பிக் பாஸ் வீட்டுக்கு செட் ஆகாத 2 பேர்... சொல்லி வைத்தது போல் ரவுண்டு கட்டி அடித்த போட்டியாளர்கள்; இந்த வாரம் வெளியேறப் போவது இவங்க தான்!

தமிழில் ரசிகர்கள் மிகவும் எதிர்பார்ப்புடன் பார்க்கும் நிகழ்ச்சி ‘பிக்பாஸ் சீசன் 9’. இதுவரை தமிழில் இந்த நிகழ்ச்சி 8 சீசன்கள் ஒளிபரப்பாகியுள்ளது. முதல் ஏழு சீசன்களை நடிகர் கமல்ஹாசன் தொகுத்து வழங்கினார். இதையடுத்து அவர் நிகழ்ச்சியில் இருந்து நீங்கிய நிலையில் 8-வது சீசனில் இருந்து நடிகர் விஜய் சேதுபதி தொகுத்து வழங்கி வருகிறார்.

’பிக்பாஸ்’ நிகழ்ச்சியானது தமிழ் மட்டுமல்லாமல் தெலுங்கு, மலையாளம், இந்தி போன்ற மொழிகளிலும் ஒளிபரப்பாகி வருகிறது. இதில், அந்தந்த மொழிகளில் பிரபலமாக உள்ள நடிகர்கள் ‘பிக்பாஸ்’ சீசனை தொகுத்து வழங்கி வருகின்றனர். தமிழில் ‘பிக்பாஸ் சீசன் 9’ நிகழ்ச்சியானது அக்டோபர் 5-ஆம் தேதி  மிக பிரமாண்டமாக தொடங்கியது.

எப்போதும் இல்லாத வகையில் போட்டியில் விறுவிறுப்பை ஏற்படுத்தும் விதமாக பிக்பாஸ் வீட்டில் பல மாற்றங்கள் செய்யப்பட்டுள்ளது. இதையடுத்து ‘பிக்பாஸ்’ வீட்டிற்குள் 20 போட்டியாளர்கள் களமிறங்கினர். இதில் முதல் போட்டியாளராக ‘வாட்டர் மெலன் ஸ்டார்’ திவாகர் களமிறங்கினார். இன்ஸ்டாகிராம் மூலம் பிரபலமான திவாகர் அடிப்படையில் மருத்துவர் ஆவார்.

இவர் இன்ஸ்டாகிராமில் ‘கஜினி’ படத்தில் நடிகர் சூர்யா, நடிகை அசினுடன் வெளியில் ஒரு கடையில் தர்பூசணி பழம் வாங்கி சாப்பிட்டுக் கொண்டிருக்கும் காட்சியை ரீல்ஸாக செய்ததன் மூலம் பிரபலமானார். இதைத்தொடர்ந்து, ரசிகர்கள் அவரை ‘வாட்டர் மெலன் ஸ்டார்’ என்று அழைக்கின்றனர். இவர்,  இன்ஸ்டாகிராமில் பல ரீல்ஸ்களை செய்து வருகிறார். மருத்துவர் திவாகர் ’ஏஸ்’ என்ற படத்தில் சிறிய கதாபாத்திரத்தில் நடித்துள்ளார்.

இதையடுத்து, ’பிக்பாஸ்’ வீட்டில் போட்டியாளராக களமிறங்கியுள்ளார். இந்நிலையில், ‘பிக்பாஸ்’ வீடு ரசிகர்கள் எதிர்பார்த்த வகையில் சூடுபிடிக்க ஆரம்பித்துள்ளது. இந்த வார நாமினேஷன் புராசஸ் நடைபெற்றது. இதில் போட்டியாளர்கள் பெரும்பாலானோர் திவாகர் மற்றும் கலையரசனை நாமினேசன் செய்தனர். இவர்களுடன் வியானா, ஆதிரை, அப்சரா சிஜே, பிரவீன் ராஜ் மற்றும் பிரவீன் காந்தியும் நாமினேசன் செய்யப்பட்டனர்.

இதனை பார்த்த ரசிகர்கள் திவாகர் மற்றும் கலையரசன் இருந்தால் தான் ’பிக்பாஸ்’ வீடு சூடுபிடிக்கும் என்று கமெண்ட் செய்து வருகின்றனர். பலர் இவர்கள் வெளியேறினாலே ’பிக்பாஸ்’ நிகழ்ச்சி நன்றாக இருக்கும் என்று கருத்து தெரிவித்து வருகின்றனர். இந்த வாரம் யார் பிக்பாஸ் வீட்டில் இருந்து வெளியேறுவார் என்ற குழப்பத்தில் சனி மற்றும் ஞாயிற்றுக் கிழமையை நோக்கி ரசிகர்கள் காத்திருக்கின்றனர்.