Bigg Boss 3: பிக்பாஸ் 3 ஒளிபரப்பு நேரத்தில் மாற்றமா?

போட்டியாளர்களின் அறிமுகம் இருப்பதால், நிறைய நேரம் தேவைப்படுமென முன் கூட்டியே ஒளிபரப்பு செய்யப்படுகிறதாம். 

By: Published: June 20, 2019, 5:12:18 PM

Bigg Boss Tamil 3: இன்னும் சில தினங்களில் பிக்பாஸ் நிகழ்ச்சி துவங்கவிருக்கிறது. நடிகர் கமல் ஹாசன் தொகுத்து வழங்கும் இதில், போட்டியாளர்கள் யார் என்ற எதிர்பார்ப்பு அதிகரித்துள்ளது. இருப்பினும் நிகழ்ச்சி துவங்கும் 23-ம் தேதி தான் போட்டியாளர்களின் பட்டியல் அதிகாரப்பூர்வமாக வெளியாகும்.

இந்நிலையில் பிக்பாஸ் விளம்பரத்தில் ஜூன் 23 அன்று இரவு 8 மணிக்கு என்று குறிப்பிடப்பட்டு வருகிறது. இதனால் ரசிகர்கள் பலரும் அதிர்ச்சியடைந்தனர். காரணம் பல முன்னணி தொலைக்காட்சிகளில், முக்கிய சீரியல்கள் 8 மணிக்கு ஒளிபரப்பாவதால், ரிமோட் கையில் கிடைக்குமா என்ற சோகத்தில் ஆழ்ந்திருந்தனர், பிக்பாஸ் ரசிகர்கள்.

இந்நிலையில் பிக்பாஸ் நிகழ்ச்சியின் முதல் நாளில் மட்டும் தான் 8 மணிக்கு ஒளிபரப்பாகிறது என தெளிவுப் படுத்தியுள்ளது சேனல் நிர்வாகம். முதல் நாளில் போட்டியாளர்களின் அறிமுகம் இருப்பதால், நிறைய நேரம் தேவைப்படுமென முன் கூட்டியே ஒளிபரப்பு செய்யப்படுகிறதாம்.

மற்ற நாட்களில் இரவு 9.30 மணி முதல் 11 மணி வரை ஒளிபரப்பாகும் எனவும் கூறப்படுகிறது.

 

Get all the Latest Tamil News and Tamil Nadu News at Indian Express Tamil. You can also catch all the Entertainment News in Tamil by following us on Twitter and Facebook

Web Title:Bigg boss tamil 3 timings kamal haasan

The moderation of comments is automated and not cleared manually by tamil.indianexpress.com.
பிரபலமானவை
Advertisement

JUST NOW
X