க வந்தார். அதற்கு முதல் ஆண்டில் இங்குள்ள திரைப்படக் கல்லூரியில் சேர்ந்திருந்தார். அப்போது இவருக்கு தமிழ் தெரிந்திருக்குமா என்று தெரியாது. உண்மையாக திரைப்படத்துறைக்கு வந்திருந்தாலும்கூட நான்கு ஆண்டுகளுக்கு முன்பு வந்த செய்தி இவருக்கு தெரிந்திருக்காது. யாரோ ஒருவர் சொல்லித்தான் அவர் துக்ளக் ஆண்டுவிழாவில் அவர் பேசியிருக்கிறார். இது அவருடைய குரல் அல்ல. துக்ளக் ஏட்டைக்கூட பார்க்கததால்தான் அவர் அவுட்லுக் ஏட்டை எடுத்துக்காட்டுகிறார். அவருக்கு பேச உரிமை உண்டு. ஆனால், அவர் மீது வைக்கப்பட்ட குற்றச்சாட்டுக்கு இது சரியானது அல்ல. அவர் துக்ளக் ஏட்டை காட்டியிருக்க வேண்டும். துக்ளக் விலையைப் பற்றியும் காட்டியிருக்கலாம். அது அதிக விலைக்கு விற்றதை காட்டியிருக்கலாம். நிகழ்ச்சி நடந்து 46 ஆண்டுகள் கழித்து வந்த பத்திகையை காட்டியும் காட்டாமலும் சொல்லியிருப்பது பூசி மெழுகப் பார்க்கிறார்.

இது மக்கள் மத்தியில் உருவாக்கி வைத்திருக்கிற பிம்பத்துக்கு நேர் எதிரானவர். இவர் ஏதோ தன்னை நாணயஸ்தனைப் போலவும் அப்பாவியைப் போலவும் காட்டிக்கொள்கிறார். இவர் நாணயமானவரும் இல்லை. அப்பாவியும் இல்லை. திட்டமிட்டு பொய்யை அழுத்தமாகப் பேசுகிற ஆற்றல் உள்ள ஒருவர் என்ற போக்கைத்தான் காட்டுகிறது. உண்மைக்கு மாறான செய்திகளைப் பரப்புகிற, பாஜகவின் வேலைத்திட்டத்துக்கு உடன்பட்டு போகிற செயல்” என்று கூறினார்.

This is #Thuglak editor #Cho's version on what happened in #Salem in 1971 & after the Anti-superstition rally led by #Periyar pic.twitter.com/idUsB8Yt2A

— Shabbir Ahmed (@Ahmedshabbir20) January 21, 2020

அதே போல, இந்த சர்ச்சை விவகாரம் குறித்து பத்திரிகையாளர் ஷபீர் அஹமது தனது டுவிட்டர் பக்கத்தில், சோ துக்ளக் இதழில் எழுதிய காலண்டர் கூறும் கதை சேலம் விவகாரம் என்ற பக்கங்களின் புகைப்படங்களை டுவிட் செய்துள்ளார். அதில், சேலம் மாநாட்டு பேரணி குறித்து தினமணியில் வெளியான செய்திகளைக் குறிப்பிட்டு சம்பவங்களைக் குறிப்பிட்டுள்ளார்.

அதே போல, ஊடகவியாளளர் பாரத் என்பவர் தனது டுவிட்டர் பக்கத்தில், 1971-ம் ஆண்டு தி.க. ஊர்வலம் பற்றி ஒரு புகைப்படத்தை பதிவிட்டுள்ளார். அதில், திமுக அரசின் பாதுகாப்புடன் சேலத்தில் நடத்தப்பட்ட தெய்வநிந்தனை ஊர்வலக் காட்சிகள் இவைதான் என்று ஊர்வலத்தில் இடம்பெற்ற புகைப்படங்கள் இடம்பெற்ற ஒரு பதிவை டுவிட் செய்துள்ளார்.

#Rajinikanth is correct on #Periyar. Here is the Illustrated Weekly of India report and photos, of the 1971 Salem protest where Hindu gods were denigrated, and how the Madras Police seized copies of Feb 13, 1971 Thuglak that had printed those photos. (images courtesy @bharath1) pic.twitter.com/IMJHh5HMPm

— Anand Ranganathan (@ARanganathan72) January 21, 2020

எழுத்தாளர் ஆனந்த் ரங்கநாதன், தனது டுவிட்டர் பக்கத்தில், 1971-ம் ஆண்டு சேலத்தில் பெரியார் தலைமையில் நடைபெற்ற மூட நம்பிக்கை ஒழிப்பு மாநாட்டு பேரணியையொட்டி நடைபெற்ற சம்பவங்களையும் துக்ளக் தடைசெய்யப்பட்டது பற்றியும் ஊர்வலத்தில் இடம்பெற்ற படங்கள் பற்றியும் புகைப்படம் இல்லஸ்ட்ரேட்டட் வீக்லி இதழ் செய்தி வெளியிட்டுள்ளதை டுவிட் செய்துள்ளார்.

A photograph of 1971 rally by Dravidar Kazhagam. A forward. Zoom the photo and see what are the pictures say. See how Hindu Gods were depicted. pic.twitter.com/UiSSeLlmLd

— bharathnt (@bharath1) January 19, 2020

ரஜினி விவகாரம் சர்ச்சையானது குறித்து இந்த வார துக்ளக் பத்திரிகையில் துர்வாசர் என்ற பெயரில் ரஜினிக்கான மறுப்பு உண்மையா? என்ற தலைப்பில் ஒரு கட்டுரை எழுதப்பட்டுள்ளது. அதில், சேலம் பேரணியில் இடம்பெற்ற சித்திரம் என்று ஒரு புகைப்படம் பிரசுரிக்கப்பட்டுள்ளது. மேலும், தி.க.வினர் இந்துக்களை மட்டுமல்லாமல் முஸ்லிம்கள் கிறிஸ்தவர்களையும் அவமதித்தவர்கள் என்று குறிப்பிட்டுள்ளனர்.

அண்மையில் துக்ளக் ஆண்டு விழாவில் நடிகர் ரஜினிகாந்த் சிறப்பு விருந்தினராக கலந்துகொண்டு பேசினார். அப்போது, 1971-ம் ஆண்டு சேலத்தில் நடைபெற்ற ஊர்வலத்தில் ராமர், சீதை படத்தை ஈ.வே.ரா.பெரியார் செருப்பால் அடித்ததாகக் குறிப்பிட்டார். இது சர்ச்சையை உருவாக்கியது.

‘ராமர் - சீதை படத்தை பெரியார் அடிக்கவில்லை. கூட்டத்தில் ஜனசங்கத்தினர் வீசிய செருப்பை எடுத்து, திராவிடர் கழக தோழர் ஒருவர் ராமர் படத்தை செருப்பால் அடித்தார்’ என்று பெரியாரிய அமைப்பினர் விளக்கம் கொடுத்தனர். ரஜினி தனது கருத்தை வாபஸ் பெற்று, மன்னிப்பு கோராவிட்டால் சென்னை போயஸ் தோட்டத்தில் உள்ள அவரது வீட்டை முற்றுகையிடுவோம் என பெரியார் திராவிடர் கழகம், தந்தை பெரியார் திராவிடர் விடுதலைக் கழகம் உள்ளிட்ட அமைப்புகள் அறிவித்தன.

இந்த நிலையில் இன்று (ஜனவரி 21) சென்னை போயஸ் கார்டன் இல்லத்தில் நிருபர்களை சந்தித்த ரஜினிகாந்த், ‘என்னிடம் இருப்பது 1971-ல் சேலம் ஊர்வலம் தொடர்பாக அவுட்லுக்கில் வெளியான செய்தி. இந்த அடிப்படையிலேயே நான் பேசினேன். உண்மையை பேசியதால் இதற்கான மன்னிப்பு கேட்க முடியாது’ என அறிவித்தார்.

ரஜினியின் இந்தப் பேட்டியை ரஜினி ரசிகர்கள் கொண்டாடி வருகிறார்கள். ரஜினியின் தைரியமான நடவடிக்கையாக இதை மெச்சுகின்றனர். ‘வீட்டை முற்றுகையிடுவோம்’ என அறிவித்தவர்களுக்கு சரியான பதிலடியாக பார்க்கின்றனர். இதைத் தொடர்ந்து, ‘மன்னிப்பு கேட்க முடியாது’ என்கிற வாசகத்தை இன்று ட்விட்டரில் இந்திய அளவில் ட்ரெண்ட் செய்தனர்.

மாலை 4.30 மணி நிலவரப்படி அந்த ஹேஷ்டேக் 92,000 ட்வீட்களை தாண்டி, இந்திய அளவில் முதலிடம் பிடித்தது. பதிலுக்கு ரஜினி எதிர்ப்பாளர்கள், அவரை மோசமாக திட்டுகிற விதமாக ஒரு வாசகத்தை ட்ரெண்ட் செய்தனர். மாலை 4.30 மணி நிலவரப்படி அது நான்காயிரம் ட்வீட்களை நெருங்கியது. பெரியாரை திட்டுகிற விதமாக போடப்பட்ட இன்னொரு ஹேஷ்டேக்கும் நான்காயிரம் ட்வீட்களை நெருங்கியது.

சமூக வலைதளங்களில் ரஜினி விவகாரம் பெரும் பேசும் பொருள் ஆனது.

திரைப்பட விநியோகஸ்தர் திருப்பூர் சுப்ரமணியம் இந்தியா கிளிட்ஸ்க்கு அளித்த பேட்டியில், ரஜினியின் தர்பார் திரைப்படமும் தனுஷின் பட்டாஸ் திரைப்படமும் பொங்கலுக்கு ரிலீஸ் ஆனது; அந்த படங்கள் எப்படி போய்க்கொண்டிருக்கிறது? என்பது பற்றி கூறுகையில், “கடந்த பொங்கலுக்கு பேட்ட, விஸ்வாசம் படம் எப்படி வெளியானதோ அதே போல, இந்த பொங்கலுக்கு தர்பார், பட்டாஸ் ரிலீஸ் ஆகியிருக்கிறது. நல்லா போய்க்கொண்டிருக்கிறது. தர்பார் பிரி ரிலீஸ் செய்ததால் நாங்கள் அந்த 6 நாள் கூடுதலாக வசூல் பார்க்க முடிந்தது. அதனால், பிரி ரிலீஸ் நல்ல ஒரு ஐடியா.” என்று கூறினார்.

ரஜினியின் தர்பார் படம் விஜய்யின் பிகில் படத்தின் வசூலை முறியடித்துள்ளதா என்ற கேள்விக்கு பதிலளித்த திருப்பூர் சுப்ரமணியம், இதுவரைக்கும் இல்லை. ஆனால், படம் ஓடி முடியும்போதுதான் என்ன என்பது தெரியும் என்று கூறினார்.

சமீபத்தில், சமூக ஊடகங்களில் தர்பார் திரைப்படம் தமிழகத்தில் 100 கோடி ரூபாயை வசூலித்துவிட்டது என்றும் பிகில் படம் 52 கோடி ரூபாயை வசூலித்துள்ளது என்றும் ஒரு கணக்கு சொல்லப்படுகிறது. உண்மை நிலவரம் என்ன என்ற கேள்விக்கு பதிலளித்துள்ள திருப்பூர் சுப்ரமணியம், “இந்த தகவல் மிகவும் தவறானது. தமிழகத்தில் பிகில் வசூல் 100 கோடி ரூபாயைத் தாண்டியது. நிச்சயமாக 125 கோடி, 130 கோடியாக இருக்கலாம் என்று கூறினார். தர்பார் படமும் கண்டிப்பாக 100 கோடி ரூபாய் வசூலைத் தாண்டும். என்னுடைய அனுமானம் 100 கோடியை தாண்டியிருக்கும். பள்ளிகள், அலுவலகம் திறக்கப்படுவதால் அதனால், நாளை முதல் வசூல் எப்படி இருக்கிறது என்பதைப் பொருத்துதான் தர்பார் வசூல் பிகிலை தாண்டுமா தாண்டாது என்று கூறமுடியும். இப்போதைய நிலவரப்படி நிச்சயமாக தர்பார் படம் பிகில் படத்தின் வசூலைத் தாண்டவில்லை.” என்று கூறினார்.

தொடர்ந்து பேசிய திருப்பூர் சுப்ரமணியம்ம், தர்பார் படத்தையும் பட்டாஸ் படத்தையும் ஒன்றாக ஒப்பிடுவதே தவறு. தர்பார் படம் 12 கோடி ரூபாய் என்றால் பட்டாஸ் படம் 2.50 கோடி ரூபாய். தர்பார் படத்தின் விலையில் பட்டாஸ் படத்தின் விலை 5-இல் 1 பங்குதான்.

அதே போல, தனுஷ் நடித்த அசுரன் படத்தின் வசூலை அவருடைய பட்டாஸ் படத்தின் வசூல் முறியடிக்கவில்லை. பட்டாஸ் படத்தைவிட அசுரன் படம்தான் சிறந்த படம்.
https://youtu.be/M4G4E_1H6J4
பட்டாஸ் படம் வெளியான பிறகு, தர்பார் படத்தின் வசூல் நிச்சயமாக குறைந்துள்ளது. ஏனென்றால், ஒரு மல்டிபிளக்ஸ் திரையரங்கில் 6 திரைகளில் தர்பார் திரையிடப்படுகிறது என்றால் தர்பார் படம் வெளியானதும் 2 திரையரங்குகளில் பட்டாஸ் திரையிடப்பட்டது. அப்படி செய்யும்போது தர்பார் வசூல் குறையத்தானே செய்யும்” என்று திருப்பூர் சுப்ரமணியம் கூறினார்.

மேலும், “ரஜினியின் கபாலி, காலா படத்துடன் ஒப்பிடும்போது இப்போது பேட்ட, தர்பார் படங்களில் அரசியல் மிகவும் குறைவு. ரஜினி மாஸ் படமாகவும் உள்ளது. இனி ரஜினி எது போன்ற படங்களை தேர்ந்தெடுக்கலாம் என்ற கேள்விக்கு பதிலளித்த திருப்பூர் சுப்ரமணியம், சூப்பர் ஸ்டார் ரஜினி மட்டுமல்ல எல்லா ஸ்டார்களும் சினிமாவில் அரசியலை தவிர்ப்பது நல்லது. சினிமா ஒரு பொழுதுபோக்கு. தேவையில்லாமல் இதில் அரசியலைப் புகுத்தினால் அதனால் உங்களுக்கு ஒன்று வெற்றி கிடைக்கப்போவதில்லை. அரசியலை மேடையில் பேசுங்கள். சினிமாவை சினிமாவில் அரசியல் பேசுங்கள். சினிமாவை சினிமாவாக பாருங்கள். சினிமாவில் அரசியல் இல்லாததால் கபாலி, காலாவைவிட பேட்ட, தர்பார் ஆகிய இரண்டு படங்கள் பிரமாதமாக வசூல் செய்திருக்கிறது.” என்று ரஜினி படங்களின் வசூல் பற்றி கூறினார்.

தர்பார் படம் குறித்து பேசிய திருப்பூர் சுப்ரமணியம், தர்பார் படம் எனக்கு ரொம்ப பிடித்திருந்தது. நீண்ட நாட்களுக்குப் பிறகு ரஜினி போலீஸ் பாத்திரத்தில் நடித்துள்ளார். முருகதாஸ் சிறப்பாக இயக்கி இருக்கிறார். ரஜினியின் மகளாக நடித்துள்ளவர் நல்லா நடித்திருக்கிறார்.” என்றார்.

இந்த பொங்கலுக்கு அரசியல் தலையீட்டால்தான் ரஜினி படமும் அவரது மருமகன் தனுஷ் படமும் வெளியானதாக கூறுகின்றனர். இதைப்பற்றி உங்களுடைய கருத்து என்ன என்று கேட்டதற்கு, “அதெல்லாம் சும்மா சொல்கிறார்கள். அரசியல்வாதிகள் அவர்கள் வேலையைப் பார்க்கிறார்கள். சினிமாக்காரர்கள் சினிமா வேலையைப் பார்க்கிறார்கள். பண்டிகை காலங்களில் 2 படங்கள் வந்தால் நல்லா இருக்கும் என்று கடந்த தீபாவளி நிரூபித்துவிட்டது. தீபாவளிக்கு வெளியான பிகிலும் கைதியும் வெளியாகி வெற்றி பெற்றது. இதனால், குறைந்தபட்சம் 2 படங்கள் வெளியாகலாம்.

பட்டாஸ் வெளியாகவில்லையென்றால் தர்பார் படத்தின் வசூல் கூடியிருக்குமா என்றால் ஒரு 10 சதவீதம் கூடியிருக்கும். ரொம்ப அதிகம் எல்லாம் வசூல் ஆகி இருக்காது.

தர்பார் படத்தின் வசூல் உலகம் முழுவதும் 150 கோடி ரூபாய் என்று லைகா புரொடக்‌ஷன் சொல்லியிருப்பது நம்பகமான தகவல். நிச்சயமாக தர்பார் படம் உலக அளவில் 150 கோடி ரூபாயை வசூலித்திருக்கும்” என்று கூறினார்.